1/ Harei ni lac harei pahadar 87 thun harei ilamu meng kan gah Tuyên giáo. Meng di tuk mBan  jak ba song pathau khan di  Đảng hu padang tagok  (1-8-1930), yaom lac hu angan ieu karei saong dom urang ngak bruk  tuyên giáo hu rilo salih bahrau, min bruk di gah tuyên giáo tuk halei jeng yau gauk. Nan lac tham mưu ka Đảng gah tư tưởng, lý luận, ilamu, khoa học, pato pakai. 

2/ Ndom biai nao mai saong dom doanh nghiệp tư nhân di Diễn đàn kinh tế tư nhân mbang ka 2-2017 rah tabiak harei kabroi 31/7, Thủ tướng Nguyễn Xuân Phúc ndom lac, Rajaei daok jhul pakhang jang gac piah patrun phun jien ka doanh nghiệp. Inilac bruk biak praong bo rajaei thau piah kien laba đầu tư di doanh nghiệp siam jang. Di diễn đàn, kadha praong hu ginum meyai nan lac gah ngak nông DL saong kinh tế số. 

3/  Mintri Y tế bahrau peih pato pakai tapak ka bruk rong uranaih sit akaok camereip di Việt Nam. Ni lac sa dalam dom bruk ngak pamong tal adit rong anek meng ia tasau amaik meng harei 1 tal harei 8/8. Tui harak tacei rong uranaih kayua mintri  Y tế phê duyệt, Viện Dinh dưỡng negar hu peih ngak 20 kadha ka ilamu song tư vấn rong uranaih sit. Dom kadha pato pakia tapak hu thaot binguk minh họa hu khan brei thau cambaih ka bruk dinh dưỡng song rong pato uranaih sit.

4/ Chi cục raong glang saong Thú y tỉnh Phú Yên barau nao pasang iek bruk ikan mú, ikan hồng raong lồng metai ralo di huyện Tuy An. Tui nan, mboh lac makna ikan metai ralo kayua vi khuẩn Vibrio rah tabiak, pambuak môi trường labik raong njauk ô nhiễm, ia kandaong, dom janih rận ikan patagok. Anak bruk ini, chi cục raong glang saong thú y tỉnh Phú Yên hu ba tabiak phát đồ điều trị, daong bhap bini patakik khat lahik, klah hu veik bruk ini.

5/ Chi cục pala drak song khik caga phun pala  tỉnh Lâm Đồng dok samar tacei pato dom bein pala dalam tỉnh pasiam jiak meteh triệu phun pajaih cà phê oh siam, song dom phun pajaih ni jeng meda hu ba tame pala dalam bilan hajan thun ni.

6/ Tui kuhria, vụ padai Thu - Đông thun ini, tỉnh An Giang trun pajaih jaik 160 ribau ha, tal tukvak ini dalam tỉnh trun pajaih hu labaih 15% taneh. Piah kuhria trun pajaih nyaik ia sua meng harei 5 tal harei 20/8 gah ngak nông tỉnh tacei pato dom puk palei pataom tame trun pajaih salah taneh daok veik.

7/ # Sở Công Thương tỉnh Vĩnh Long brei thau, tal puac bilan 9 thun 2017 meda ngak salah bruk padang song ba “ Pasa hacih saat pandap mbang” di Phường 8, ban sit  Vĩnh Long tame pablei salih, piah khik pren yava song quyền lợi ka urang pandar.

8/ Tui "Đề án khik iek, nhận diện saong truy xuất asal ralo pabui" di ban raya Hồ Chí Minh ye meng harei 31/7, taong abih ralo pabui pablei dom darak đầu mối di labik ini brei truy xuất hu asal. Tui đề án ini ye dom gah chức năng di ban raya hu nao pasang iek taong abih ralo pabui pablei dom darak đầu mối Bình Điền, Hóc Môn saong dom labik sik ngak ralo. Min, dalam harei akaok ngak tui quy định ini tok hu jaik 35% ralo pabui duah thau hu asal di nyu.

Patui di ni dom khau tin dunya:

9/  Dom urang dang akaok Ấn Độ brei thau, hu takik di abih 11  urang metai song 8 urang karei njauk rambuac kayua  cakala klaak di dom labik di  bang Ô-đi-xa (Odisha), gah tamun negar Ấn Độ.

10/ Yaom lac hu bruk pachreih di rajaei, patagok dân số di HQ dalam sa thun tapa biar biak biar. Tui kuhria mboh mbang akaok meti dalam sa thun, dom uranaih kamar ala 400 ribau urang, tok hu jaik 360 ribau uranaih, sa tỷ lệ lac biar meyah duk saong bruk menuac sia daok taha nao.

11/ Mintri  Y tế Xri-lan-ca brei thau, kuhria tal harei 29/7, jit pandiak tabiak darah ngak ka labaih 300 urang metai kuhria meng akaok thun  song labaih  100 ribau urang njom ruak, glong jang 4 mbang di tuhn 2016. Sa meteh dalam nan dok di gah pai di negar ni, dalam nan hu ban ine  Cô-lôm-bô./.