# Đảng ủy Khối cơ sở Mintri ilamu  Thể thao song Du lịch  bahrau pataom iek veik saong jao giải Hội thi pakacah, yaih khan dom kadha hu asal bac megru song ngak tui jalan hadah krak di  Hồ Chí Minh thun 2017. Tapa nan, gah Điện ảnh, giải Nhất jao ka phim “Ta còn gửi lửa trong than” di đạo diễn Phan Minh Sơn,  Công ty cổ phần Phim Giải phóng; tranh hội họa “Góc phố” di Trần Quốc Tuấn, Sang bac Đại học Mỹ thuật ban raya  Hồ Chí Minh hu jao  giải Nhất gah Mỹ thuật…

# Rajaei barau patabiak Nghị định 57/2017/NĐ-CP ka bruk ưu tiên tuyển sinh saong daong bac megru ka uranaih mẫu giáo, anek saih , sinh viên bangsa takik. Dom urang hu daong lac uranaih mẫu giáo, anek saih, sinh viên di 16 bangsa hu urang bhapbini ala 10.000 urang ye : Cống, Mảng, Pu Péo, Si La, Cờ Lao, Bố Y, La Ha, Ngái, Chứt, Ơ Đu, Brâu, Rơ Măm, Lô Lô, Lự, Pà Thẻn, La Hủ (bangsa takik biak takik menuac). Ka sarak ưu tiên tuyển sinh, uranaih mẫu giáo, anek saih, sinh viên bangsa takik biak takik menuac hu brei bac da-a di dom labik pato megru  tui hatai caong.

# Tui sarak 56/2017/NĐ-CP, uranaih sang kan kandah hu karja dong iek glang pren yava,  pato pakai… Tui nan, dom uranaih sang kan kandah lac: Uranaih metui medar, uranaih njauk amaik ame klak, uranaih oh hu labik dok, uranaih jaoh jo, uranaih njom HIV/AIDS; uranaih vi phạm pháp luật; uranaih njiel jru phiel, uranaih njauk ruak kan kandah atau ruak brei iek  ruak suai livik, lac uranaih sang kan kathaot atau sang jiak si kan kathaot, uranaih di cư, uranaih lánh nạn, tị nạn oh ka duah mboh amaik ame atau oh hu urang iek glang. 

# Bruk pandar jru ngak tabiak dalam taneh ia di sang iek tuyến tỉnh dahlau si ngak tui đề án urang Việt Nam dahlau di abih pandar jru Việt Nam lac 33,9%, urak ini tagok tal 35,4%; tỉ lệ sumu di tuyến huyện lac 61,5% saong 69,4%; hu dom puk palei hu tagok bruk ba tabiak tuk hu pandar jru ngak tabiak dalam taneh ia di tuyến huyen tagok tal 80%, tuyến tỉnh labaih 60% ye tỉnh Ninh thuận, Phú Yên, Lai Châu, Lâm Đồng, Long An. Kadha ini hu ba tbaiak di nyaom biai taong iek veik tukvak 1 saong ba tabiak bruk tukvak 2 di Đề án kayua mintri Y tế peih ngak.

# Sở Lao động - Thương binh song  Xã hội tỉnh Khánh Hòa brei thau, thun 2017 tỉnh pato bruk ngak ka jiak  4.000 urang ngak palei pala tui sarak  1956 di Thủ tướng rajaei, saong yaom jien buh tame ngak abih tih labaih 7 tỷ đồng. Bruk njauk biai nan lac  tỉnh Khánh Hòa iek prong bruk pato bruk ngak ka urang ngak palei pala tui yaok bhum palei, piah ba  bruk ngak song patagok bruk ngak bo tỉnh hu pren khang.

 # Tỉnh Bến Tre daok peih ngak đề án patagok rilo jalan ngak mbang duah jien, patrun kathaot kajap tukvak 2016-2020, dalam nan pamaong tal bruk ba sinh kế, patagoik jien mek tame, tani tanat pala drak, siam saong biến đổi khí hậu ka urang kathaot.  Bến Tre kham merat tal puac thun 2020, hu 15.858 sang hu pasiam sinh kế patrun kathaot kajap, oh kathaot gilac ( meblah 35,3% duk saong abih tih sang kathoat thun 2016 saong daong dom urang nao ngak bruk di negar lingiu gilac mai ngak mbang yam tagok ngak meda . 

# Tui Sở pato megru tỉnh Kiên Giang, meng ni tal thun 2020, pataom tame patagok chất lượng sang bac, tal bac song dom gru pato , kham merat ngak ka bruk pato pakai di tỉnh mek hu tanut khá dalam bhum taneran krong Cửu Long song angaok tanut bình quân di negar. Amuk Nguyễn Thị Minh Giang, Giám đốc Sở pato megru tỉnh Kiên Giang brei thau, Danak dak padang ngak sang bac mek hu tanut chuẩn pakat negar , sang bac trọng điểm,  sang bac chuyên biệt di tỉnh tuk vak  2016 – 2020 hu peih ngak ngan song yaom jien buh tameabih tih labaih  1.621 tỷ đồng meng kadung jien Trung ương dong brei, kadung jien tỉnh song  xã hội hóa.

Patui di ni dom khau tin dunya:

# Di ban ine Kuala Lumpur di Malaysia barau rah tbaiak mbang nyaom yaka 19 ka bruk nerak thak, dhur tapa biên giới, hu mbaok di lambaok dom taneh ia Malaysia, Indonesia, Brunei, Thái Lan saong Singapore. Khan brei thau di mbang nyom, Cố vấn mintri Môi trường saong Lâm nghiệp Indonesia Arief Yuwono (A-ri-ép Y-u-ô-nô) brei thau, taneh ia ini sanya di thun 2017 oh caik rah tbaiak bruk nerak thak, dhur di bhum Đông Nam Á kayua khuah glai di taneh ia ini

# 31 doanh nghiệp khởi nghiệp (startup) Hàn Quốc meda hu mbaok di  harei pataom công nghệ song khởi nghiệp châu Âu rah tabiak di Amsterdam, Hà Lan piah duah jalan peih prong darka pasa tabiak dunya.. Panuac khan di  mintri Khoa học, Công nghệ thông tin saong Truyền thông song  Kế hoạch tương lai Hàn Quốc brei thau negar ni hu peih sa  gian hàng di "The Next Web Conference Europe 2017" (TNW), sa dalam dom bruk công nghệ hu sangka abih  di dunya.
         # mintri Du lịch Campuchia brei thau, dalam quý I thun ini,tuai du lịch taneh ia lingiu mai tal taneh ia ini daok tagok duk saong dom bilan ini thun dahlau. Tui panuac di mintri Du lịch Campuchia ba tabiak harei 17/5, dalam quý I/2017, taneh ia ini pachreih hu 1,5 triệu mbang tuai du lịch taneh ia lingiu, tagok 12% duk saong dom bilan ini thun dahlau. Dom tuai Trung Quốc dang akaok ngan saong  273.000 mbang.