#/ Akaok mintri Thông tin  song Truyền thông Trương Minh Tuấn bahrau nao rivang song jao 100 pok jien bac yaom abih tih 200 triệu đồng ka anek saih kan kathaot di ban sit  Đồng Hới, tỉnh Quảng Bình. Ni lac pok pandap pachreih ba dom adei anek saih kan kathaot anak thun bac bahrau. Jeng dalam mbang ni, mintri  Thông tin song Truyền thông  hu jao 50 triệu đồng brei kapul njauk jru klik kruac ban sit Đồng Hới piah pahadar 55 thun harei kayua urang njauk jru klik kruac.

# Tui Tổng cục Dân số - Kế hoạch hóa gia đình di mintri y tế, tui kuhria 6 bilan thun 2016, tỷ số likei kamei tuk ndih tapui dalam taneh ia lac 113,4/100, patagok duk saong thun 2015 lac112,8/100. Kayua yau nan ye dalam thun 2016, bruk pacang tốc độ patagok tỷ số likei kamei tuk ndih tapui kan hu tui bruk ba tabiak. Tui harak pathau khan di 63 tỉnh, ban, dalam 6 bilan akaok thun, dom uranaih ndih tapui tabiak ralo jang 9,9%, dom anek ka 3 tagok ralo jang 7,5% duk saong thun 2015.

#/ Mesup harei 27/7, Giáo hội Phật giáo Việt Nam tỉnh Quảng Trị pambuak bruk song Liên hiệp Khoa học peih đại lễ cầu siêu dom anh hùng liệt sỹ song likau ka bhap bini siam mekre di baha Cam Lộ, huyện Cam Lộ, tỉnh Quảng Trị. Danak dak rah tabiak rilo bruk hu makna yau raok bát hương Tam Bảo thờ Phật, peih adat triệu thỉnh song hồi hướng tâm linh dom anh hùng liệt sỹ song urang hu buh pren yava ka taneh ia. Jeng dalam mbang ni, Mban peih bruk hu jao 74 pok pandap ka dom amaik VNAH, urang dahlau deih ngak bol lin song boh sang hu buh pren yava ka CN  di tỉnh Quảng Trị

# Tỉnh Quảng Ngãi urak ini hu labaih 50.000 urang hu buh pren yava ka cách mạng daok hu mbang jien daong ưu đãi yaok bilan bayar brei abih tih jaik 72 tỷ đồng. Meng kadung jien sarak karja saong XH hóa, yaok thun jaik 25.000 urang hu buh pren yava ka cách mạng saong gauk gar dalam tỉnh hu iek glang pren yava ngan saong yaom jien 30 tỷ đồng. Tal urak ini, labaih 90% baoh sang urang hu buh pren yava ka cách mạng dalam tỉnh Quãng Ngãi hu rai diuk samu atau glaong jang rai diuk trung bình di bhap bini pak labik nan.

#/ Jit ruak pandiak tabiak darah dok rah tabiak khang di tỉnh Kon Tum. Tal harei 27/7, dalam tỉnh hu jiak 1400 urang ruak pandiak tabiak darah dalam nan dom huyện Đăk Tô jiak 500 mbang, Đăk Hà labaih 400 mbang, Đăk Glei 133 mbang, ban sit Kon Tum 264 mbang… Huyện Đăk Hà hu 2 urang metai. Tui pasak Y tế dự phòng,  dalam tỉnh hu 141 sruh jit ruak. Jit ruak dok rah tabiak khang min urang dok takik sangka pacang caga jit. 

Patui di ni dom khau tin dunya:

#/ Harei 27/7, di trụ sở mintri pablei salih Campuchia hu rah tabiak bruk mbaoh tangin tame biên bản ghi nhớ peih ngak dự án ““drak pasa  kiểu mẫu tapen negar Campuchia” di Thứ trưởng mintri pablei salih Việt Nam Nguyễn Cẩm Tú song Quốc vụ khanh Bộ Thương Mại Campuchia Mao Thora. Bruk ngak di dự án lac piah dong palagaih ka 2 tỉnh tapen negar Tây Ninh song Tbaung Khmum peih prong bruk pablei salih nao mai, padang jalan phân phối, xuất nhập khẩu,  dong  chuyển dịch cơ cấu kinh tế, patagok rai duik ka bhap bini di labik jiak  jalan tapen di 2 tỉnh 

# Melam 27/7, nyaom darak parang iek – parang tabiak dom pandap công nghiệp palei pala bhum gah meraong (mbang V thun 2016) hu peih tabiak di ban sit Thủ Dầu Một, tỉnh Bình Dương. Nyaom drak kayua mintri công thương pambuak saong tỉnh Bình Dương peih tabiak meng harei 27/7 tal harei 2/8/2016. Nyaom darak pachreih hu labaih 350 gian hàng di labaih 80 đơn vị, doanh nghiệp di dom tỉnh ban gah meraong saong 5 tỉnh Tây Nguyên hu mbaok tame yaih khan ralo janih pandap yau: pajaih phun pala, thủ công mỹ nghệ; palei ngak meng kan; jamriah; thiết bị duh ka bruk ngak nông, lương thực thực phẩm; kaya nông.

Patui di ni dom khau tin dunya:

#/ Harei 27/7, di trụ sở mintri pablei salih Campuchia hu rah tabiak bruk mbaoh tangin tame biên bản ghi nhớ peih ngak dự án ““drak pasa  kiểu mẫu tapen negar Campuchia” di Thứ trưởng mintri pablei salih Việt Nam Nguyễn Cẩm Tú song Quốc vụ khanh Bộ Thương Mại Campuchia Mao Thora. Bruk ngak di dự án lac piah dong palagaih ka 2 tỉnh tapen negar Tây Ninh song Tbaung Khmum peih prong bruk pablei salih nao mai, padang jalan phân phối, xuất nhập khẩu,  dong  chuyển dịch cơ cấu kinh tế, patagok rai duik ka bhap bini di labik jiak  jalan tapen di 2 tỉnh 

# Harei 27/7, UB châu Âu (ieu lac EC) brei thau oh ba hukum ngân sách biak catang kateik greik tagok Tây Ban Nha saong Bồ Đào Nha hadei di tuk dua taneh ia ini caik brei thâm hụt kadung jien glaong jang tanut quy định di liên minh châu Âu. Tui phaok akaok EC Valdis Dombrovskis, 28 taneh ia di EU njauk gauk klak trừng phạt dua taneh ia nan kayua huac lac meyah ba tabiak dak ngak brei tagok hatai sahneng pacang EC daok patagok hadei di tuk Anh buh phiếu tabiak truh liên minh ini Di bilan dahlau.

#/ Dalam tuk jit ruak Zika dok rah tabiak di Châu Mỹ, dom urang ilamu kuhria lac meda hu 93,4 triệu njom mbak janih vi rút kan kandah ni dahlau di tuk jit abih. Ni lac KQ roh duah bahrau di abih piah caga ka bruk njom mbak ruak Zika, kayua dom urang ilamu Mỹ, Anh song Thụy Điển peih ngak song pathau khan di tạp chí Nature Microbiolog. Dom urang ilamu meda pandar dữ liệu khik piah meng dom janih ruak hu asar vi rút pandiak katam klik song Zika yau pandiak tabiak darah Dengue song ruak  Chikungunya. Lingiu di nan, dom urang roh duah hu pataom veik dom dữ liệu phân tích mẫu di dom urang ruak njom vi rút Zika piah kuhria mboh dahlau tỷ lệ njom mbak daok di tanut puk palei./.