1 # Taduan panuac daa di  Tổng thống Mu-la-tu Tết-xô-mê (Mulatu Teshome), mesup harei ini (23/8), akaok negar  Trần Đại Quang song haduik di ong tabiak truh ban ine  Hà Nội, tagok jalan nao rivang pakat karja  tal  Cộng hòa Dân chủ Liên bang Ethiopia, meng harei  23 - 25/8/2018. Ni lac mbang nao rivang camnereip di urang pal akaok karja Việt Nam tal  Ethiopia kuhria meng di tuk 2 negar hu pambuak talei ngoại giao thun 1976,lac bruk sajarah dak rai dalam talei pambuak bruk  Việt Nam - Ethiopia, peih tabiak jalan pambuak bruk ngak mbang pablei salih di 2 negar dalam dom thun tal. 

            2 # Patui veik mbang noa rivang saong ngak bruk di Trung Quốc, hadei di 3 harei ngak bruk di Bắc Kinh, ong Trần Quốc Vượng, Ủy viên Bộ Chính trị, Thường trực Ban Bí thư saong  kapol urang lambaok Đảng drei hu nao rivang tỉnh Thiểm Tây. Harei 22/8, ong Trần Quốc Vượng hu taom gaok ong Hồ Hòa Bình, Ủy viên Trung ương Đảng, Bí thư Tỉnh ủy Thiểm Tây, Trung Quốc. Dalam tukvak daok  rivang tỉnh Thiểm Tây, dom urang jakar negar drei hu noa duah thau bruk padang ngak palei pala birau, labik ngak kinh tế xa hoi di ban Diên An saong ban Tây An di tỉnh Thiểm Tây. 

3 # Dok dalam danak dak pambuak  mạng lưới salih bahrau hadah krah Việt Nam, melam kabroi  (22/8), di ban raya HCM, urang pal akaok ban raya  hu taom gaok 100 chuyên gia, trí thức Việt Kiều dalam gah công nghệ thông tin. Brei panuac di labik ni, ong Nguyễn Thành Phong, Chủ tịch UBND ban raya HCM brei thau, ban raya dok peih ngak danak dak đô thị thông minh nan ye biak cong khin bruk rik dong di dom chuyên gia công nghệ thông tin Việt kiều. Tui bruk ba tabiak  , mesup harei  ini (23/8), kapul dom  trí thức công nghệ thông tin Việt kiều  ngak bruk di  Ban khik ramik  Khu công nghệ cao ban raya HCM.

4 #Meng thun 2015, Ban raya HCM hu pambuak dom tổng đài 113 lac an ninh trật tự, 114 lac daong urang gaok bala, pacang padam apui khuah, 115 daong bruk iek ruak chip.  Min, dom jabat, đơn vị pambak pagam tal yau công an, cảnh sát pacang padam apui khuah, Pasak daong eik ruak chip 115, Văn phòng Ban Chỉ huy pacang caga bala meng langik tasik saong daong duah urang gaok bala TP.HCM oh ka siam lagaih dalam bruk tadaun saong xử lý thông tin. Taphi di nan, bruk khik dom tổng đài  113, 114, 115 daok ngak ka bhap bini jeng yau tuai negar langiu meluh tuk hu bruk rah tabiak. Piah pasiam veik dom bruk angaok nan, Ban raya meda brei padang Pasak taduan mek - langyah thông tin khẩn cấp, daong urang gaok bala hợp nhất 114, meng bruk pagam tame abih dom tổng đài 113, 114, 115.

5 # Tamat harei pakacah  ka 4 (22/8) di  nyaom roya thể thao châu Á- Asiad 2018 kapul thể thao Việt Nam tok mek hu  3 huy chương ban  song laik trun dang dhi 20  dalam  bảng tổng sắp huy chương. Dalam harei pakacah ka 5 ni (23/8) thể thao Việt Nam cong mek hu  huy chương meh môn  rowing song wushu. Jeng dalam harei ni, di tukvak  19tuk meteh 30, Olympic Việt Nam tabiak pakacah  vòng 1/8 ASIAD taom  Bahrain. Meyah  janeh mbang ni, Olympic Việt Nam meda  ngak jeng sajarah tuk lac mbang akaok meti  tame hu tứ kết di sa mbang  ASIAD.

Patui di ni dom khau tin dunya:

# Tòa án tối cao Campuchia birau atah klak kháng cáo di luật sư bào chữa ka ông Kem Sokha, dahlau daih ngak Chủ tịch đảng Cứu nguy dân tộc. Tui nan, ông Kem Sokha jeng daok njauk keik 6 bilan tra piah duh ka bruk duah thau, xét xử tui panuac ba tabiak di Tòa pakat ala. Ông Kem Sokha njauk chap mek di sang ong harei 3/9/2017, kayua medil lac ong pambuak bruk haong urang negar langiu piah pajaleih Karja di CAMPUCHIA. 118 urang pakat glaong di đảng ini jeng njauk pakauk ngak bruk chính trị dalam 5 thun.

7 # Di Bangkoc  Thái Lan, adit pandap saong du lịch viet nam di thái lan 2018” kayua mintri  Công Thương Việt Nam song Tập đoàn Cen-trồ (Central) pambuak gauk peih ngak , gam saong bruk hu mbaok di  Tổng Cục Du lịch Việt Nam hu peih tabiak. Di tuk peih pakak, ong Sổn-tị-rát, Akaok mintri pablei salih Thái Lan ndom lac talei pambuak bruk labaih  42 thun tapa di  Thái Lan song  Việt Nam oh lac talei pambuak bruk  ngoại giao, bo dok peih prong tapa rilo bruk  kinh tế, pablei salih, ngak mbang, ilamu pato pakai , song  du lịch. Adit pandap song  du lịch Việt Nam di  Thái lan hu dui atah tal abih harei  26/8/2018.

# Harei 22/8, apui khuah mbang samar pambak praong di tòa chung cư glaong di Ban Mumbai, lac pasak jien padai di Ân Độ,. Apui khuah ngak brei 4 urang metai saong 16 urang njauk rambuac. 13 tuk harei nan, apui khuah jeng rah tabiak  di trụ sở hãng papar binguk karja Doordarshan di pasak ban ine New Delli di An Do. Min, oh hu thei njauk hagait./.