1 # Pahadar 71 thun harei Thương binh Liệt sỹ 27/7/1947 – 27/7/2018, melam  26/7, pak Nghĩa trang Liệt sĩ ban sit Sơn Tây (Hà Nội), Thủ tướng Nguyễn Xuân Phúc hu mbaok dalam danak dak papar binguk tapak: “Lễ pok brei Bằng Tổ quốc ghi công saong peih  Cổng thông tin điện tử ka liệt sĩ, kabo liệt sĩ saong nghĩa trang liệt sĩ”. Tapa nan, Thủ tướng Nguyễn Xuân Phúc saong Akaok Ban Tổ chức Trung ương Phạm Minh Chính hu pok brei Bằng Tổ quốc ghi công ka lambaok 30 sang gauk gar liệt sĩ, lambaok mbaok ka 442 sang hu aduan mek Bằng Tổ  Quốc ghi công..

Jeng tapa nan, Thủ tướng Nguyễn Xuân Phúc, Phaok Thủ tướng Vũ Đức Đam, Akaok Mentri Lao động-Thương binh saong Xã hội Đào Ngọc Dung saong lambaok baoh sang, gauk gar liệt sĩ hu tagok tapat nút khai trương Cổng thông tin điện tử ka liệt sĩ, kabo liệt sĩ saong nghĩa trang liệt sĩ.

2 # Cổng thông tin điện tử ka liệt sĩ, kabo liệt sĩ saong nghĩa trang liệt sĩ kayua Mentri Lao động, Thương binh xã hội, Bộ Thông tin- Truyền thông saong Tổng công ty bưu điện Việt Nam padang ngak haong địa chỉ thongtinlietsi.gov.vn. Cổng Thông tin ini tabiak rai hu daong ka gauk gar dom liệt sĩ trun meneng dom kan kandah dalam bruk nao duah kabo liệt sĩ. Urak ini Cổng thông tin điện tử ka liệt sĩ, kabo liệt sĩ saong nghĩa trang liệt sĩ hu pataom mek, pabak tame saong ngak salah blaoh cơ sở dữ liệu di jaik 850.000 kabo liệt sĩ di labaih 3.000 nghĩa trang liệt sĩ dalam negar, samu 95,6% taong abih kabo liệt sĩ hu dữ liệu angaok cơ sở dữ liệu kayua Bộ Lao động-Thương binh saong Xã hội daok khik iek.

3 # Tỉnh Đăk Nông urak ni hu labaih 3.800 urang buh pren yava ka CM  dok hu mbang jien trợ cấp. Peih bruk thau dar thau phol dalam tuk pahadar  71 thun harei  thương binh liệt sĩ, Ubbhap bini  tỉnh Đăk Nông hu buh tabiak MENG kadung jien karja tỉnh labaih  1,2 tỷ đồng, padang rilo kapul nyaom nao tangi sua brei pandap ka dom boh sang dalam sarak karja, urang hu buh pren yava ka CM  .

4 # Melam kabroi (26/7), di bal raya HCM, 1.550 đoàn viên, dam dara hu mbaok truac dhil thau dhal phol dom anh hùng liệt sỹ di 5 nghĩa trang liệt sỹ dalam bal raya tukvak pahadar 71 thun harei Thương binh -Liệt sỹ. Ini lac bruk ngak biak hu makna di  urang đoàn, dam dara TPHCM piah pahadar saong brei mboh hatai iek prong dom Anh hùng liệt sĩ van klaak rup drei brei ka độc lập, tự do ka bangsa, brei ka bruk dak padang saong pacang khik taneh aia. Tapa nan patagok ilamu ranam taneh aia saong paglaong  trách nhiệm, bruk ngak di urang đoàn, dam dara dalam bruk “thau dhal thau phol".

     5 # Di Nghĩa trang  liệt sỹ Đồi 82, huyện Tân Biên, tỉnh Tây Ninh hu peih bruk nao ravang, truy điệu song  an táng 186 talang  liệt sỹ urang lin halan hatain  Việt Nam var klaak rup drei dalam saman mesruh metak di Campuchia hu pataom mek  mai veik taneh ia . Dalam  dom thun tapa , Đảng bộ, karja , urang lin song bhap bini  Tây Ninh tuk halei jeng caik dalam hatai bruk duah pataom talang dom anh hùng, liệt sĩ meng abih hatai jai song trách nhiệm di drei.

          Khaol dahlak likau  tapa dom tin karei njauk caik hatai :

6 # Biar harei (26/7), pak jabat Bộ Ngoại giao, ong Lê Hoài Trung, Ủy viên Trung ương Đảng, Thứ trưởng Bộ Ngoại giao hu pok brei ka Đại sứ Cộng hòa Dân chủ Nhân dân Lào pak Việt Nam Thongsavanh Phomvihane yaom jien 200.000 USD di raja-ei Việt Nam daong ka raja-ei saong bhap bani Lào pasiam veik dom khat lahik kayua bruk talah binek thủy điện di tỉnh Attapeu, Lào meng blaoh. Thứ trưởng Lê Hoài Trung ndom lac, dom harei tapa, urang pal akaok saong bhap bani Việt Nam biak sangka,  duah thau ka bala ini ngan haong hatai klah rabha, daong ba gauk brei ka bhap bani Lào adei sa-ai. 

7 # Ia sua trun hadei di 3 harei dauk abih 13 palei di  huyện Xa-nạm-xay, tỉnh A-ta-pư, jeng lac tuk bruk dong ka bhap bini di bhum ia sua hu jhul khang. Rajaei Lào song karja pak ni khang hatai oh caik ka bhap bini eng drei kan kandah dalam mbang gaok bala. Urak ni tỉnh A-ta-pư  hu taduan labaih 2 tỉ kip jien, pandap panda song yaok rituh ribau  đô la Mỹ kayua dom neggar kapul nyaom,menuac urang,  doanh nghiệp rik pataom , dong ka bhap bini di bhum ia sua Xa-nạm-xay.

8 # Tổng thống Vê-nê-xu-ê-la Ni-cô-lát Ma-đu-rô (Nicolas Maduro) bahrau brei thau, negar ini meda samar  klaak 5 số 0 angaok jien nội tệ bô-li-va, lac daok lahik  yaom trak dalam mbang khủng hoảng kinh tế trak abih bi negar Nam Mỹ ini daok gaok urak ini. Brei panuac ndom dalam mbang nyaom rajaei, Tổng thống Ma-đu-rô brei thau, danak dak pasiam veik bruk ngak mbang kinh tế taneh aia meda hu peih tabiak di harei 20/08 anak ta

9 # Yaok pluh kara kanduh  tasik metaI hu duah mboh di bhum tasik  Floriđa di Mỹ dalam dom harei jiak di ni. Tui panuac khan di kapul khik caga động vật hoang dã, dalam 91 kara kanduh tasik njauk ia ba seik atau dok gar di mblang tasik, hu 58 drei metai, 33 drei dok duik . Dom drei kara kanduh dok duik hu ba tal pasak pasiam veik song dong ka động vật. Tui panuac khan di dom urang roh duah kara kanduh tasik, bruk kara kanduh metai dalam tuk vak ni lac kayua rah tabiak bruk thủy triều đỏ./.