1 # Biar harei 15/3, pak jabat raja-ei, Phaok Thủ tướng Vũ Đức Đam dang akaok giao ban Quý 1 Khối Y tế.  Pak van giao ban, Phaok Thủ tướng Vũ Đức Đam pandar Mentri Y tế patui jalan peih bruk liên thông, pataom mek dom thông tin di dom sang iek ruak tal balai y tế xã. Patagok y tế cơ sở, pamaong tal pren yava di bhap bani. Daok gah y tế dự phòng, Phaok Thủ tướng pandar oh caik rah tabiak bruk jit ruak pandiak tabiak darah yau thun 2017. 

 2 # Thủ tướng rajaei brei ramik veik, pabak quy hoạch patagok kinh tế - xã hội tỉnh Đắk Lắk tal thun 2020 song pamong tal thun 2030. Tui nan, kham merat patagok abih tih kaya pandap dalam tỉnh (GRDP) tuk vak 2016 - 2020 tagok 8,5 - 9%/ sa thun . GRDP kuhria tui akaok menuac thun  2020 hu 60 - 60,5 triệu đồng, jalan ba tabiak tal thun 2030 hu  217 - 220 triệu đồng; PATrun boh sang kathaot ala  5% thun 2020;  tal thun  2030 yaok thun trun  meng 1- 2% (tui tanut kathaot urak ni). 

3  # Pak tỉnh Nghệ An, page harei 15/3, yaok rituh bhap bani hu mbaok diễu hành pak ralo canah jalan praong di bal Vinh piah pachreih tui Harei Quyền di urang blei pandar  Việt Nam thun 2018. Bruk ini kayua Sở Công thương Nghệ An peih ngak. Amuk Võ Thị An, Phaok akaok Sở Công Thương Nghệ An ndom lac:

    (Sở Công Thương hu patagok bruk pasang iek dom thủ tục jeng yau dom bruk ngak di dom cửa hàng pablei salih xăng menyek dalam tỉnh. Kadua tra  tacei pato dom jabat đầu mối phân phối, dom tổng đại lý, đại lý saong dom cửa hàng pablei salih. Tapa nan pasiam veik dom bruk ngak suan)

4 # Ong Đỗ Vạn Lộc, Phó Chánh Văn phòng Điều phối  danak dak pakat negar padang ngak palei pala bahrau tỉnh Quảng Nam brei thau:Jalan ngak camereip ba tabiak tal thun 2020, rilo  xã bhum ceik  tỉnh mek hu tanut palei pala tui tanut bahrau. Anak meta, dom huyện bhum ceik pataom tame bruk patrun kathaot khang kajap. Yaok thun tỉnh parabha kadung jien ka dom puk palei padang ngak palei pala bahrau piah hu dom jalan ngak khang kajap jang. 

5 # Biar harei 15/3, mbang nyaom ka 7, HĐ bhap bani bal raya HCM khóa 9 hu ginum biai pak hội trường ka cải cách hành chính, paglaong bruk njauk hatai di bhap bani saong peih ngak dịch vụ hành chính công. Pasiam veik bruk ngak hành chính nan lac 1 dalam 7 danak dak đột phá di bal raya. Asal kadha ini hu dom urang lambaok brei panuac góp ý cambaih laih. Dalam nan, jhul pakhang peih ngak trực tuyến thủ tục hành chính, dịch vụ hành chính công hu mong yau jalan ngak siam di abih. 

Patui di ni dom khau tin dunya:

6 # Thủ tướng Campuchia Hun Sen harei kabroi  (15/3) tabiak panuac lac, negar Đông nam Á ni kham merat jeng   “negar patagok” di thun 2050. Piah ngak hu yau nan, Campuchia daok pataom pren yava, paglong sarak, jalan ngak, hiện đại hóa thiết bị kỹ thuật song patagok, peih prong công nghệ thông tin.

7 # Dom urang jakar Nhật Bản saong Hàn Quốc harei 15/3 brei thau lac 2 negar daok khik talei pambuak bruk khang kajap haong Mỹ piah ngak ka Triều Tiên hu bruk ngak cambaih laih pamaong tal phi hạt nhân hóa. Pak mbang taom gaok rah tabiak di jabat Bộ Quốc phòng Nhật Bản di Tôkiô, dom urang jakar Nhật Bản taong yaom glaong dom salih bahrau dalam bruk ngoại giao di dom gah saong meda rah tabiak mbang gaok 2 gah Triều Tiên dalam bilan 4 saong mbang taom gaok pakat glaong (meda rah tabiak) di Mỹ haong Triều Tiên dalam bilan 5.

    8 # Sa boh tatua brei ka urang nao takai di sang bac đại học pakat dunya  Phờ-lo-ri-đa (Florida) di Mai-a-mi (Miami), Mỹ, jaoh jaleih harei 15/03 ngak ka rilo urang metai song njauk rambuac. Tui panuac khan tuk camereip, takik di abih 6 urang metai song 8 sriuh radeih ô tô dok gar ala patau, hadei di tuk sa boh tatua brei ka urang nao takai jaoh trun jalan dok hu rilo radeih peih nao mai, 8 urang  hu ba tal sang iek ruak./.  

                                                                   Thúy Linh/VOV-TPHCM