1 # Harei 20/3, Đại sứ quán Việt Nam pak Hà Lan hu peih bruk zirah urang dahlau diah ngak Thủ tướng Phan Văn Khải. Hu mbaok zirah, hu Đại sứ Việt Nam di Hà Lan Ngô Thị Hòa  haong taong abih urang ngak di Sứ quán. Jeng dalam harei nan, Đại sứ dom negar ASEAN pak Hà Lan, Đại sứ saong lambaok dom jabat đại diện ngoại giao saong kapul nyaom dunya pak Hà Lan saong kiều bào jeng mai vak tame sổ tang urang dahlau diah ngak Thủ tướng Phan Văn Khải.

2 # Di tỉnh Sơn La, dự án dong patagok jien mek tame ka urang nong  tapa bruk  pasiam veik bruk ngak nong bhum ceik hu peih ngak meng  bilan 3/2016 tal bilan  3/2018 ba mai siam lagaih tuk camereip ka bhap bini. Tapa dự án, urang nong hu thau b njauk pasiam jalan ngak mbang palei pala, pala drak hu jalan pruh ia song pala drak dalam bilan thu. Urang nong thau kuhria tal hatai khin di urang blei tuk ngak tabiak dom janih pandap ngak nong, thau pasiam bruk pablei pandap  song yaih khan kaya nong  hu ngak tabiak…

3 # Harei kabroi 20/3, Sang bac Urang jakar khik iek gah pato megru bal raya HCM ba tabiak danak dak “Hạt mầm ranam taneh aia”. Danak dak piah rik pataom takik abih 500 ki-lô-gam asal pajaih njam patam saong 30 tấn taneh hữu cơ payua brei ka dom urang lin daok ngak bruk angaok dom pulao kaoh di Trường Sa saong sang giàn DK1. Dom janih asal pajaih hu rik daong mbang ini nan lac njam cải mầm dom janih, njam puan, njam lang, njam dền, baoh payein hương, baoh paya gam haong ralo janih njam hijao saong njam gia vị.

4 # Tỉnh Đồng Tháp dok patagok gah padai brah tui jalan patrun yaom phun, paglaong  chất lượng. Tui nan, tỉnh hu peih ngak song hu  đề án peih prong dom mô hình hu pandar ilamu kỹ thuật saong ba mai kein laba glong yau mô hình pala padai  lagaih song biến đổi khí hậu, ba jamriak tame bruk ngak padai, mô hình pala padai tui jalan “3 trun 3 tagok” song “1 njauk 5 trun dalam  dự án salih gah ngak nong khang kajap di Việt Nam

5 #Meng  salih janih phun pala anek athur raong njauk jalan, dom thun jaik di ini urang nong huyện bhum atah Vĩnh Thuận (Kiên Giang)  padang hu labik pala drak raong glang, abih di nyu lac kein laba meng mô hình raong sa vụ hadang ginraong hijao meblak saong hadang thẻ haong sa vụ padai ba mai kein laba biak glaong. Kuhria rah tapa 1 ha raong hadang hijao meblak hadang thẻ meda ba mai 3 tấn hadang, ngan haong yaom pablei urak ini meng 150.000 tal 170.000 đồng/kg, kaoh abih jien buh tame jaik 160 triệu đồng, daok veik nan urang nong hu laba.

Patui di ni dom khau tin dunya!

6 # Dom khau tin ngoại giao bahrua brei thau Nhật Bản, Trung Quốc song  Hàn Quốc hu njauk gauk brei peih mbang nyaom pakat glong  3 gah di akaok bilan 5 anak tal, meda lac harei  8 tal 9/5. Mbang nyaom pakat glong 3 gah jiak di abih hu peih ngak  dalam bilan 11/2015 di Seoul (Hàn Quốc). Di mbang nyaom kayua  Nhật Bản dang tabiak ngak ni, Thủ tướng Sin-dô A-bê, Thủ tướng Trung Quốc Lý Quốc Cường song Tổng thống Hàn Quốc Mun Chê In tui kuhria hu ginum biai dom jalan patagok talei pambuak bruk dalam dom gah  kinh tế, môi trường song ilamu.

7 # Harei kabroi 20/3, pak Đại lễ đường bhap bani di Bắc Kinh, Trung Quốc, mbang nyaom ka sa Nyaom roya urang lambaok bhap bani pakat negar (nan lac Quốc hội) Trung Quốc khóa 13 hu rah tabiak mbang peih talaih bế mạc ala bruk pan akaok di Akaok Quốc hội Trung Quốc Lật Chiến Thư. Dalam harak pathau khan ka bruk cakrok patagok kinh tế xã hội thun 2018, Trung Quốc brei thau patagok tani tanat, ba tabiak jalan patagok GDP di khoảng 6,5%, ba mbluak 11 triệu bruk ngak bahrau.

          8 # Cảnh sát Pháp bahrau chap kreik ong Ni-cô-la Xác-cô-di, lac urang dahlau deih ngak  Tổng thống kayua hu cáo buộc pagam tal dom pok jien dong bruk tranh cử di ong di thun  2007. Tui báo Le Monde (Thế giới) di Pháp, bruk duah thau ini gam tal dom pok jien hu payua tal  Pháp meng  Libya piah dong ka bruk tranh cử di ong Sarkozy. Ni lac mbang akaok meti ong Sarkozy njauk điều tra ka bruk jien ndua, dom adit hadei di tuk sa urang lac  cộng sự di ong  njauk chap kreik di ban ine  London di Anh./.