1 # Meng page mesup harei kabroi (18/3), yaok ribau bhap bani meng dom puk palei tuh mai baoh sang urang dahlau diah ngak Thủ tướng Phan Văn Khải di xã Tân Thông Hội, huyện Củ Chi bal raya HCM piah cuh gilau brei mboh hatai anit saong pahadar. Piah brei mboh hatai kanar hadhar urang dahlau diah ngak Thủ tướng Phan Văn Khải, Ban Chấp hành Trung ương Đảng, Quốc hội, akaok negar, raja-ei, Uỷ ban Trung ương Mặt trận negar Việt Nam brei ngak ndam metai tui adat Quốc tang dalam dua harei 20 saong 21/3/2018. Dom công sở, dom labik công cộng tuan cờ rủ saong padeih abih dom bruk ma-in bui sambai.

2/ # Beir harei 18/3, di muinyim Hà Nội, Hội báo pakat negar thun 2018 hu tamat bloh hadei DI 3 harei rah tabiak song rilo bruk chreih chrai. Dalam nan rayo sap ndom VN hu rilo giải thưởng yau: Giải đặc biệt brei ka (gian trưng) labik parang iek mekre,  giải gheih di abih ka  alam Môi trường, biến đổi khí hậu, pacang caga bala meng langik tasik song  giải giao diện báo điện tử mekre. 
    

       3 # Hội Chữ thập đỏ tỉnh Phú Yên bahrau pambuak haong Hội Chữ thập đỏ dom huyện Đông Hòa, Tây Hòa saong Phú Hòa peih bruk alini 2.800 thùng pandap ka baoh sang bhap bani njauk bala meng langik tasik meng mbang ribuk ka 12, thun 2017. Yaok thùng pandap hu: phui, gaok glah, kadi njiak aia, xô, chảo, xoong, thùng nhựa… kayua Kapul  Di cư dunya (IOM) daong brei tapa Trung ương Hội Chữ thập đỏ Việt Nam.

4 #  Tui danak dak pamong tal palao tasik palei negar, dalam 2 harei 17 song 18/3 sang iek ruak  Đa khoa Trung ương Quảng Nam pambuak bruk song Huyện Đoàn Lý Sơn, tỉnh Quảng Ngãi peih bruk iek ruak brei jru saoh ka urang kathaot di angaok palao. Dalam 2 harei, kapul hu iek ruak dom ruak nội khoa, boh hatai, meta song tanye dhung cambuai ka  500 urang taha  dok SA drei song anek saih lac anek di urang tong ikan. Lingiu di nan, dom bác sĩ jeng hu tacei jalan pacang caga, iek ruak song brei jru tui yaom jien abih tih100 triệu đồng.

5 # Bilan akaok lasun thun ini jeng yau nan, meng hadei di tết tal ini, yaom akaok lasun tím gam gam laik yaom ngak ka urang nong tỉnh Sóc Trăng mboh glaih glar kayua khat . Tui urang pala akaok lasun tím bal sit Vĩnh Châu, meng hadei di tết Nguyên đán, yaom akaok lasun tím laik yaom gam gam, meng 16 ribau đồng trun daok  7-8 ribau đồng yaok kg. Tui yaom ini, urang pala akaok lasun khat (lahik) trak. Sa-ai Trần Kính Thọ daok di ấp Âu Thọ B, xã Vĩnh Hải brei thau: 

 “Pala akaok lasun tím 12 công thun ini, hajan karei bilan, halak halin, pala oh njauk, sa công hu 1,5 – 1,8 tấn. Yaom pablei urak ini 7 – 8 ribau đồng/kg ye 1 công lasun khat 6 triệu đồng. Urang ngak urak ini kan duah, biak kan si pah hu manuac ngak”. 

 Patui di ni dom khau tin dunya

6 # Dalam 2 harei puac adit tapa, dom cố vấn an ninh pakat negar dang akaok  di Mỹ, Hàn Quốc song  Nhật Bản hu ginum biai ka bruk  Cộng hòa dân chủ bhap bini  Triều Tiên song  phi hạt nhân hóa di angaok palao Triều Tiên. Dom gah hu njauk gauk, bruk prong di abih lac oh gaok veik dom bruk suan dahlau daih song ngak bruk khang kajap dalam dom adit tal. 

7 # Tamat harei palih harei kabroi, (18/3), bhap bani Nga hu palih ruah ka taneh aia sa urang tổng thống bahrau, nan jeng lac urang daok ngak Tổng thống urak ini Vla-đi-mia Pu-tin. Bruk nan oh bất ngờ, min biak hu yaom, kayua bruk jia tui abih hatai bo bhap bani patui veik caik brei ka ong. 

8 # Anh, Pháp song Đức hu đề xuất dom lệnh trừng phạt bahrau pacang  Iran pagam tal dom tên lửa đạn đạo, jang yau bruk ngak di negar ni dalam bruk mesruh di  Xyri. Ni lac bruk hu ba tabiak dalam sa  tài liệu mật bo  Hãng tin Roi-tơ di  Anh thau hu piah  thuyết phục Mỹ khik thỏa thuận hạt nhân mek hu di thun  2015 song Iran./.