1# Dalam mbang nyaom di Ủy ban Thường vụ Quốc hội brei panuac ka bruk cakrok patagok kinh tế - xã hội, saong kadung jien karja dom bilan akaok thun 2018, amuk Nguyễn Thị Kim Ngân - Chủ tịch Quốc hội ndom lac: GDP 3 bilan akaok thun 2018 tagok 7,38% min jeng ngak catang oh sit ka bruk patagok GDP dalam dom bilan daok veik. Lingiu di nan, dom trụ cột kinh tế cakrok oh ka khang kajap. Dom urang đầu tư FDI rik daong ka bruk patagok di taneh ia min ngak habar ka doanh nghiệp dalam taneh ia khang tagok, hu bruk hu mbaok ralo jang tame dom chuỗi giá trị  tăng trưởng.

2 # Meng harei 15/5, gah jalan pasei brei ramik veik harei melam peih dom radeih pui Thống Nhất piah palagaih jang ka bruk nao mai di tuai damuai .  Pagap yau radaih pui SE1 tabiak meng  ga Hà Nội di  22 tuk  20 minite yaok harei; radaih pui SE2 tabiak meng  ga Sài Gòn di 21 tuk 55 minite yaok harei; radaih pui SE3 tabiak meng ga Hà Nội di  19 tuk meteh yaok harei; radaih pui SE4 tabiak meng ga Sài Gòn di 19 tuk  45 minite yaok harei …

3# Tập đoàn Điện lực Việt Nam brei thau, anak tal, piah pacang caga pandiak bhang mbang camereip abih di thun ini, Tập đoàn hu panuac kakei dom jabat, labik ngak bruk karja saong bhap bini njauk pandar điện patak pataom, abih di nyu nan tuk lingik pandiak khang. Tuk pandar jamriak điều hòa nhiệt độ, bhap bini njauk caik di tanut meng 26 độ C tagok, piah gam patak pataom điện, gam patrun bruk quá tải di lưới điện.  

4 # Ong Nguyễn Nam Liên, akaok Vụ Kế hoạch jien padai  (Mintri Y tế) brei thau, dalam bilan 5/2018, Mintri Y tế, jien padai, Bảo hiểm xã hội patabiak Thông tư ramik veik 40 yaom dịch vụ dalam nan hu yaom iek ruak, yaom X quang, CT, MRI, siêu âm thường, nội soi TMH... Tui ong Liên, dịch vụ halei njauk khik tamo ye khik tamo.  Dịch vụ halei njauk ramik veik ye brei ramik veik.

5# Kayua nduac tui yaom kaom bo rilo urang ngak nong di Lâm Đồng tak klak cà phê salih tapa pala amriak kalu, min tal bilan paik baoh ye amriak kalu trun yaom biar. Ông Lại Thế Hưng, akaok Chi cục pala drak saong khik caga phun pala Lâm Đồng brei thau: “Kol dahlak hu kakei urang nong padeih pala bahrau piah pataom tame iek glang bein mariak kalu, piah patagok năng suất, chất lượng. Tui nan, bhap bini njauk pablak tame dom danak patagok phun pala karei tui jalan ngak khang kajap, kein laba.

          Patui di ni dom khai tin dunya:

6 #  Harei 14/05 Mỹ  peih sứ quán di  Giê-ru-sa-lem yaom lac dahlau di nan  bruk ngak di  tổng thống Đônan Trăm (Donald Trump) paduan ba sứ quán Mỹ meng ban ine  Ten-A-víp (Tel Aviv) di Ixraen ba tal bruk oh njauk hatai di rilo taneh ia. Dalam nan hu dom đồng minh di Mỹ jeng hu panuac oh njauk hatai bruk ngak di   Mỹ yau nan ye oh hu mbaok di var peih pakak . Mintri Ngoại giao Israel brei thau abih tih 86 đại sứ negar langiu di negar ni hu daa mai min hu tal 70% tuai daa oh mai hu mbaok.

7# Bộ trưởng Prak Sokhonn (P-rắc Xô-khon) meda hu mbaok di nyaom biai Ủy ban pambuak bruk Việt Nam – Campuchia mbang ka 16 di Hà Nội harei 17/5 tal. Tui panuac taong yaom, nyaom biai lac jalan piah duah gah maong iek veik dom jak jeng dalam talei pambuak bruk di dua gah dalam tukvak tapa, saong tapa nan piah duah jalan patagok jang talei pambuak bruk di dua taneh ia.

          8 # Ngoại trưởng Bungary Ê-ca-tơ-ri-na Za-kha-ri-ép-va (Ekaterina Zakharieva)– negar dok khik bruk  chủ tịch yaok thun di  Liên minh châu Âu harei 14/5 brei thau, oh hu dom jalan ngak siam lagaih bahrau dalam dom mbang ginum biai song Anh meng bilan 3 meng bloh.  Dom negar  Liên minh châu Âu njauk jhul pakhang bruk ginum biai song Anh dalam dom adit tal, piah njauk hatai gauk ka dom bruk anak nyaom biai pakat glong  EU dalam bilan 6 tal./.