1 # Mentri Jien padai bahrau tabiak harak tacei pato số 2850/BTC-QLCS ka bruk blei tame tài sản công meng kadung jien karja thun 2018, dalam nan brei thau oh pandar phun jien mesre ODA, phun jien mesre ưu đãi piah blei radaih ô tô. Hadei di tuk raja-ei tabiak nghị định, dom mentri, jabat Trung ương saong dom puk palei hu panuac ieu pasang iek veik, rami ramik veik radaih ôtô daok hu, panduan ba radaih meng labik labaih tapa labik kurang. 

2 # Tui khau tin meng mintri  Công thương, Nyaom darak pasa VIETNAM EXPO 2018 hu angan “PATagok talei pambuak bruk Kinh tế khu vực song dunya” hu peih ngak meng harei 11 tal  14-4, di Pasak parang iek dunya  Hà Nội (ICE) – labik 91 jalan Trần Hưng Đạo, Hà Nội. VIETNAM EXPO 2018 tui kuhria pachreih hu labaih 500 doanh nghiệp mai meng  23 negar  song bhum lãnh thổ, hu labik parang iek praong jiak 600 gian hàng.

3 # Thun 2019, darak pasar Australia tui kuhria meda peih pabah mbang ka baoh darang that di Việt Nam, pabak rilo jang dom janih kaya nong Việt hu negar ini brei adat blei tame hadei di baoh vải, pa-aok saong thanh long. Ndom ka jalan peih tabiak ka pandap panda kaya nong Việt pak darak pasar Australia, amuk Nguyễn Hoàng Thúy - Phó Tổng lãnh sự Việt Nam di Sydney, Akaok jabat Thương vụ Việt Nam di  Australia brei thau, drei abih tal 12 thun ginum biai piah peih hu pabah mbang ka baoh kayau that akaok meti di Việt Nam tapa Australia nan lac baoh vải (hu Australia brei adat blei tame di thun  2015).

4 # Thun 2018 hu ban  Đà Nẵng palih lac Thun jhul khang bruk dui pachreih đầu tư, pasang  iek veik abih, quy hoạch,ba tabiak bruk saong jalan patagok  kinh tế - xã hội tal thun 2030, pamong tal thun 2050, thau hu siam lagaih meriak gauk dalam bruk pandar ilamu  khoa học - công nghệ song bruk  cách mạng công nghiệp 4.0.Tui jalan ngak nan , thun 2018 lac thun peih tabiak ka  Đà Nẵng peih ngak dom tanut  kinh tế - xã hội, samar brei thau labik dang di drei lac sa dalam dom ban nao dahlau dalam bruk patagok di taneh ia, jhul pakhang bruk patagok di bhum kreih negar , Tây Nguyên.

5 # Cục Sở hữu trí tuệ (Mentri Khoa học saong Công nghệ) pambuak haong UB bhap bani tỉnh Bến Tre peih bruk brei thau  chỉ dẫn địa lý “Bến Tre” ka dua janih pandap la-u xiêm hijao menyum aia saong kruac bung kalik hijao. Ini lac dua janih pandap akaok meti di tỉnh Bến Tre hu brei harak chứng nhận đăng ký chỉ dẫn địa lý (CDĐL) saong lac sa dalam dom janih pandap chủ lực, hu yaom kinh tế glaong, hu labik dang praong dalam bruk cakrok patagok kinh tế - xã hội di tỉnh Bến Tre.

          Patui di ni dom khau tin dunya:

6 # Dom mbang dut iek bahrau ni, mboh rilo dom pandap ia  đóng chai di dom  hãng hu angan je di dunya  jeng hu dom asar  nhựa sit, atau hu ieu lac hạt phân tử nhựa. bruk njom nerak ni hu dalam tuk đóng chai. Panuac khan ni daok ngak tamuh tagok bruk duh hatai ka chất lượng di dom  sản phẩm hu mong hacih saat di abih ni. Bruk duah mboh nan kayua  Orb Media – sa kapul  truyền thông phi lợi nhuận di Mỹ- ba tabiak harei  14/3 tui sa roh duah di nyaom ilamu khoa học dunya peih ngak

7 # Dom urang ngak amaik ame di Hàn Quốc daniey angan lac  khang hatai buh rilo jien ka bruk bac megru di anek bhik. Yaom lac tỷ lệ menek di nền kinh tế prong ka 4 châu Á daok trun gam ga, dom anek saih di Hàn Quốc dalam thun 2017 trun 2,7% dut haong thun dahlau nan, tok daok ,73 triệu anek saih,  min oh lac yau nan bo jien buh tame ka bruk bac megru di negar ini trun takik.