# /Dalam mbang nao rivang pakat karja negar Campuchia, bỉa harei kabroi 15/6, akaok negar Trần Đại Quang hu dom mbang taom gaok ginum biai haong Thủ tướng Campuchia Xăm-đéc Tê-Chô Hun Xen. Akaok negar Trần Đại Quang saong Thủ tướng Hun Xen njauk hatai mong iek dom sarak piah kham merat ba jien mek tame meng bruk pablei salih dua negar hu 5 tỷ USD dalam tukvak anak tal, dalam nan hu jhul samar bruk mboh tangin tame Hiệp định plaih kak je dua mbang,  padang ngak danak dak pambuak pagam nền kinh tế dua negar, abih di nyu lac pambuak patagok bruk ngak mbang tapen negar.

#/ Thủ tướng rajaei Nguyễn Xuân Phúc njauk hatai brei adat peih ngak iek dui atah tuk vak thông quan meng 7 tuk tal 22 tuk yaok harei ka boh vải that pablei nao TQ tapa pambah mbang dunya jalan roya 2 Kim Thành, Lào Cai tal abih harei 31/7/2016. Thủ tướng jao ka mintri Quốc phòng tacei jalan ka UB pambuak bryuk khik ramik jalan negar gah VN tui iek, pambuak song tỉnh Lào Cai tacei bruk peih ngak eik nan.

# Piah patui veik bruk daong ba, peih talaih kan kandah ka doanh nghiệp, Thống đốc Gilang pariak karja pandar: Gilang pariak karja dhal tỉnh, bal pataom tame peih ngak siam dom asal kadha tui tacei pato di  công văn  2668 piah daong samar bruk mesre phun jien, peih talaih kan kandah ka doanh nghiệp grap tanat saong patagok bruk ngak mbang, abih di nyu lac dom doanh nghiệp dalam 5 gah brei ngak dahlau, dom doanh nghiệp hu mbaok tame bruk liên kết vùng, liên kết ngak mbang tui chuỗi giá trị, pandar công nghệ glaong tame bruk ngak nong.

#/ Tame bilan ngak kayua uranaih thun 2016, harei 15/6, akaok mintri LĐTB song XH Đào Ngọc Dung gam song urang pan akaok Kadung jien dong uranaih VN hu mai rivang pachreih ba song brei pandap ka dom boh sang uranaih jaoh jo mbaok meta dok hu iek ruak, tacei jalan, blaC dreih di sang iek ruak Hữu nghị Việt Nam - Cu Ba (Hà Nội).  Akaok mintri LĐTB song XH Đào Ngọc Dung sangka tangi sua brei pandap tapak ka 70 uranaih di dom tỉnh Phú Thọ, Vĩnh Phúc, Hà Nam, Hà Nội…

# Raja-ei bahrau tabiak Nghị định 37/2016 brei thau cambaih saong tacei jalan peih ngak dom quy định, dom paka di Hukum An toàn, vệ sinh lao động ka bảo hiểm bala tuk ngak bruk, ruak nghề nghiệp bắt buộc; dalam nan, brei thau cambaih tanut daong jien pasram an toàn, vệ sinh lao động glaong abih samu 30% tanut yaom dịch vụ pasram an toàn, vệ sinh lao động tui njauk adat hukum. Tanut daong phun jien pasram an toàn, vệ sinh lao động hu kuhria tui dom urang hu mbaok tame pasram tui tanut tối đa: oh tapa sa mbang lương cơ sở sa urang ngan haong urang ngak gah bruk an toàn, vệ sinh lao động; oh tapa 1/2 yaom jien lương cơ sở ka sa urang ngak bruk hu yêu cầu catang gah an toàn, vệ sinh lao động; oh tapa 1/4 yaom jien lương cơ sở ka sa urang ngan haong urang khik iek gah an toàn, vệ sinh lao động; urang ngak gah y tế; an toàn, vệ sinh viên.

#/ Bến Tre urak ni hu tapon pabui labaih 500 ribau drei, rong tui jalan sit sot. Piah duah thau avar song langyah njauk tuk bruk pablei salih, pandar jru palimek salbutamol, langiu di bruk khik eik dom cơ sở sik ngak, pablei salih pandap mbang, jru thú y, urang pan akaok tỉnh Bến Tre tacei dom gah chức năng tagok bruk tui iek, mek mẫu di dom cơ sở sik ngak, dom labik pablei rilaow dok dalam tỉnh piah chap mek langyah catang dom bruk ngak suan song ba tabiak truy tố dom urang thau ye dok ngak suan

# Harei 15/6, amuk Nguyễn Thị Thanh Hương – Akaok Sở Y tế Đắk Nông hu mboh tangin tame harak tuyển dụng bác sỹ tui sarak pachreih di tỉnh thun 2016. Tỉnh Đắk Nông caong khin tuyển dụng 32 urang ngak gah y tế hu trình độ hadei đại học, đại học saong sinh viên thun puac dom sang bac đại học y dược công lập mai ngak bruk pak dom cơ sở y tế công lập di tỉnh. Tui nan, yaok Tiến sỹ y khoa, bác sỹ chuyên khoa II meda hu daong brei 1 mbang yaom jien 300 triệu đồng; yaok thạc sỹ, bác sỹ nội trú, bác sỹ chuyên khoa I hu daong brei yaom jien 250 triệu đồng; yaok bác sỹ tốt nghiệp loại giỏi hu daong brei 220 triệu đồng, loại khá 200 triệu đồng saong loại trung bình khá nan lac 180 triệu đồng.

Patui di ni dom khau tin dunya:

#/ Tui hãng thông tấn Kyodo, Mintri Quốc phòng Japon brei thau harei 15/6 sa kapan do thám di Hải quân Trung Quốc peih dalam sa tuk vak katut di bhum tasik tỉnh tỉnh Kagoshima, Tây Nam Nhật Bản. Phó Chánh Văn phòng Rajaei Nhật Bản Hiroshige Seko brei thau sa kapan haoh tui iek di Japon duah mboh kapan Hải quân TQ  di tukvak 3 tuk meteh ( tuk vak puk palei) jiak palao Kuchinoerabu song kapan nan hu tabiak truh bhum tasik ni di tukvak 5 tuk. Ong Seko khan lac Tokyo daok ba tabiak dom cảnh báo song tui iek dom bhum tasik, bhum lingik di Japon

# Pok sap ndom dalam mbang họp báo pak Mát-xcơ-va harei kabroi 15/6, urang tabiak panuac Điện Krem-lin, ong Đmi-tri Pê-xcốp ndom lac, Nga caong khin pasiam veik dom talei rohim, gilac veik tukvak pambuak bruk siam gheih saong dua gah ham hu kein laba. Ong Pê-xcốp jeng ndom lac, Tổng thống Nga Vla-đi-mia Pu-tin hu brei thau cambaih laih lac hadei dom hagait rah tabiak, bất cứ bruk bình thường hóa dom mối quan hệ halei jeng lac oh meda rah tabiak dahlau di tuk Thổ Nhĩ Kỳ hu dom jalan nao cần thiết – brei mboh jalan ngak kiên định di Nga lac, Thổ Nhĩ Kỳ njauk likau lỗi saong yar ka bruk cuh laik kapal haok mesruh metak di Nga meng thun dahlau./.