# Dalam mbang nao ngak bruk pak Tây Nguyên, page harei 19-6, pak bal Buôn Ma Thuột, tỉnh Đắc Lắc, Thủ tướng Nguyễn Xuân Phúc saong urang pal akaok dom mentrri, ngành Trung ương hu mai rivang saong ngak bruk haong Ban Tacei pato Tây Nguyên. Pak van ngak bruk, Thủ tướng pandar Ban Tacei pato Tây Nguyên gam haong urang pal akaok dom tỉnh dalam bhum pambuak bruk biak catang dalam bruk patagok kinh tế-xã hội, dalam nan caik hatai palaghaih piah patagok doanh nghiệp, ngak meda meng dom pren khang di bhum, pambak prong dom mô hình ngak mbang pala drak ba mai ralo siam mekre; trun samar baoh sang kathaot; dak padang hệ thống chính trị pak cơ sở khang kajap, abih di nyu lac pak dom buôn palei, pambuak pagam haong peih ngak siam sarak bangsa, agama.

 # Thủ tướng Nguyễn Xuân Phúc song Phó Thủ tướng  gam lac akaok Ủy ban An toàn giao thông pakat negar Trương Hòa Bình payua panuac klah rabha tal boh sang dom urang metai,  tangi sua dom urang njauk rambuac dalam mbang gaok bala biak trak di Lâm đồng. Tacei pato brei samar pasiam veik. Dahlau di nan, tukvak 10 tuk meteh harei 19/6/2016, di đèo Prenn angaok jalan roya 20 di ban sit Đà Lạt, tỉnh Lâm Đồng, radeih ô tô 60B - 02968 di Công ty du lịch Lê Mỹ meng Đà Lạt tapa đèo Prenn mai tal ban raya Hồ Chí Minh ginuh tame sa urang ngak di tapen jala, hadei di nan, ginuh tame radeih ô tô 86B - 00725 di Công ty Vận tải Thanh Lịch, ngak ka 8 urang metai song rilo urang njauk rambuac

# Pahadar 40 thun dak padang (1976-2016), biar harei 19/6, pak bal raya Hồ Chí Minh, Ủy ban ka dom kadha xã hội di Quốc hội peih nyaom biai ka labik dang di Ủy ban ini ngan haong sarak, hukum jhul patagok tiến bộ haong công bằng xã hội. Dom urang hu mbaok dalam nyaom biai brei thau, luac 40  thun tapa, Ủy ban ka dom kadha xã hội hu pasiam veik ralo kan kandah piah hu mbaok tame saong ngak salah blaoh ralo bruk dak pdang hukum, pasang iek peih ngak dom bruk pambuak pagam tal jhul patagok tiến bộ, công bằng xã hội.

#/ Meng harei 25 tal 28/6 anak tal, di Pasak parang iek ilamu nghệ thuật VN hu rah tabiak “ Harei boh sang VN thun 2016” ni lac sa dalam dom bruk ngak piah pahadar harei boh sang VN. Harei boh sang VN thun ni hu patom tame 2 kadha prong iek glang pren yava boh sang, pasram ilamu, parang iek ka boh sang, ginum biai song tom gaok ilamu nghệ thuật.

# Pak bal sit Long Xuyên, tỉnh An Giang, bahrau rah tabiak mbang hajan prong saong ribuk khang, yaom lac oh metai manauc urang min ngak ka jaik 300 baoh sang di phường Mỹ Thạnh, Mỹ Hòa, Mỹ Quý, Đông Xuyên saong Mỹ Khánh tapeih tabung saong jaleih abih. Jeng dalam tukvak ini, pak bal sit Phú Hòa, huyện Thoại Sơn, hajan prong saong ribuk khang jeng ngak khut labaih 130 baoh sang; dalam nan, hu jaik 20 baoh sang glut jaleih abih. Hadei di tuk rah tabiak, yaok rituh urang lin  Trung đoàn 3, Sư đoàn 330 pambuak haong Công an, Dân quân tự vệ dom phường, xã mai tal  labik nan daong ka bhap bani pataom mek pandap panda, pasiam dom khut khat saong panduan ba phun kayau jaleih angaok jalan, pasiam dom khat lahik kayua bala meng langik tasik ba mai; taphia di nan, brei thau ka khat lahik piah ba tabiak sarak daong ka bhap bani samar grap tanat rai diuk.         

#/ Bộ Chỉ huy Bộ đội biên phòng Sóc Trăng song tỉnh đoàn Sóc pambuak gauk peih bruk tabiak mbaok peih ngak chiến dịch “ brei ngak saat tasik” thun 2016 di huyện Trần Đề song ban sit Vĩnh Châu. Chiến dịch hu labaih 300 urang đoàn dam dara, urang jakar, đội biên phòng tỉnh song rilo urang tong chap ikan, urang di tapen tasik hu mbaok tame.

# Paglaong pren khang pacang caga HIV/AIDS dalam bhap bani urang bangsa takik nan lac bruk di dự án paglaong pren khang pacang, caga HIV/AIDS bhum tiểu vùng Mê Công peih prong (ADB). Thun 2015, dự án hu peih ngak iek di 4 tỉnh nan lac Điện Biên, Sơn La, Thanh Hóa haong Kon Tum. Cambaih laih, dự án hu peih 30 tal pato pathram, nyaom biai, pasang iek paglaong pren khang dalam bruk ba brei dịch vụ chất lượng ka urang njaom mbak HIV, dom urang mbuan nyaom mbak HIV, pathau khan brei thau salih hành vi pak dom puk palei labik tapen negar mbuan njpom mbak.

Patui di ni dom khau tin dunya:

#/ Sa mbang khuak glai pambah prong di gah merong bang Ca-li-phooc-ni-a, gah pai negar Mỹ kayua hangin khang song langik thu lagu, ngak ka yaok rituh urang njauk panduan nao labik karei song ngak jeng sa cơn lốc xoáy lửa prong di labik ni. Mbang khuak  rah tabiak di hạt Xan-ta Ba-ba-ra (Santa Barbara), atah di ban Lốt An-giơ-lét 145km mai gah tây nam, ngak khut khat labaih 3 ribau ha njam patam kuhria tal melam kabroi. Urang pan akaok di labik ni hu tabiak panuac khan, njauk kreik pambah mbang jalan cao tốc di labik ni, jang yau ba labaih 400 urang lin cứu hỏa song 14 kapan haoh piah padam apui khuak.

# Ủy ban bầu cử negar, Cục pacang cakak Tội phạm Công nghệ saong Mentri Thông tin - Truyền thông Thái Lan hu ginum biai ba tabiak jalan mesruh pacang dom bruk pandar Internet cagar veik haong mbang trưng cầu dân ý ka dự thảo Hiến pháp bahrau. Lambaok klau gah njauk gauk brei pdang sa Ủy ban pasang iek tui mong Internet 24/7, piah duah mboh saong langyah chip dom bruk angaok nan. Ong Xổm-chai jeng hu panuac kakei bhap bani juai kuhri kuhria ralo, njauk patui veik bruk brei pannuac ka Dự thảo. Urak ini, Ủy ban bầu cử saong dom jabat chức năng pambuak tal di Thái Lan daok samar kuhria caga ka mbang  trưng cầu ý dân ka dự thảo Hiến pháp bahrau, meda hu peih ngak di harei 7/8 tal. 

#/ Khat lihik ka menuac urang song drap ar kayua ia nfik ia sua song glut jaleih taneh di tỉnh Trung Java, miền tây Indonesia, dak harei dak trak ngan song urang metai tagok tal 24 urang. Yaok ribau boh sang tayah tajac dalam mbang ia ndik ia sua song glut jaleih taneh rah tabiak harei 18/6 meng bloh. Urang pok panuac di jabat khik ramik bala pakat negar Indonesia Sutopo Purwo Nugroho brei thau, hijan khang ngak ka ia ndik ia sua song glut jaleih taneh di 16 labik di tỉnh Trung Java. Urak ni dom nyaom dong duah di bol lin, cảnh sát, dom kapul nyaom phi chính phủ song dom urang halan hatain dok kham merat pacang cakak song ia./  ndik ia sua, paduan ba urang song dong duah dom urang lihik./.