#/ Mesup harei 14/2, huyện Hoài Nhơn, tỉnh Bình Định peih bruk taduan mek kapan ikan kanduh thép tui Nghị định 67 di rajaei ka dom sarak patagok kaya ikan. Mbang ni, Công ty Trách nhiệm hữu hạn Việt Tiến, tỉnh Nam Định hu jao 8 kapan ikan kanduh thép ka urang tong chap ikan huyện Hoài Nhơn. Yaok kapan, hu công suất 822 CV, rup kapan atah 30,8m; gar prong meng  7,5 m song rilo thiết bị bahrau, yaok boh kapan hu yaom 17,5 tỷ đồng.

# / Hajan dui atah gam saong ia ndik ngak ka ralo jalan ar pacang nội đồng di tỉnh Thừa Thiên - Huế khut trak, ia sraiy tapa ngak jaleih. Labaih 70km ar pacang saong kênh mương nội đồng di dom huyện Quảng Điền, Phong Điền, Phú Vang… njauk khut trak, labaih 7.000 ha padai đông xuân barau drak njauk dauk. Dom harei tapa, puk palei hu brei menuac mai đắp ar pacang dauk daong padai saong drak taneh daok veik. Min, urak ini ia ndik patui rah tabiak kan kandah nan ye jaik 400 ha padai daok dauk oh ka drak hu, mbuan klak saoh.     

#/ UB bhap bini tỉnh Bình Thuận bahrau hu panuac ieu gah padang ngak công trình thủy lợi sông Dinh 3 samar ngak ka nyu salah cầu máng ka 3 ( di xã Tân Xuân, huyện Hàm Tân) jaleih dahlau di nam, piah ba ia mai pabak ka bruk ngak nong, pacing caga bilan pandiak thu 2017. Urak ni, danak dak oh ka hu pasiam veik nan ye ia oh bah u di labik hạ du huyện Hàm Tân song ban sit  La Gi, piah urang nong pala drak dalam bilan thu.

#/ Meng lavik mai, hèm bia hu pandar dalam bruk raong limo, pabui, daong patrun phun jien đầu tư saong tapon limo, pabui patagok siam, tăng trọng samar. Iek tui nan, saai Huỳnh Nguyên Đăng daok di xã Phước Thuận, huyện Ninh Phước, tỉnh Ninh Thuận hu pandar hèm bia piah raong pabo palimek. Tuk camereip, saai raong 150 drei pabo palimek tui jalan brei mbang hareik pambuak saong hèm bia. Hadei 3 bilan raong iek, tapon pabo di saai patagok siam, takik ruak, trọng lượng tagok meng 3 tal 4 kg duk saong jalan raong dahlau.

#/ Gam song taneh ia, 1.400 dam dara tỉnh Bà Rịa - Vũng Tàu halan hatain tagok jalan ngak bruk khik caga taneh ia. Hội đồng nghĩa vụ quân sự tỉnh Bà Rịa - Vũng Tàu brei thau pren yava song ilamu bac megru dam dara trúng tuyển thun ni glong jang thun dahlau. Dalam 1.400 dam dara caga tagok jalan nhập ngũ hu 316 urang bac tamat bloh đại học, trung cấp, jiak 60 urang dok ngak bruk dalam dom jabat karja, 36 urang lac đảng viên. Tong abih adei saai halan hatain buh pren yava tame ngak siam bruk khik caga taneh ia.

 #/ Hadei di tuk patagok đề án truy xuất asal ralo pabui saong njam patam baoh karaoh, tukvak anak tal ban raya HCM hu patui peih ngak đề án truy xuất asal ralo menuk saong baoh menuk ada. Bruk karei di đề án ini duk saong đề án truy xuất asal ralo pabui lac ralo menuk ada hu peih truy xuất meng anek pajaih, pandap mbang, quy trình raong glang piah tal tangin urang blei pandar.

#/ Piah pok meyaom song patagok ilamu đòn ca Tài tử Nam bộ  di Đình Vạn Phước, xã Mỹ Lệ, huyện Cần Đước, Sở ilamu thề thao song DL tỉnh Long An hu peih harei patom doh Đờn ca Tài tử Nam bộ mbang ka 23. Hu mbaok di harei patom doh Đờn ca Tài tử Nam Bộ hu labaih 10 ban Đờn ca Tài tử mai meng dom tỉnh, ban

 Patui di ini dom khau tin dunya:

#/ Harei ini 15/2,  bhap bini In-đô-nê-sia hu nao buh phiếu, palih ruah urang dang akaok dom tỉnh saong huyện di 101 bhum dalam taneh ia. Jaik 50 triệu cử tri hu buh phiếu, dalam nan hu 7 triệu 100 ribau urang di Gia-các-ta. Tui kuhria kết quả chính thức bruk bầu cử thống đốc bang hu brei thau meng 8 bingun tal 10 bingun bilan 3. Meyah oh hu urang ứng cử halei  mek đa số dalam vòng buh phiếu 1, sa labik buh phiếu vòng 2 hu rah tabiak di bilan 5 tal di dua urang ứng cử hu hala phiếu ralo abih.

 #/ Mỹ harei kabroi brei panuac suh sah ka dom bruk meblah tasik dok hu patagok di bhum langiu tasik Tây Phi. Takik di abih 27 mbang tấn công kapan, dalam nan hu meblah, bắt cóc atau dom mbang meblah oh jeng, rah tabiak di langiu tasik bhum Tây Phi meng bilan 4 thun bloh tal ni. Min , labik langiu tasik gah pai Châu Phi jeng lac labik pandiak ka dom mbang meblah tasik hu rah tabiak 2 mbang tấn công dalam sa tuk vak.

10/ Urang brei panuac mintri ngoại giao TQ Cảnh Sảng brei thau, TQ phản đối bruk cuh iek tên lửa di Cộng hòa dân chủ bhap bini Triều Tiên saong patui hu mbaok tame bruk ginup meyai di Hội đồng bảo an Liên hợp quốc ka bruk hạt nhân TT tui jalan tích cực saong hu trách nhiệm./.