#/ Harei kroi 15/3 di ban sit Long Xuyên, tỉnh An Giang, Thủ tướng Nguyễn Xuân Phúc dang akaok nyaom biai jalan patagok khang kajap gah padai brah bhum taneran krong CL. Di nyaom biai, Thủ tướng hu panuac ieu dom mintri, dom gah pasang iek dom quy định, tah klak dom bruk oh lagaih piah patagok bruk ngak nong song gah padai brah. Thủ tướng ndom lac,  mong iek gah KT, padai brah lac sa dalam dom janih kaya nong bo VN hu kein jang dut song dom negar dok meriak gauk.

# / Sang iek ruak urang kamei Đà Nẵng pambuak saong sang iek ruak BNH Thái Lan barau peih nyaom meyai dom jalan ngak tiên tiến dalam tầm soát saong iek ruak ung thư tasau. Di nyaom meyai, dom bác sĩ, chuyên gia di sang iek ruak BNH Thái Lan hu klah rabha dom jalan ngak tiên tiến dalam tầm soát saong iek ruak ung thư tasau daok hu pandar di TL yau: brac daraih tui jalan bảo tồn tasau; blac daraih cakak klak khối u pambuak saong tái tạo hình tasau; blac daraih mek hạch cửa; jalan xạ trị pak dalam duk blac radaih; daong hóa trị patrun bruk tabuac mbuk di urang ruak.

#/ Thun bloh, kadung jien dong ka uranaih tỉnh đồng Tháp jak ba hu labaih 13,3 tỉ đồng. Meng kadung jien uranaih tỉnh hu dong ka jiak 120.000 adei hu rai duik kan kandah dok di tỉnh. Dalam nan, brei pandap cây mùa xuân ka 1.290 uranaih kan di 30 xã dok di tỉnh, brei pandap akaok bac ka 1.821 uranaih kan, song 235 radeih juak, 396 pok jien bac song 1200 adei hu pandap bac da, peih bruk iek ruak ka 730 adei jaoh yo song uranaih ruak boh hatai.

#/ Peih ngak sarak daong urang hu buh pren yava ka cách mạng ka sang daok, tal urak ini, tỉnh Cà Mau hu padang ngak saong alin hadaih 1.200 baoh sang tình nghĩa ka urang hu buh pren yava ka cách mạng, abih tih yaom jien đầu tư 44 tỉ đồng. Dalam nan, tỉnh Cà Mau buh tabiak 7 tỉ đồng, daong ka dom baoh sang hu buh pren yava ka cách mạng daok gaok kan kandah ka sang daok tani tanat rai diuk, rik daong peih ngak siam bruk bayar dhar phon ngan saong urang hu buh pren yava ka cách mạng, baoh sang sarak karja dalam tỉnh. 

#/ Tỉnh Sóc Trăng ba tabiak bruk padang labik ngak hadang pajaih camereip di tỉnh, piah pamong tal bruk pabak hadang pajaih di labik, khik hu chất lượng, pabak siam ka urang rong hadang di palei pala.  Amuk Quách Thị Thanh Bình, Chi cục phó Chi cục kaya ikan tỉnh Sóc Trăng brei thau 

Labaih 20 thun pataogk tal ni, pajaih di tỉnh pagam pambak tame dom tỉnh gah kreik negar song dom tỉnh Bạc Liêu, Cà Mau.

#/ Meng dahlau tết nguyên đán mbiah tal urak ini, urang pala panat Thái siêu avar di bhum taneran kraong Cửu Long biak chreih chrai kayua yaom panat gam gam tagok. Kayua mboh hu jien mek tame glaong meng phun panat ini nan ye urang daok pala ralo. Bruk ini, meyah dom puk palei oh khuyến cáo chip, lui urang nông pala panat tui phong trào, tuk oh ka hu darak pasar pablei tani tanat ye mbuan rah tabiak bruk hu rilo panat min takik hu urang blei.   

#/ Harei 15/3 di ban sit Phước Long, tỉnh Bình Phước, labaih  200 urang hội kapul urang nong hu panuac sinya “ Urang nong ndom oh song pandap mbang jak, pablei salih pandap ngak nong khik caga siam mekre” piah pamong tal harei mít tinh pathau khan patagok ilamu ka bruk sx, pablei salih pandap ngak nong khik caga siam mekre thun 2017.

Patui di ini dom khau tin dunya:

# Gilang pariak dunya tabiak harak brei thau Thái Lan njauk pacang cakak bruk suy kiệt samar nguồn tài nguyên, sangka tal bruk ba bruk ngak saong daong yaok triệu urang kan kathaot meyah khik mek hu tăng trưởng khang kajap saong ba mai ginup meda ka bhap bini.

#/ Piah peih tabiak jalan bac megru ka dom uranaih kan, uranaih langiu jala, urang dang akaok sa ban di gah pai Ấn độ bahrau ni hu sahneng tal bruk padang  sang bac meng công-ten-nơ di dom canah jalan, trục gom giao thông, labik bo dom adei bhain nao mai. Dom thung công-ten-nơ hu ngak veik, sơn sambo hadah, caik cadik song gom gah dalam, jeng dom tal bac siam ka dom adei. Yaok tal bac công-ten-nơ hu labaih 35 anek saih

#/ Urang đặc phái di Tổng thư ký Liên hợp quốc ka Xô-ma-li Lô-ren Bu-kê-ra brei thau, bruk eik lipa kayua pandiak bhang daok ngak kan kandah tal rai diuk di labaih 6,3 triệu urang di taneh ia vùng sừng châu Phi kan kathaot abih dunya ini. Dalam dom urang nan, labaih 3 triệu urang daok dang anak bruk mbuan metai kayua oh hu hagait mbang yaok harei./.