1/  Beir harei 26/9, Phó akaok negar Đặng Thị Ngọc Thịnh song kapul ngak bruk hu mai rivang, pasang iek, duah thau bruk pasiam veik dom khut khat di ribuk ka 10 di tỉnh Quảng Bình. Jeng dalam mbang ni, Phó akaok negar hu dong ka tỉnh Quảng Bình 500 triệu đồng, Hiệp hội Doanh nhân urang kamei Việt Nam dong ka  Quảng Bình 100 triệu đồng.

2/ Jeng dalam harei 26/9, kapul ngak bruk di rayo sap ndom VN kayua ong Nguyễn Thế Kỷ, Ủy viên Trung ương Đảng, Tổng Giám đốc rayo sap ndom VN  ngak bruk saong urang dang akaok tỉnh Bình Định,  rivang saong ngak bruk hong rayo papar  sap An Nhơn di pasak Kỹ thuật papar sap- rayo sap ndom VN. Tổng Giám đốc rayo sap ndom VN Nguyễn Thế Kỷ ndom lac: dalam kinh tế di taneh ia hu sa kadha biak quan trọng nan lac kinh tế tư nhân saong dalam kinh tế tư nhân ye kol drei jeng pamaong tal bruk daong piah dom tập đoàn kinh tế praong yau FLC, dom Tập đoàn kinh tế karei jeng dom labik ba kaok piah ba kinh tế taneh ia nao tagok.

3/ Viện Âm nhạc, Học viện Âm nhạc pakat negar Việt Nam bahrau peih nyaom ginum biai ilamu hu angan: “Bruk di anak meta saong dom kadha caik tabiak ka inem krung alat ragam meng kan di dom bangsa Việt Nam urak ni”. Nyaom biai pachreih hu rilo dom urang roh duah ilamu bangsa mai hu mbaok.

4/ Thanh tra tỉnh Quảng Nam barau hu panuac kết luận pasang iek bruk peih ngak danak dak bruk ngak negar padang ngak palei pala barau di huyện Đại Lộc, tukvak meng thun 2011 tal thun 2015. Tapa nan brei mboh ralo bruk ngak sung dalam peih ngak danak dak ini ngak duh hatai dalam bhap bini.

5/ Thun 2013,Kadung jien khik ramik jalan mbak mek hu labaih 5.000 tỷ đồng, min bahrau pabak hu labaih 42% bruk. Thun  2017, tui kuhria mek hu labaih 8.000 tỷ đồng, pagam song kadung jien karja jeng meda pabak hu labaih meteh bruk ngak.

6/ Sang iek ruak Quân y 175, mintri Quốc Phòng  brei thau: Dom bác sĩ 4 khoa chuyên ngành di sang iek ruak barau blac daraih labaih 4 mong piah daong ka urang likei njauk radaih bồn glik tapa tian. Hadei blac daraih, urak ini, urang likei nan tapa nguy kịch, oh daok suak yava meng jamriah saong ba tapa khoa ngoại tian piah tui iek.

          7/ Di nyaom biai chuyên đề Quy hoạch tổng thể song patagok jalan mbak ka bhum taneran krong  Cửu Long kayua mintri kế hoạch song  Đầu tư dang ngak hu rah tabiak mesup harei 26/9 di ban Cần Thơ, rilo urang ndom lac, piah tagok khang kajap bhum taneran krong  Cửu Long lagaih song  biến đổi khí hậu bruk camereip song prong di aibhsaong lac jalan peih tabiak ka tong abih jalan ngak patui di nan lac samar padang ngak hu sa bruk tổng thể tui jalan tich hợp

Patui di ini dom khau tin dunya:

8/ Harei 26/9, urang dang akaok phe Cộng hòa brei thau Thượng viện Mỹ adit ini oh buh phiếu brei tapa dự luật klak danak dak iek glang pren yava  Ô-ba-ma-ke. Ini hu iek yau sa thất bại ngan saong tổng thống Đô nan Trăm saong dom nghị sỹ Cộng hòa dom urang daok kham merat piah ngak hu panuac samnya dalam tuk tranh cử.

          9/  Tổng thống Pháp Em-ma-nu-en Ma-crông (Emmanuel Macron) cong salih tong abih janih di Liên minh châu Âu dalam 10 thun ana ktal di tong abih gah  kinh tế, chính trị song quốc phòng

10/ Rajaei Thí Lan hu brei tapa paok jien daong urang nông saong tani tanat yaom brah lac 87,2 tỷ Bạt (2,7 tỷ đô la Mỹ) anak tukvak yuak padai vụ mùa 2017-2018 di bilan 11 tal. Dom jalan ngak di rajaei TL kuhria daong 3,7 triệu  urang nông./.