1/ # Beir harei kroi 1/8, di Trụ sở Trung ương Đảng, Tổng Bí thư Nguyễn Phú Trọng taduan kapul urang lambaok Đảng bhap bini Cách mạng Lào kayua ong Ki-kẹo Khảy-khăm-phị-thun, Bí thư Trung ương Đảng, Akaok Ban Tuyên huấn Trung ương Đảng bhap bini Cách mạng Lào, Chủ tịch Hội đồng Khoa học Xã hội negar Lào pan akaok mai rivang songpataom mbaok tame ginum biai Lý luận mbang ka V di 2 đảng hu angan “Patagok samar, khang kajap”.

2/ Tal urak ini, bruk patruh eik patrun kathaot, khik kajap an sinh XH hu tỉnh Điện Biên peih ngak siam, baoh sang kan kathaot trun daok 44%, ba bruk ngak ka labaih 8.500 urang ngak. Dom gah ilamu XH daok hu sangka, hệ thống sang bac tal bac patagok taong abih, tani tanat, chất lượng pato megru hu patagok yaok thun, bhap bini hu iek glang pren yava siam, oh lui jit ruak praong rah tabiak.

 3/ # Muinyim  An Giang pambuak bruk song muinyim Ninh Thuận bahrau peih parang iek "Ilamu Chăm An Giang song Ninh Thuận". Meng 131 thaot binguk , jiak 250 pandap panda, yau: pandap pandar dalam sang, dom panda lan an Bàu Trúc, bruk menyim khan bai Mỹ Nghiệp, bruk parang iek balik likhah palatin kamei likei  di urang Chăm  An Giang brei thau cambaih ilamu mbang ngui, daok dang di urang  Chăm  2 tỉnh Ninh Thuận, An Giang. Yaok janih pandap yaom lac sit, klak, min jeng hu kak kajap haong bruk ngak mbang, ngak huak, haong rai duik di bhap bini bangsa. 

4/ Tỉnh Hà Tĩnh urak ini hu 58 urang njauk ruak pandiak tabiak drah di 29 xã di taong abih dom huyện, ban sit ban praong. Anak bruk ini, dom pakat karja palei peih bruk pathau khan ka bhap bini dahlau tuk nao ndih brei hu kak kamo, pahacih sang danaok, var ro, raong glang. Pasak y tế dự phòng Hà Tĩnh tacei pato dom đơn vị y tế dự phòng dom huyện, ban sit, ban praong tui iek kajap bruk jit ruak pandiak tabaik drah piah hu dom jalan ngak pacang, padam jit.

5/ # Piah ngak jeng bhain randap, bruk khik caga siam  khau tin di dom urang, kapul nyaom, Tập đoàn công nghệ BKAV gam peih ngak danak dak pasram megru An ninh mạng WhiteHat Drill 04 hu angan “Ransomware: Xử lý song pacang caga”. Bruk hu ba tabiak di WhiteHat Drill 04 lac:  Dữ liệu nan hệ thống máy tính oh peih hu, hiển thị yêu cầu brei hu jien lo piah pasiam.Phản ứng dalam tình huống ni, dom kapul brei cô lập hiện trường, klah nyaih mã độc pambak samar jang, jang yau peih ngak bruk pandar dom công cụ pacang caga  ransomware siam lagaih.

6/ Hajan gam gam, ngak ka jaik 2 ribau ha padai hè thu di tỉnh Trà Vinh jaleih. Mac yuak đập oh yuak hu, kurang menuac yauk meng tangin, yaom biak glaong. Taneh padai jaleih njauk yuak meng tangin, dalam tuk urang ngak di puk palei daok kurang. Tui nan, yaom công yuak padai tagok meng 350 ribau tal 450 ribau đồng sa công, iek tui bruk jaleih, nan lac glaong jang dua mbang duk saong yuak meng mac. Padai jaleih oh lac trak ka chi phí yuak bo daok kan pablei

7/ # mesup kroi 1/8, dom sang bac đại học di ban raya Hồ Chí Minh daok peih bruk mek veik harak giấy chứng nhận kết quả pakacah Trung học phổ thông pakat negar  thun 2017 song tacei ba thí sinh ngak hồ sơ tut angan tame bac.

Patui di ini dom khau tin dunya

8/ Di ban ine Viêng Chăn, Lào, Đại sứ quán Việt Nam di Lào pambuak saong Tổng Công ty 36 - mintri quốc phòng Việt Nam hu peih ngak Dự án padang ngak sang anit ranam alin ka dom baoh sang sarak karja, baoh sang hu buh pren yava ka cách mạng gaok kan kandah.

 9/  # Dalam mbang nao rivang ban ine Ni-a-mi, Ni-giê, Akaok mintri Quốc phòng Đức U-xu-la Von-đơ Li-en hu taom gaok Akaok mintri Quốc Prang Phơ-lo-ren Pa-li  piah ginum biai bruk pambuak talei quốc phòng di 2 negar song hu panuac ieu dom negar jum pataom gauk taong tayah kol khủng bố dok di labik Sa-hen, Châu Phi.

10/ Thái tử Arập Xê-út Mô-ha-mét bin Xan-man barau brei thau sa dự án du lịch dunya hu angan lac Dự án Biển Đỏ, piah yaih khan hình ảnh negar tal dunya jeng yau pachreih gilac tuai damuai DL dunya mai tal taneh ia ini./.