1 # Biar harei 22/3, di jabat Raja-ei, Thủ tướng Nguyễn Xuân Phúc taduan raok ong Khâu Đằng Hoa, Cục trưởng Patagok Thương mại saong kinh tế Hồng Kông (Trung Quốc). Pak van taduan raok, Thủ tướng Nguyễn Xuân Phúc bui sambai hu mboh talei pambuak bruk di Việt Nam saong Hồng Kông patagok siam mekre, abih di nyu lac bruk pablei salih, buh jien tame ngak mbang. Ndua dhal phol Thủ tướng Nguyễn Xuân Phúc hu caik tukvak raok taduan, ong Khâu Đằng Hoa brei thau hu jaik 40 doanh nghiệp ralo gah karei di gauk di Hongkong tapa Việt Nam mbang ini, caong khin duah jalan jhul pakhang talei rohim pambuak bruk dua gah.

2 # Yaom lac tuk vak ni, di Tiền Giang, vú sữa jiak abih boh, min yaom pablei jeng dok glong ngak kaurang nong bui sambai kayua kein laba meng bein boh biak praong dut song dom thun dahlau. Dom harei jiak di ni, vú sữa yaom meng 18.000 - 20.000 đồng/kg janih siam, janih thường yaom meng 10.000-12.000 đồng/kg, glong jang dut song thun dahlau labaih khoảng 5.000 đồng/kg. Meng akaok vụ tal ni, dom Từ doanh nghiệp di Tiền Giang pablei tabiak negar langiu hu labaih  70 tấn boh vú sữa tapa drak pasa Hoa Kỳ.

3 # Chi cục Khik iek darak pasar tỉnh Bình Dương pambuak haong Đội Cảnh sát kinh tế Công an bal sit Thuận An tame pasang iek sa khu sang chòi daok dalam bein trúc, taphia khu sang daok xã hội di urang ngak pak khu phố 4, phường An Phú, bal sit Thuận An, tỉnh Bình Dương. Pak nan, gah chức năng hu ngak biên bản cap khik 21 bình gas janih 48kg, 20 bình janih 14kg saong jaik 1.000 bình gas mini caik angan je dom hãng gas hu angan. Tuk gah pasang iek vaih tame, yaok pluh urang dalam khu sang chòi nan klaak nduac tabiak. 

4 # Tỉnh Đoàn An Giang bahrau peih Giải Việt dã meng kan  26/3 mbang  18 thun 2018, pahadar  87  thun harei padang Kapul dam dara cộng sản Hồ Chí Minh (26/3/1931 - 26/3/2018), 72 thun harei  Thể thao Việt Nam (27/3/1946 -27/3/2018), pachreih tui bilan dam dara  thun 2018 peih bruk pachreih tui Giờ trái đất thun 2018. Giải Việt dã meng kan 26/3 mbang  18 thun 018 hu mbaok di labaih  1.000 vận động viên lac dom urang đoàn, dam dara di  12 cơ sở Đoàn di  tỉnh. 

5 # Pambuak tal mbang khuah chung cư Carina di phường 16, quận 8, bal raya Hồ Chí Minh, ong Nguyễn Thành Nam, akaok Ủy ban bhap bani Phường 16 Quận 8 brei thau: tal 6 tuk page harei ini (23/3) hu mboh 13 urang metai, 14 urang njauk rambuis, ralo urang daok gar veik dalam nan jeng daok hu roh duah . Urak ini jeng daok biak ralo urang daok gar veik dalam nan, tapa nan manuac urang metai lahik jeng daok ralo. Hu thau, chung cưu pakat glaong Carina Plaza hu ba tame pandar jaik 6 thun ini mai ngan haong yaok ribau baoh sang daok dalam nan.

Patui di ni dom khau tin dunya:

6 #  Harei  22/3/2018, Đại sứ quán Việt Nam di Bắc Kinh hu peih mbang taom gaok  kapul uang kamei  ASEAN (ALC) di Bắc Kinh. Hu mbaok di mbang taom gaok hu amuk Đại sứ Campuchia di  Trung Quốc Khẹc Cai-mi-ly (Khek M. Caimealy), amuk Đại sứ Lào Van-di Bút-tha-sa-vông (Vandy Boutthasavong), dom urang lambaok  urang jakar ngoại giao kamei, haduik dom  Đại sứ quán ASEAN di  Bắc Kinh, Lambaok pasak  ASEAN-Trung Quốc, dom urang kamei doanh nhân, nghệ sỹ Trung Quốc. Mai  hu mbaok dalam bruk ni dok hu dom ayuh sinh viên Trung Quốc dok bac sap  Việt di Đại học Ngoại thương song Đại học Ngoại ngữ Bắc Kinh.

7 # Dalam harei 22/3/2018, pak Gia-các-ta, In-đô-nê-xia, hu rah tabiak Nyaom biai Điều phối Cộng đồng Chính trị-An ninh ASEAN (ASCCO) mbang ka 10 ngan haong bruk hu mbaok di urang lambaok 10 negar ASEAN, Ban thư ký gam haong lambaok 14 jabat, kapul nyaom di ASEAN daok hu mbaok tame peih ngak Kế hoạch tổng thể APSC 2025. Nyaom biai hu pataom iek veik bruk peih ngak Kế hoạch tổng thể ka Cộng đồng Chính trị-An ninh ASEAN (APSC) 2025 saong ginum ka dom jalan ngak anak tal. Kapul Việt Nam hu mbaok dalam Nyaom biai nan lac lambaok Mentri Ngoại giao, Quốc phòng, Công an saong Tư pháp.

8 # Đại sứ Nga tại Anh A-lếch-xan-đơ Y-a-cô-ven-cô (Alexander Yakovenko) hu var họp báo ka bruk  urang dahlau deih ngak điệp viên negar ni  Xéc-gây Scơ-ri-pan (Sergey Skripal) song anek kamei di ong njauk đầu độc di negar Anh. Tui  ong Y-a-cô-ven-cô, rajaei Anh njauk ba tabiak dom bằng chứng cụ thể ka dom panuac cáo buộc tame Nga. Dalam  tuk dok tacang tagok bruk ngoại giao urak ni, Rajaei Nga sa mbang tra ndom lac khik ramik siam mekre  ka urang  Anh tal tuk mong iek  World Cup di Nga bilan hè tal./.