1/ # Melam27/8,   Ủy ban bhap bini tỉnh Đắk Lắk peih danak dak  nghệ thuật “Kadha doh anit ranam” salam uan thun pambuak talei rohim Việt nam – Campuchia, Việt Nam – Lào. Tuk vak tapa, tỉnh Đắk Lắk  song tỉnh Mondunkiri (Campuchia) hu sangka padang talei  pambuak bruk di taong abih gah. Đắk Lắk  jeng hu rik dong tame talei rohim Việt – Lào tapa pambuak rilo bruk kinh tế, pato pakai, song ilamu.

2/ # Mintri pato megru hu harak payua tal  Ủy ban bhap bini dom tỉnh, ban, dom cơ sở pato pakai đại học song pato pakai nghề nghiệp công lập hu panuac pathau khan, sinya patui ngak dịch vụ pato pakai thun bac 2017-2018. Dahlau di nan, rajaei hu njauk hatai peih ngak sarak  brei saoh ka bruk pato  mầm non ka uranaih umo  5 thun di bhum hu  điều kiện kinh tế - xã hội biak kan kandah meng thun bac 2018, pat5run bruk klak bac.

3/ # Urak ni , rilo dom  hợp tác xã  di tỉnh Ninh Thuận hadei di tuk salih  mô hình ngak bruk tui Hukum Hợp tác xã 2012 ye daok yếu gah menuac ngak tal phun jien.  Dom Hợp tác xã ni ngak bruk oh kein laba dalam rilo thun, nan ye sraiy mek veik bhian praong jang jien sraiy njauk  bayar. Kayua yau nan ye, dom hợp tác xã ni  oh  ngak hu adat phá sản piah salih tapa hợp tác xã bahrau.

4/. # Mesup 27/8, labaih  200 boh sang urang Chăm di  xã Phan Hòa, huyện Bắc Bình, tỉnh Bình Thuận taduan pandap meng Ban công tác Thanh niên Công an tỉnh Bình Thuận.  200 pok pandap dalam nan hu , brah, mì tôm, menyek mbang, hu jao tal tangin dom boh sang kathaot, sang dalam sarak karja. Kapul hu jao 152 pok pandap ka dom anek saih kathaot song  15 pok jien bac  ka anek saih kan bac megru naih joi. Yaok pok pandap hu yaom 1 triệu đồng.

5/ # Sở Y tế tỉnh Lâm Đồng hu tacei pato thanh tra di drei pambuak bruk tui iek, ngak cambaih laih makna sa urang kamei metain metai tuk ndik tapui anek di pasak  y tế huyện Đơn Dương. Tui urang di sang urang kamei metain nan , Pasak  y tế Đơn Dương  hu trách nhiệm ka bruk ni. Kayua tuk mboh urang kamei nan kan ndik tapui, boh sang hu panuac ieu brei lac mek anek kama chip, min  sang iek ruak oh lac. Patui di nan tuk mboh pren yava di urang kamei nan biak yếu, mboh biak jhak, Pasak  y tế huyện Đơn Dương oh brei chuyển viện njauk tuk.

6/ # Sở Y tế ban raya Hồ Chí Minh pambuak bruk  haong Sở Tài nguyên  Môi trường song Thành Đoàn bahrau tabiak “Chiến dịch pametai lăng quăng pacang caga pandiak tabiak darahl, piah patrun urang ruak pandiak tabiak darah di  ban raya.  Bruk nan hu rilo kapul nyaom peih ngak, pataom tame pametai  lăng quăng di dom khu phố, jang yau patagok bruk pathau khan mai tal dom boh sang  jak ba urang pametai lăng quăng, puh ramik hacih saat môi trường klak dom labik mbuan hu jit,  dom labik  điểm nóng môi trường, tui iek dom janih mbuan si tamuh karei… Bruk ni hu dui atah tal  Tết Nguyên đán 2018.

7/ # Kapul  pachreih bac tỉnh Trà Vinh bahrau jao pok jien ka anek saih Trung học cơ sở song  Trung học phổ thông dalam sarak sang kan kathaot, yam tapa kan kandah bac daa naih joi. Hu 350 anek saih hu jao pok jien bac dalam mbang ni  , yaok pok yaom 2 triệu đồng.

Patui di ni dom khau tin dunya:

8/ # Đại sứ quán Việt Nam song  Đại sứ quán Lào di Prang hu peih bruk ndom nyai nao mai pahadar  55 thun harei padang ngak talei rohim ngoại giao song 40 thun harei mbaoh tangin tame Hiệp ước Hữu nghị song pambuak bruk  Việt-Lào. 

9/ # Australia bahrau brei thau adat nhập khẩu boh thanh long  di Việt Nam tame darak pasa negar ni hadei di  2 janih  vải song paoak. Urak ni,  Việt Nam negar camereip hu brei adat  pablei thanh long that tame Australia.

10 # Akaok mintri Môi trường Trung Quốc Lý Cán Kiệt hu panuac ieu pambuak bruk kajap jang  di Trung Quốc, Hàn Quốc song Nhật Bản ka bruk patagok chất lượng không khí. 3 negar Đông Bắc Á dom thun jiak di ni hu dom danak dak peih ngak biak siam, pacang cakak ô nhiễm không khí song ribuk cuah.