#/ Thủ tướng rajaei bahrau mbaoh tangin brei adat peih ngak danak dak pakat negar khik kajap bruk pabak ia siam tuk vak 2016-2025, piah tal thun 2025,  urang hu pabak ia hacih saat hu 95% - 100%.. Danak dak nan hu peih ngak di dom ban, labik hu rilo menuac sia bhum palei pala di dom tỉnh ban TƯ dalam negar meng thun 2016 tal thun 2025. Danak dak piah pabak ia hacih saat sing pasiam dom bruk oh siam  meda rah tabiak meng jalan ia, pabak ia gam gam, ginup ia, saong ia hacih, dong patagok chất lượng rai duik song khik caga pren yava ka anek menuac.

# Tui Quyết định 1573/QĐ-TTg, Thủ tướng rajaei brei peih ngak Đề án padang ngak palei pala barau di bhum bhapbini bangsa takik, bhum tapeng negar tỉnh Điện Biên, piah patagok kinh tế - xã hội saong khik caga an ninh, quốc phòng tukvak 2016 -2020. Đề án nan hu hu padang ngak dalam 29 xã praong abih tih 338.021,9 ha, dalam 4 huyện di tỉnh Điện Biên, cambaih laih , huyện Điện Biên (12 xã), huyện Mường Chà (3 xã), huyện Nậm Pồ (8 xã) saong huyện Mường Nhé (6 xã).

#/ Dalam var ngak bruk song dom urang dang akaok tỉnh Tây Ninh meng bloh, Akaok mintri giao thông Vận tải Trương Quang Nghĩa njauk hatai song urang dang akaok tỉnh oh peih ngak BOTngan song jalan roya 22B ( labik meng canak 3 jalan xuyên Á di huyện Gò Dầu nao tapa jalan tapen negar Xa Mát, atah labaih 80 km) tui kuhria tuk camereip. Ni lac sa bruk ngak siam lagaih hu menuac urang biak njauk hatai. Akaok mintri ndom lac Mintri GTVT song tỉnh Tây Ninh ngak pasiam jalan nan meng kadung jien karja piah patrun naong trak ka DN song bhap bini tuk peih radeih di angaok jalan ni. Tui kuhria dự ánpasiam jalan roya 22B samar hu peih ngak song ngak salah bloh suai di abih dalam thun 2018.

# Bruk tasik njom nerak di tukvak tapa ngak kan kandah praong tal raidiuk di  bhapbini bhum tapeng tasik, abih di nyu nan lac bhum bãi ngang. Thun bac barau mai jaik tal, rilo anek saih, sinh vien di bhum tasik tỉnh Quảng Trị daok dang anak bruk mbuan njauk padheih bac kayua  sang gaok rilo kan kandah, oh hu jien piah nao bac. Ông Hoàng Đức Thắm, Giám đốc Sở pato megru tỉnh Quảng Trị brei thau : gah pato megru tỉnh daok duah jalan daong ka anek saih  sang kan kandah piah dom adei nao bac veik, anak meta  tỉnh meda daong tapuk giáo khoa ka anek saih .

#/ Dalam 6 bilan thun ni , tỉnh Đồng Nai mek hu labaih 20.478 tỷ đồng, tagok 9% dut song tuk vak ni thun dahlau. Kim ngạch xuất khẩu di tỉnh  hu labaih 7.421 triệu USD; dui pachreih đầu tư negar langiu labaih 1,34 tỷ USD, dui pachreih đầu tư dalam negar tagok 42% dut song tuk vak ni thun dahlau, hu labaih 7.600 tỷ đồng.  Abih di nyu nan lac, ĐN hu labaih 1.600 DN tut angan tame        ngak mbang saong yaom phun jien abih tih labaih        7.600 tỷ đồng.  

# Hadei di 5 thun hu mbang tui Dự án daong Tam nông, raidiuk di mikva dom bangsa xã Phước Thái, huyện Ninh Phước, tỉnh Ninh Thuận hu rilo salih barau. Tukvak 2011-2016, meng bruk daong di dự án, xã hu ngak blaoh 11 công trình hạ tầng palei pala. Thun 2015, hu ramik pasiam mblang pambu di palei Hoài Ni, duh ka chuỗi yaom padai, saong jien peih ngak lac 531 triệu đồng; ngak jalan dalam palei meng tatua Sông Quao tal mblang Me Tây, duh ka chuỗi yaom medar, tangei, atah 680m, jien ngak labaih 500 triệu đồng; padang darak tập trung Như Ngọc - Như Bình, duh ka chuỗi giá trị puk palei, taneh ngak jaik 2.000m2, saong jien ngak abih tih labaih 1,5 tỉ đồng. meng bruk ngak di Dự án, dom sang katahot di xã trun,  meng labaih 15%  thun 2011, trun daok jaik 5% thun 2015.

#/ Bruk halan hatian hè thun 2016 kayua Hội Liên hiệp Thanh niên ban raya Hồ Chí Minh peih tabiak pachreih hu labaih 150 ribau dam dara hu mbaok. Dom bruk ngak kein lagaih di danak dak, hu rik dong song langyah rilo bruk di XH yau brei hu labaih 6.200 đơn vị drah, dong ka 101 ribau thí sinh song phụ huynh dalam mbang pakacah tốt nghiệp trung học phổ thông meng bloh, pato caluai ia ka labaih 5.100 adei sit, dong iek ruak brei jru saoh ka 70 ribau urang, tuh bê tông  hu 45 km jalan mbak palei pala.

          Patui di ni dom Khaw tin dunya

8# Dom kapul cứu hộ khẩn cấp hu daong labaih 7 rabau urang di mbang ribuk xua khang di bang Lu-i-di-a-na (Louisiana) di Mỹ. Thống đốc bang ông Be Ét-uốt (Bel Edwards) harei kabroi (14/8) hu panuac lac hajan praong daok rah tabiak meda ngak ka ia xua tagok glaong. Thống đốc bang ông Be Ét-uốt hu jak ba meng dom kadung jien cứu trợ khẩn cấp piah pacang bala. Taphia nan, 1 rabau 700 binh sĩ kapul khik caga negar bang Lu-i-di-a-na jeng hu ba mai daong di dom labik gah meraong di bang.

#/ Ô-xtrây-li-a brei thau jalan ngak song phun jien tal 154 triệu USD piah pasiam nhà hát Ô-pê-ra Xít-ni,, danak dak hu UNESCO ba tame angan inem krung dunya.  

# Takik abih 22 urang metai saong 50 urang karei bị thương tuk radaih buýt pajeng tuai ka sa ndam likhah laik trun sa hẻm ceik di bhum Ca-xơ-mia (Kashmir) kayua Pakistan khik iek. Mbang bala praong rah tabiak melam kabroi  (14/8) tuk radaih buýt pajeng labaih 70 urang meng Ha-ji-ra tal quận Pa-lan-da-ri piah nao mbang ndam likhah. Urak ini bruk duah daong daok hu peih ngak. Dalam tuk nan, dom sang iek ruak brei thau dom urang metai di mbang bala ini daok hu rilo jang kayua hu rilo urang bị thương trak./.