#/ Thun ni lac thun ka 3 VN pachreih tui harei dunya Haniem phul 20/10 ngan song kadha “ anit ranam song klah rabha”. Tapa nan, di ban raya HCM hu peih rilo bruk pathau khan paglong akaok sahaneng di dom pakat, dom gah, dom puk palei, Dn, kapul nyaom, menuac urang, boh sang song bhap bini  KA sajarah, makna, saong panuac ieu di LHQ ka harei dunya haniem phol. Jak ba tong abih XH, dom boh sang adang ngak boh sang song bhap bini trei sil, siam mekre, haniem phol.

#/ Di xã taphia negar Ia Nan, huyện Đức Cơ, Hội liên hiệp dam dara VN tỉnh Gia Lai pambuak saong Bộ chỉ huy Biên phòng tỉnh, dom kapul nyaom, doanh nghiệp peih danak dak “bilan 3 taphia negar” ngan saong dom bruk ngak hu makna. Danak dak hu iek ruak, brei jru saoh ka 500 urang kan kathaot; alin hadaih “baoh sang khăn quàng meriah” yaom 50 triệu đồng ka sa adei anek saih gaok kan kandah; alin 30 paok pandap ka anek saih kan kandah kham merat yam tapa; peih dom kadha me-in ka dom adei thiếu nhi; alin pandap ka 10 baoh sang sarak saong peih dom bruk ngak halan hatian padang ngak padang ngak palei pala barau di puk palei.

#/ Tui kuhria mboh di dom cơ sở y tế, meng akaok thun tal ni, tỉnh Bà Rịa Vũng Tàu hu 574 urang njauk pandiak tabiak darah, tagok 55% dut song tuk vak ni thun 2016, dalam nan hu 2 urang ruak pandiak tabiak darah trak.

#/ Anak bruk jit cúm menuk ada daok tamuh tabiak  khang, abih di nyu nan lac vi rút cúm A/H7N9 daok pambak kkhang di TQ, tỉnh Thừa Thiên-Huế pandar dom ngành, puk palei tacei pato dom pakat, jak ba bhap bini, urang raong glang peih dom jalan ngak pacang cakak jit, peih bruk pacang cakak chip saong dom chủng vi rút cúm menuk ada nguy hiểm mbuan njom tapa menuac; patagok bruk pathau khan, brei bhap bini thau ka bruk nguy hiểm di cúm A/H7N9.

#/ Dahlau deih kayua rilo pajaih darang meng kan njauk ruak chổi rồng kan khik iek, nan ye urang nong tỉnh Tiền Giang salih tapa pala darang Ido. Ni lac pajaih darang brei boh prong, rilaow kapa, umo thun glong song mbuan pala.

#/ Tukvak meng bloh, urang raong pabui saong urang blei pabui di Đồng Nai gaok kan kandah tuk pablei pabui ka darak ban raya HCM kayua bruk cuk vòng truy xuất asal ka drei pabui. Ralo bhap bini raong pabui di Đồng Nai ndom lac, bruk cuk vòng truy xuất asal yau urak ini lac oh hợp lý saong oh hu kein lagaih, gam ngak brei kan kandah ka urang raong jeng yau urang blei. Taphia di nan, dalam tukvak urak ini, urang raong daok gaok kan kandah kayua yaom pabui trun khang, gam saong jien blei vòng truy xuất asal ye urang raong dak kan kandah jang.

Patui di ni dom khau tin dunya:

# Urang vak di rayo sap ndom VN dok di Mỹ brei thau : sa mbang khauk jiak sang bac ĐH học Cô-lô-ra-đô di ban Bâu-đơ (Boulder), Bang Cô-lô-ra-đô, Mỹ, ngak ralai 25 ha taneh glai, dom jabat puk palei hu panuac ieu jiak sa ribau urang paduan nao labik karei.  

#/ Thủ tướng Nhật Bản Sin-dô Abê ndom lac, Nhật Bản saong Liên minh châu Âu brei samar mek hu sa thỏa thuận kinh tế, tui nan brei mboh yaom glaong di bruk tự do pablei salih saong nền kinh tế taneh ia ini.

#/ Ub y tế song kế hoạch hóa gia đình tỉnh Giang Tây, gah pai negar Trung Quốc brei thau, hu 13 urang metai dalam nan hu 37 urang njom cúm menuk ada H7N9  di tỉnh ni meng bilan 1 meng bloh./.