#/ Tui sở ngak nong song patagok palei pala tỉnh ĐN, urak ni hu labaih 25.000ha taneh phun mbang boh song phun kong nghiep di tỉnh njauk khat lihik trak kayua hajan suan bilan. Tui kuhria, jiak 20 ribau ha paaoak blait, jiak 7000 ha paoak njauk khat lihik. Langiu di nan, dom janih phun pala karei yau chôm chôm, dirieng, bơ njau khat lihik trak.

#/ Hadei di tuk hu sruh jit cúm A/H5N1 di tapol ada raong pablei ralo di huyện Phú Tân, tỉnh An Giang hu patabiak dom jalan pacang cakak jit cúm chip saong dom chủng virus pambak tapa menuac. Dalam nan, puk palei hu samar peih brei chip labaih 2 triệu liều vaccine cúm meng nguồn khik mepiah piah klauk saoh chip ka tapol menuk ada di xã jaik taphia negar saong CPC.  

#/ Tal tuk vak ni, dom jabat chức năng di tỉnh Quảng Ngãi brei thau dalam tỉnh hu rah tabiak 2 sruh jit ruak menuk ada H5N6 di ban sit QN song huyện Đức Phổ. Langiu di tapon da labaih 400 drei dương tính cúm A H5N6 di palei Mỹ Trang, xã Phổ Cường, huyện Đức Phổ njauk am klak di harei 8/2 ye urak ni di 2 trang trại rong menuk ada di palei Tự Do, xã Tịnh Ấn Đông, ban sit Quảng Ngãi, gah y tế - thú y pambuak bruk song dom boh sang am klak jiak 10 ribau drei menuk njauk njom cúm A H5N6.

# Tiền Giang saong Bến Tre urak ini hu labaih 15 ribau ha li-u xiêm pablei baoh.Tui yaom yau urak ini, sa ha bein li-u xiêm, urang pala mek tame labaih 300 triệu đồng sa thun. Ong Nguyễn Văn Út, urang pala li-u Xiêm meraih daok di ban sit Mỹ Tho, tỉnh Tiền Giang brei thau: “Meng tết tal urak ini yaom li-u tagok glaong. Thun ini mikva urang nông pala li-u biak chreih chrai. Thun bloh tuk vak ini yaom li-u tok di 50 tal 60 ribau đồng sa pluh, min thun ini dahlak pablei tal 110 ribau đồng sa chục. Meng dahlau tal ini dahlak pala li-u tok hu thun 2017 ini yaom li-u tagok glaong abih duk saong dahlau”.

#/ jiak 2 bilan ni, yaom pabui di ban Cần Thơ song dom tỉnh di bhum taneran krong CL trun khang, abih di nyu nan lac meng dahlau tết nguyên đán mbiah tal ni ngak brei oh takik urang rong  di ban Cần Thơ dok gaok kan kandah, hu oh takiik boh sang rong khat phun jien song klak var rol.

#/ Tui mban tacei pato danak dak bruk ngak negar ka padang ngak palei pala barau tỉnh Sóc Trăng, tal urak ini, tỉnh hu 21 xã mek hu chuẩn palei pala barau. Tui nan, danak dak hu daong kết cấu hạ tầng palei pala đồng bộ, pabak bruk patagok kinh tế - XH jeng yau rai diuk, ngak mbang, sinh hoạt di bhap bini palei pala.

#/ Tỉnh Bạc liêu urak ni hu jiak 700 ribau urang blei BHXH, BHYT, mek hu labaih 77% BHYT di tỉnh, yam tapa tanut hu jao tui sarak di Thủ tướng rajaei song Nghị quyết di Hội đồng bhap bini. Thun ni, Bạc Liêu kham merat mek hu BHYT lac 78,2%.

Patui di ini dom khau tin dunya:

#/ Phái bộ daong bruk pahala  di LHQ  daok di  I-rắc brei thau, yaok pluh ribau bhap bini daok gah pai ban Mô – sun njauk pasang mbaok saong khủng hoảng nhân đạo. Lambaok di LHQ lo ngại ka bhap bini di gah pai Mô-sun njauk laik tame bruk kurang mbang saong ini lac thảm họa pahala.

#/ Urang vak di rayo sap ndom VN dok di Thái Lan brei thau: harak pambuak bruk pablei salih brah klauk meng Thái Lan song Phi lip pin hu mbaoh tangin di thun 2014 hu yaom dalam 3 thun, meda dui atah jang 2 thun, tal  thun 2019. Tui nan TL meda pablei ka Phi lip phiyaok thun oh tapa 1 triệu tấn brah  tui darak pasa di negar ni song tui pren di Thái Lan.

#/ TQ meda brei padeih blei tame than đá di  Cộng hòa dân chủ bhap bini Triều Tiên, meng harei 19/2. Ini lac sa kadha dalam bruk kham merat peih dom jalan trừng phạt di LHQ pamaong tame TT. Tui mintri pablei salih TQ, lệnh cấm ini hu ba tabiak ngak tui tal harei 31 bilan 12./.