# Patui mbang nyaom ka 3, mesup ni, Quốc hội pang  harak khan ka danak dak padang ngak adat hukum  thun  2018; Harak khan ka danak dak peih bruk tui iek di Quốc hội thun 2018. Patui di nan, dom urang ginum biai di tổ ka dom kadha nan. Beir harei, Quốc hội pang pathau khan song ginum biai di  hội trường ka dom kadha hu hatai sahneng karei di gauk di dự án hukum dong doanh nghiệp sit song mbaih. Dahlau nan, di mbang khai mạc, Akaok Quốc hội Nguyễn Thị Kim Ngân brei thau: mbang nyaom ka 3  hu makna prong dalam bruk thể chế hóa dom sarak di hukum  2013, pasiam dom sarak hukum pabak ka dom bruk dalam tukvak bahrau.

# Di jabat rajaei, Thủ tướng Nguyễn Xuân Phúc dang akaok mbang nyaom saong dom mintri, ngành ka dom kịch bản patagok thun 2017. Thủ tướng ndom lac, njauk kham merat ngak hu 6,7%  bruk ba tbaiak ka thun 2017. Di mbang nyaom, Thủ tướng pandar dom Phó Thủ tướng, dom akaok mintri, akaok gah tui bruk ngak hu jao brei, pataom tame tacei pato khang, gam gam giai ban saong peih dom bruk ngak siam, kham merat ngak hu bruk ba tabiak ka yaok ngành, gah, khik caga hu bruk patagok GDP 6,7%.

# Di Hà Nội, Mintri Công an peih bruk taom gaok dom urang Quốc hội ngak bruk dalam gah Công an nhân dân mai ginum biai mbang ka  3, Quốc hội  mbang 14. Thượng tướng Tô Lâm, Ủy viên mintri Chính trị, Akaok mintri  Công an dang akoak mbang taom gaok.  Ong Tô Lâm pandar dom urang Quốc hội ngak bruk dalam gah Công an nhân dân palglong akaok sahaneng , tagok trí tuệ tập thể, pataom tame bruk roh duah, ginum biai, kham merat hu mbaok brei panuac di mbang ginum biai di Quốc hội, abih di nyu nan lac dong padang ngak dom dự án hukum gam tal an ninh trật tự.

# Tỉnh Quảng Ninh hu pandar padheih abih dom dự án mek dang, cuah, gluh di Đông Triều piah ramik psiam bruk khik ramik mek, pajeng ba dang, bruk an ninh trat tu dalam tinh, abih di nyu nan lac ban sit Đông Triều saong tapeng gah khik ramik mỏ di Tổng Công ty Đông Bắc. Dom gah chức năng saong dom puk palei paglaong khik ramik karja, pasang iek veik dom libik glai hu dang piah khik ramik catng, oh caik peih ngak dom dự án saong chuyển nhượng dom  dự án angaok nan di libik taneh  nan.

     #  Sang iek ruak C Đà Nẵng hu ba tame pandar máy xạ trị gia tốc tuyến tính kayua jabat Hợp tác Quốc tế (JICA), Nhật Bản dong brei song peih bruk ginum biai  chẩn đoán tui iek urang ruak ung thư. Máy xạ trị gia tốc tuyến tính hiệu Elekta di Anh hu yaom 100 tỷ đồng, dalam pok jien dong ba 350 tỷ đồng kayua  kapul  JICA dong ka sang iek ruak C Đà Nẵng. Bruk ba tame pandar máy xạ trị bahrau song bruk  padang pasak  ung bướu Bệnh viện C dong ka urang ruak ung thư di gah kreih negar - Tây Nguyên tui jalan ie kruak bahrau.

          # Dhar Viettel Đắk Lắk hu alin baok sang dhar phuan ka sang urang lin kan kandah di ban sit Buôn Ma Thuột, tỉnh Đắk Lắk.  "baok sang 100 đồng" mbang ini hu Viettel Đắk Lắk alin ka sang Trung úy Điểu Đan (bangsa M’nông, di xã Hòa Xuân, ban sit Buôn Ma Thuột), daok ngak bruk di mban chỉ huy Quân sự huyện Buôn Đôn, tỉnh Đắk Lắk. Ini lac baok sang 100 đồng" ka 7, hu Viettel Đắk Lắk ngak ngan saong bruk ngak lac yaok harei dom urang đoàn , damdara patak pataom 100 đồng piah ngak quỹ, dak padang sang piah alin ka dom urang satal, urang jakar, urang lin kan kandah.

Patui di ni dom khau tin dunya

          # Takik di abih  10 urang metai  song 20 urang karei njauk rambuac dalam sa adit tapa, kayua dom mbang hajan khang rah tabiak di bhum Tanga gah đông bắc Tan-da-ni-a. Tui  cảnh sát puk palei , hajan khang ngak ka 12  boh sang njauk ia ba seik abih song 268  boh sang  cô lập di bhum ia sua, palai pajoa jalan mbak nao mai song gah ngak nong di negar ni.

          # Melam kabroi, dom akaok mintri jien padai bhum kadung jien chung châu Âu, Quỹ Tiền tệ dunya (IMF) saong rajaei Hy Lạp barau ngak hu thỏa thuận ka ba trun sraiy saong brei dom paok masre barau meng dom po sriay lac Liên minh châu Âu (EU) saong Quỹ Tiền tệ dunya ka Hy Lạp.  Hy Lạp cần hu jien meng bhum kadung jien chung châu Âu piah plaih tavak sraiy praong di bilan 7 tuk njauk bayan jaik 7 tỷ 300 triệu ơ-rô phun jien hu đáo hạn.