1/ Melam harei 27/9, di ban Vị Thanh, Thủ tướng Nguyễn Xuân Phúc dang akaok song dom urang pan akaok dom mintri, dom gah ngak bruk song urang pan akaok di tỉnh Hậu Giang. Thủ tướng hu panuac tacei tỉnh iek tui bruk  quy hoạch tong abih bhum taneran krong Cửu Long, ngak pasiam bruk quy hoạch pandar taneh, abih di nyu nan lac  taneh padai, phun mbang boh, rong pala kaya ikan, tagok siam lagaih bruk pandar taneh song ia taba, nyaih bruk padang ngak ia ngầm ngak glut jaleih, abih di nyu nan lac di tỉnh hu taneh beir yau Hậu Giang.

2/ Cục khik iek ruak (mintri Y tế) saong Tạp chí Y khoa Anh quốc (BMJ) barau pambuak bruk peih nyaom meyai salih barau dom jalan pato di Tạp chí Y khoa Anh quốc ka bruk iek ruak Việt Nam. Di nyaom meyai, Cục khik iek ruak saong Tạp chí Y học Vương quốc Anh (BMJ) hu khan brei thau danak dak pasram megru daong bruk lâm sàng piah pasiam bruk duah mboh, chẩn đoán saong pasang iek dom ruak njom mbak di VN.

3/ Tui mintri Y tế,  ruak gala dok tagok glong veik song urang metai dang akaok dom jit ruak njom mbak. Oh lac khat lihik ka menuac urang, jien buh tabiak ka bruk klauk vắc xin pacang caga ruak galal ka urang njauk saw kaik tagok tal  300 tỷ đồng yaok thun.

          4/ Harei 27/9, sang iek ruak đa khoa dunya Vinmec Đà Nẵng hu ba tem pandar. Sang iek ruak đa khoa dunya Vinmec Đà Nẵng ngak abih labaih 1.200 tỷ đồng, hu 222 gaiy ndih iek ruak, pabak bruk duh yaok ribau mbang iek ruak yaok thun. 

5/  Harei  27/9, Sở ilamu, thể thao song du lịch tỉnh Sơn La peih  “Harei pataom pakacah mbang huak bangsa tỉnh Sơn La thun2017”.Ong Trần Tân Phong, Phó giám đốc Sở ilamu, thể thao song du lịch tỉnh Sơn La, Phó Trưởng ban peih bruk brei thau:

: (Bruk karei di mbang ni lac pataom hu tong abih dom  nhà hàng, dom  nghệ nhân hu angan je di abih dalam tỉnh piah hu mbaok tame harei pataom pakacah ni, song abih di nyu nan lac hu palih ruah tabiak sa kapul pakacah naih gheih abih di tỉnh Sơn La piah hu mbaok.

6/ Tui pasak y tế dự phòng ban sit Biên Hòa, tỉnh Đồng Nai, hadei di dua thun peih bruk tut angan tame klauk jru peih praong tapa phon pan tangin di ban sit Biên Hòa, tal urak ini hu jaik 80% bhap bini tut angan klauk jru ka anek tapa phon pan tangin.

7/  Pagam tal mbang khuah gilang jru khik caga phun pala Trường Sơn di ong Nguyễn Dân Long, di xã An Hữu, huyện Cái Bè, tỉnh Tiền Giang, urak ni, bruk nerak tachuak  môi trường oh ka hu pasiam veik. Jiak  1.000 anek saih sang bac mầm non, tiểu học xã An Hữu njauk padeih bac tal abih adit ni.

Patui di ini dom khau tin dunya:

8/ Tổng thống Mỹ Đô-nan Trăm harei kabroi 27/9 brei thau paok jien salih barau je praong abih dalam 30 thun tapa di taneh ia ini, dalam nan đề xuất cakak trun je ka ralo bhap bini Mỹ.   

9/  Dom hãng kapan haoh di Thổ Nhĩ Kỳ, Li-băng, Ai Cập, Gióoc-đa-ni song  Các Tiểu vương quốc A-rập Thống nhất (UAE) harei 27/9 khan lac brei padeih dom mbang par nao song tal labik urang Cuốc (Kurd) di gah barak I-rắc, hadei id tuk karja I-rắc ndom lac brei padeih dom mbang  par di dunya tal song nao meng mblang kapan haoh di A-bin (Arbil) song ban  Su-lai-ma-ni-a (Sulaimaniyah) di labik  urang Cuốc meng harei  29/9 mbiah tal tuk rajaei I-rắc meblah bhu bruk pasang iek dom mblang kapan haoh ni .

10/ Pasak An toàn pandap mbang (CFS) di Khu Hành chính đặc biệt Hồng Kông (Trung Quốc) barau patabiak lệnh oh brei blei  ralo menuk ada saong baoh di tỉnh Men Ê Loa, di bhum Pay đờ la Loa di Prang./.