# Beir harei 18/4, di trụ sở rajaei, Phó Thủ tướng Vũ Đức Đam hu taduan raok kapul hu buh pren yava kataneh ia tỉnh Khánh Hòa.  Phó Thủ tướng Vũ Đức Đam cong khin dom urang buh pren yava di tỉnh  Khánh Hòa patagok bruk CM meng kan, bhian lac kreik camin hadah krah piah ka rai anek taco ngak tui, dong padang ngak palei negar taneh ia kaya meda.

# Việt Nam hu tame rilo hiệp định pablei salih tự do saong daok peih bruk ginum biai Hiệp định pambuak bruk ngak mbang kinh tế taong abih gah (RCEP). Meng rilo kein laba ka jien padai, darak pasal, pabak nguyên phụ liệu, urak ini hu maong lac jalan jhul khang bruk pablei tabiak taneh ia langiu ka gah jhik pet. Hiệp định pambuak bruk kinh tế taong abih gah hu peih tabiak ginum biai di thun 2012, lac sa hiệp định pablei salih tự do chất lượng glaong, pamaong tal bruk dak padang talei pambuak bruk kinh tế di ASEAN saong 6 gah, hu Trung Quốc, Nhật Bản, Hàn Quốc, Australia, New Zealand saong Ấn Độ. 

3/ # Bahrau ni, Cục Quản lý cạnh tranh, mintri  Công thương taduan hu Hồ sơ di dom doanh nghiệp lambaok ka gah sản xuất dalam negar, peih bruk tự vệ ngan song pandap khak drak nhập khẩu. Tui nan, , pandap panda njauk tui iek lac tong abih dom janih khak drak  vô cơ phức hợp atau hỗn hợp song thành phần chính lac đạm (Nitơ) songlân, dalam nan lượng Nitơ hu takik di abih 7% song lượng lân takik di abih 30%... 

# Mintri pato megru brei thau, kuhria tal 18 tuk harei 18/04, hu labaih 804 rabau hồ sơ tut angan tame pakacah Trung học phổ thông pakat negar thun 2017 hu ba tagok hệ thống phần mềm quản lý pakacah tapa internet di mintri pato megru.  24 tỉnh, ban hu nhập blaoh dữ liệu tut angan pakacah Trung học phổ thông pakat negar saong tut angan xét tuyển đại học, cao đẳng nhóm ngành pato pakai sư phạm di thí sinh. Tỷ lệ thí sinh tut angan pilih ruah bài pakacah tổ hợp Khoa học xã hội jeng glaong jang bài pakacah Khoa học tự nhiên.

#Salam uan harei urang jaoh jo  Việt Nam 18/4, 166 cơ quan, đơn vị, kapul nyaom, menuac urang  dalam song langiu tỉnh Quảng Ninh hu rik dong labaih 2,5 tỷ đồng dalam danak dak Nối vòng tay nhân ái 2017. Jeng dalam mbang ni, kapul dong ba urang jaoh jo song uranaih metui medar tỉnh Quảng Ninh meda pachreih ba bruk sangka, dong ba di bhap bini, XH  ngan song urang jaoh jo song uranaih metui medar.

# Meng mblang taneh pala njam patam labaih 55 rabau ha, tukvak tapa, dom puk palei dalam tỉnh An Giang padang hu 13 libik praong jaik 3 rabau ha pala njam patam an toàn. Min, rilo kaya nong hacih jeng daok gaok kan kandah dalam bruk pablei tabiak, yau nan ye dom urang nong huac tame ngak, peih praong atau hu pataom tame, mboh oh hu kein laba gilac padheih. Kaya urang nong ngak tabiak rilo pablei tapa urang blei, kurang dom jalan pablei pandap karei. Abih di nyu nan lac dom pandap ye : pa –ok Vĩnh Hoà, Pa –ok 3 màu, njam patam...

#/ Urang pang akaok Cần Thơ bahrau hu var toam gaok song kapul điện tử Transcosmos, Nhật Bản ka bruk duah jalan patagok gia công phần mềm di drak pasa Cần Thơ.Di var ngak bruk Shimizu Takashi – Tổng giám đốc Công ty Transcosmos technologic arts brei thau: tuk vak anak tal, meyah lac buh jien tabiak tame drak pasa Cần Thơ, công ty brei hu urang ngak chất lượng glong biak prong, ngan song 1000 kỹ sư phần mềm thau ngoại ngữ,abih di nyu nan lac sap Japon.

Khaw tin dunya

# Phó Tổng thống Mỹ Mai Pen-xơ harei ini hu nao ravang 2 taneh ia đồng minh praong lac Hàn Quốc saong Nhật Bản . Bruk hu dom gah pataom tameginum  biai lac pambuak bruk an ninh, bruk Triều Tiên saong bruk xúc tiến thỏa thuận pablei salih di Mỹ saong dom đồng minh ini

# Harei 18/4, urang dang akaok Libi hu dong ka 170 urang nhập cư mai veik palei negar Mali. Tui nan, Gah Di trú dunya dong ka dom urang di cư suan adat hu tal LiBi harak kapan haoh piah mai veik palei negare. Dom urang di cư ni rilo meng lac mai meng dom negar Bắc Phi.

# ứng cử viên tiềm năng dalam mbang pilih ruah Tổng thống Pháp thun ini ông Em-ma-nu-en Ma-crông (Emmanuel Macron) harei 18/4, hu ieu taneh ia Pháp jum pataom hadei tuk gah chức năng mek khik dua urang dam tình nghi tabiak bruk tấn công dahlau di mbang pilih ruah. 2 urang likei dam lac urang bhapbini Pháp saong gaok mek di ban gah meraong Mác-xây (Marseille). Ứng cử viên Tổng thống Pháp Em-ma-nu-en Ma-crông ndom lac, bruk mek khik ini brei mboh “ bruk đe dọa praong meng khủng bố bo taneh ia Pháp daok dang anak.