1# Salam uan Tết Trung thu thun 2017, melam 1/10, di Hà Nội, Kadung jien kayua uranaih jaoh jo Việt Nam pambuak bruk song dom gah chức năng peih danak dak doh tako nghệ thuật hu angan  “nao gam song anit ranam” thun 2017. Danak dak piah yaih khan, pok meyaom dom kapul nyaom, menuac urang hu hatai ngak pahla hu rilo  rik dong ka bruk khik caga, iek glang song pato pakai uranaih .

2#  Bair harei ini (2/10), di Hà Nội, Ủy ban Khoa học, Công nghệ saong Môi trường di Quốc hội  meda peih nyaom biai mbang ka 6. Di mbang nyaom, dom urang jakar pang asal kadha ramik pasiam Dự án hukum Thủy sản (pasiam veik), dự án hukum khik caga saong patagok glai (pasiam veik). Dom urang dalam Ủy ban khoa học, công nghệ saong môi trường saong dom urang jakar pataom tame ginum biai saong brei panuac tame pathau khan; lambaok dom jabat pambuak tal langyah, pabak tame.

3# Tui Tổng cục Thống kê, 9 bilan tapa, phun jien negar lingiu tut angan tame ngak dom dự án bahrau, pabak phun  jien song buh jien tame ngak mbang tui jalan rik phun jien, blei cổ phần dalam negar hu labaih 25 tỷ đôla Mỹ, tagok 34,3% dut song tuk vak ni thun dahlau. Phun jien negar lingiu buh tapak tame ngak dalam 9 bialn tui kuhria hu 12,5 tỷ đôla Mỹ, tagok 13,4% dut song tuk vak ni hun dahlau. 

4# Meng harei 1/10, dom urang ruak nao iek ruak di dom sang iek ruak, cơ sở y tế công lập dalam ban raya Hồ Chí Minh meyah oh hu thẻ Bảo hiểm Y tế meda bayan yaom  viện phí tui quy định di mintri Y tế. Tui nan, urang iek ruak oh hu Bảo hiểm Y tế di 322 jabat y tế phường xã, 70 sang iek ruak saong pasak y tế di ban raya Hồ Chí Minh njauk bayan abih yaom jien dịch vụ iek ruak.

5# Pambuak tal bruk danao Gia Hoét pacah ribaong ba ia, ndom nyai song urang vak di rayo sap ndom Việt Nam beir harei 1/10 ong Võ Khắc Thuyết, Chủ tịch Ủy bhap binidân xã Quảng Thành, huyện Châu Đức, tỉnh Bà Rịa – Vũng Tàu brei thau, meyah melam ni hu hajan mbuan si glut jaleih sang danaok.

6# Melam 1/10, mbang akaok mereip di huyện bhum ceik Nam Trà My, tỉnh Quảng Nam rah tabiak mblang darak sâm ceik Ngọc Linh. Karja puk palei sanya pasang iek catang asal di nyu piah khik caga abih tih sâm di mblang darak lac sâm di bhum ceik Ngọc Linh. Mblang darak pataom labaih 20 gian pandap parang iek yaih khan phun  sâm sapng pandap chế biến meng sâm Ngọc Linh di dom sang pala sâm dalam bhum saong dom doanh nghiệp ye: alak sâm, viên nang sâm, tea sâm, kẹo sâm… 

7# Công ty Truyền tải điện 2 (PTC2) brei thau,  di tukvak 16 tuk 18 minit harei 1/10,  di Trạm biến áp 220 kV Thạnh Mỹ (thị trấn Thạnh Mỹ, huyện Nam Giang, tỉnh Quảng Nam), Công ty hu pambuak bruk song  dom  gah pagam tal hu ba điện tame paglaong  công suất máy biến áp 220 kV tagok 125 MVA, peih prong ngăn lộ 220 kV song dom thiết bị samu gauk. Danak dak nan hu dong ka  Đà Nẵng dalam pabak điện dalam tuk vak rah tabiak “Adi pakat glong APEC 2017” dalam bilan 11 anak tal. 

 Khaw tin dunya

8# Melam 1/10, kol (IS) tabiak panuac taduan trách nhiệm bruk tấn công meng to rah tabiak ddi Mác-xây (Marseille), Pháp, ngak ka 2 urang metai.

9# Tổng thống Mỹ Đô-nan Trăm (Donald Trump) harei  1/10 ndom nyai song Ngoại trưởng negar ni lac  jhui  palai pajoa tuk vak piah ginum biai song urang dang akaok  Triều Tiên Kim Châng-un. Dalam panuac ndom angaok Tuýt-tơ (Twitter), ong Đô-nan Trăm kakei Ngoại trưởng Ti-lơ-xơn brei patak patom năng lượng piah ngak dom bruk hagait njaku ngak, jhui palai pajoa tuk vak hong  “menuac tên lửa”, angan bo Tổng thống Đô-nan Trăm caik ka urang dang akaok Triều Tiên Kim Châng-un. 

 10# Harei 1/10 Trung Quốc peih ngak rilo bruk pahadar harei Quốc khánh mbang yaka 68. Dalam harei Quốc khánh, Vạn lý Trường thành hu peih bambang dahlau di dom harei piah raok tuai mai ravang mein. Grauk dom tỉnh, ban di Trung Quốc jeng  trang trí veik dom chậu bingu saong peih ngak dom bruk ilimo piah salam uan harei Quốc khánh.