#/ Meng harei 28-30/11, Ủy viên Bộ Chính trị, Akaok Quốc hội Nguyễn Thị Kim Ngân meda ba akaok Kapul urang lambaok pakat glaong Đảng saong Karja Việt Nam tapa Cu-ba hu mbaok dalam ndam metai pakat Karja di urang pal akaok Cuba Phi-đen Cát-xtơ-rô Ru-xơ, urang dahlau diah ngak Bí thư thứ nhất Ban Chấp hành Trung ương Đảng Cộng sản Cu-ba, urang dahlau diah ngak Akaok Hội đồng Karja saong Hội đồng Bộ trưởng negar Cộng hòa Cu-ba, lahik meng harei 25/11.

#/ Harei 27/11, di jabat Rajaei   Hội đồng Tư vấn đặc xá ginum biai ka dom angan pok tagok likau akaok negar peih palao dahlau tuk vak ka dom urang guk ginup điều kiện peih palao thun 2016. Ủy viên mintri Chính trị, Phó Thủ tướng Thường trực rajaei Trương Hòa Bình, Akaok hội đồng tư vấn đặc xá pan akaok nyaom biai. Tui kuhria, mbang đăc xá ni hu labaih 4000 urang guk ginup điều kiện hu peih palao dahlau tuk vak.  

# Mentri pajeng ba hu mboh tangin brei peih ngak đề xuất dự án thành phần 1 padang ngak jalan cao tốc Dầu Giây - Tân Phú, dalam dự án jalan cao tốc Dầu Giây - Liên Khương, meng Đồng Nai tal Lâm Đồng, atah 59,6 km, taong abih phun jien buh tame ngak labaih 14 ribau 650 tỷ đồng. Tui bruk ba tabiak di dự án meda hu peih ngak dalam quý 4 thun 2017, tui jalan ngak pambuak bruk BOT oh hu bruk daong ba di karja saong tui kuhria meda ngak salah blaoh dalam thun 2020. 

#/ Di ban Đà Nẵng, mintri Y tế hu peih nyaom biai peih ngak sarak di Thủ tướng rajaei patabiak bruk bayar jien jru kháng vi rút hu blei tame pakat negar pandar kadung jien iek ruak BHYT song dong ka urang pandar jru kháng vi-rút HIV. Dom urang dalam nyaom biai hu caik tuk vak ginum biai dom mbuan lagaih, kan kandah, tavak tavaiytuk peih ngak sarak di ban sit ĐN.  

# Harei kabroi 27-11, pak tỉnh Long An, Sở Pto megru 13 tỉnh, bal bhum taneran kraong Cửu Long pambuak haong Báo Sài Gòn Giải phóng saong Công ty Bảo hiểm Nhân Thọ Prudential Việt Nam peih ngak lễ pok brei giải mbang pakacah “Prudential- Văn hay akhar gheih” Bhum taneran kraong Cửu Long mbang 13 thun 2016. Ban tổ chức hu pok brei 232 giải thưởng dom hạng, taong abih jien jaik 276 triệu đồng. Jeng dalam tukvak ini, Công ty Bảo hiểm Nhân Thọ Prudential Việt Nam hu pok brei 50 pok jien bac yaok pok hu yaom 1 triệu đồng ka dom anek saih kathaot bac megru naih jioy di tỉnh Long An.

#/ Harei 27/11, Kapul dong ba urang kan kathaot Tây Nam Bộ jao brei 20 boh sang anit ranam ka dom sang kan kandah (yaom 32 triệu đồng sa boh sang) song peih bruk iek ruak, brei jru saoh ka bhap bini dok di huyện Châu Thành, Hậu Giang. Tapa nan    Kapul dong urang kan kathaot Tây Nam Bộ pambuak bruk song UB bhap bini huyện Châu Thành peih bruk ie k ruak song brei jru saoh ka 500 urang di xã Đông Phước, Phú Hữu song ban sit  Ngã Sáu (huyện Châu Thành). 

# Tui kuhria dahlau dalam bilan thu thun hadei, aia mbak meda nyaom mbak tame avan jang saong dalam jang dom thun dahlau, nan ye urak ini, karja, kapul nyaom saong bhap bani tỉnh Tiền Giang daok samar ngak bruk kuac kuah ribaong kraong, peih pakak jalan nduac. Rút kinh nghiệm meng dom thun dahlau, urak ini Tiền Giang peih ngak samu grauk dom jalan pacang cakak mbak kham merat khik ka bahu labaih 33 ribau ha padai Đông Xuân di labik Dự án Ngọt hóa Gò Công , Dự án Bảo Định saong yaok pluh ribau ha bein phun mbang baoh tapen kraong Tiền.

Patui di ni dom khau tin dunya:

#/ Urang jakar Hà Lan brei thau, negar ni bahrau am cuh klak 190 ribau drei ada di rilo trang trại prong di gah pai, hadei di tuk jabat chức năng thau hu jit ruak menuk ada dalam bhum. Jabat tui iek hacih saat pandap mbang Hà Lan brei thau, ada nan hu am chuh klak di 6 trang trại, hadei di tuk sa sruh jit hu duah mboh di trang trại menuk ada di palei Bít-đinh-gui-sen  atah di ban ine Am-xtec-đam  labaih 70 km nao gah timun. Thun 2003, sa sruh jit ruak menuk ada rah tabiak di Hà Lan ngak ka negar ni am chuh klak labaih 30 triệu drei menuk.

#  Tapa mbang duah thau ka hatai saneng di bhap bani, kurhia tal puac harei 27/11 hu tal jaik 55% cử tri Thụy Sĩ ndom oh haong đề xuất kareik pabah mbang sang mac máy điện hạt nhân. Binah prong dom bang ndom sap Đức oh pachreih tui sáng kiến angaok. Tok hu dom bang ndom sap Pháp hu tỷ lệ glaong abih njauk hatai haong gauk brei kareik pabah mbang dom sang mac điện hạt nhân. Tok hu 6 dalam 26 bang di Thụy Sĩ tok sap pachreih tui bruk kareik pabah mbang di dom sang mac điện hạt nhân.

Yau nan, tapa mbang duah thau hatai saneng di bhap bani harei 27/11, taong abih 5 sang mac điện hạt nhân di Thụy Sĩ meda hu peih nduac. Urak ini dom sang mac điện hạt nhân daok ngak tabiak labaih 30% sản lượng điện ka negar Thụy Sĩ. Anak meta hu mboh, binah ralo Thụy Sĩ caong khin raja-ei hu sa sarak năng lượng hu kuhri kuhria cambaih laih, piah định hướng gilac bruk ba brei năng lượng hạt nhân siam mekre.

#/ Bruk dok catang di hãng kapan haoh Đức Lup-than-sa (Lufthansa ) dok tagok khang, tuk harei kabroi kapul công đoàn phi công di  kapan haoh brei thau lac daok caga peih mbang đình công prong di harei 29 song 30 bilan 11 anak tal. Panuac hu ba tabiak hadei di tuk urang dang akaok kapan  haoh Lup-than-sa  song gah phi công oh ka njauk gauk ka bruk tagok jiebn bilan, hadei di tuk harak pambuak bruk thu nhập di phi công abih tu k vak ( thun 2012). Hadei di bruk phi công jak gauk padeih bruk, song  hu mbaok tame đình công  dui atah meng harei 23 tal 26/11 meng bloh ngak ka labaih 2.700 mbang par di kapan haoh  Lúp-than-sa  oh par hu, ngak kan kandah tal labaih 300 ribau tuai damuai. Dok kanal mbang đình cônmg suai di abih dui tah 7 harei, DI meng bilan 11 thun bloh di  Lup-than-sa ngak brei labaih 4.700 mbang par njauk klak, ngak kan kandah tal labaih 500 ribau tuai damuai song ngak khat lihik KT tagok tal yaok triệu ơ rô./.