#/ Patui mbang nyaom ka s, QH mbang 14, harei ni 29/7, dom urang QH ginum biai ka bruk patagok KTXH song kadung jien karja 6 bilan akaok thun ni, dom jalan ngak patagok KTXH song kadung jien karja 6 bilan puac thun.

# Melam kabroi 29/7, akaok QH Nguyễn Thị Kim Ngân, Thủ tướng rajaei  Nguyễn Xuân Phúc saong dom urang dang akaok Đảng,karja hu taom gaok 86 urang QH mbang XIV lac urang bangsa takik. Akaok QH Nguyễn Thị Kim Ngân ndom lac, dalam dom thun tapa, Đảng saong karja drei hu peih ngak ralo sarak patagok taong abih gah saong daong ba piah dom bangsa takik yam tagok, patagok pren khang, jum pataom, kham merat dak padang palei negar kaya meda siam mekre. Akaok QH caong khin dom urang QH lac urang bangsa takik brei paglaong trách nhiệm, kham merat hu mbaok tame padang sarak, kham merat ngak salah bruk di urang lambaok bhap bini.

#/ Harei 28/7/2016, javap jalei panuac tangi sua di urang vak brei thau phản ứng di VN anak khau tin, meng bloh sa urang ngak praong Đài Loan tabiak labik Ba Bình di palao Trường Sa di VN. Urang brei panuac di mintri Ngoại giao VN Lê Hải Bình ndom lac “ VN khẳng định chủ quyền oh tranh cãi ngan song 2 palao Hoàng Sa  song Trường Sa. Dom bruk ngak di negar langiu di dom labik ni bo oh hu VN brei adat jeng lac suan hukum. VN khang hatai phản đối song hu panuac ieu gah Đài Loan oh ngak veik dom bruk yau nan, rik dong khik ramik talei rohim siam merkre, tani tanat di Biển đông.

#/ Kayua  riibuk ka 1, rilo labik dalam tỉnh Lào Cai hu hajan khang. Ngin ribuk di dua huyện Mường Khương saong Bảo Thắng ngak ka 160 sang bhap bini khut, tayah. Di Mường Khương njauk trak abih ngan saong jaik 50% dom baoh sang bhap bini par tabung taong abih. Langiu di nan, ngin ngak jaleih phun kayau ngak ka 3 duk bac di sang bac tiểu học ka 1 ban sit Mường Khương saong pabah mbang tame sang bac mầm non ban sit Mường Khương  khut jaleih. Dom puk palei oh hu thei metai. Hadei di tuk bala rah tabiak, UB bhap bini dua huyện Mường Khương saong Bảo Thắng di tỉnh Lào Cai hu mbaok pak di labik nan, ieu pataom dom gah pasiam bala, peih bruk panduan ba bhap bini nao tal labik siam mekre.

#/ Harei 28/7, Sở pato megar tỉnh Kiên Giang peih bruk caik rup patau  aruah Thủ tướng Võ Văn Kiệt di mblang bein sang bac hu angan aruah Thủ tướng. Sang bac Trung học phổ thông Võ Văn Kiệt hu padang di angaok taneh prong labaih 2 ha, dok di Khu đô thị lih tabiak tasik Phú Cường, ban  Rạch Giá, tỉnh Kiên Giang ngan song phun jien padang ngak 109 tỷ đồng meng xã hội hóa. Lac sang bac praong abih di tỉnh Kiên Giang, taduan hu 1.500 anek saih  di khối THCS song THPT, sang bac ni hu 45 balik bac lý thuyết, 8 balik bac chuyên môm, balik thực hành thí nghiệm, khu ký túc xá song sang thể thao đa năng. Meng cơ sở vật chất siam mekre, mek hu tanut pakat negar, gru pato hu rilo ilamu, sang bac kham merat jeng labik pato megru hệ trung học phổ thông chất lượng glong di tỉnh song khu vực”.

#/ Cục khik iek merak gauk, mintri công thương barau tabiak quyết định taong phạt dua doanh nghiệp ngak suan bruk pablei pandap đa cấp, ngan saong yaom taong phạt abih tih jaik 1 tỷ đồng. Cambaih laih nan lac, taong phạt công ty Cổ phần Japan Life Việt Nam 410 triệu đồng saong Công ty TNHH Absonutrix Việt Nam  460 triệu đồng. Dahlau di nan, cục khik iek merak gauk jeng hu taong phạt cty cổ phần đầu tư sản xuất saong pablei salih MLM VN 350 triệu đồng, kayua ngak suan hukum khik iek bruk pablei pandap đa cấp.

#/ Đội tuyển kamei Việt Nam hu  tame  bán kết giải chaoh blong kamei Vô địch Đông Nam Á 2016 hadei di 2 mbang dit mbang di vòng đấu bảng. Hadei di tuk mbang  14-0 anak Singapore dalam mbang ra quân, đội tuyển kamei Việt Nam  mbuan si yam tapa Philippines di angaok sân vận động Mandalarthiri (Mandalay, Myanmar). Ngan song 2 mbang janeh, dom anek saih di HLV Mai Đức Chung meda yam tame bán kết tuk hu dalam tangin 6 điểm song mbang puac di abih taom Thái Lan di harei 30/7 hu makna lac phân định kapul dang akaok.

Patui di ini dom khau tin dunya:

#/ Takik di abih 64 urang metai saong ralo urang karei lahik kayua ribuk ia sua saong kaleih haluk hadei di dom mbang hajan khang di Nê-pan, ngak ka yaok ribau urang njauk panduan nao labik karei. Pi-út-than daok dalam 14 huyện gaok kan kandah khang abih kayua ia sua di Nê-pan, labik hu tal 36 urang metai kayua ia sua saong jaleih haluk. Ia di kraong Xáp-ta-cô-si tagok glaong abih di thun ini hadei di 10 harei hu hajan gam gam. Abih tih 34 baoh sang kating dalam ia di huyện Na-oan-pa-ra-xi kayua ia kraong tagok glaong. Jaik 6 ribau urang daok dalam nguy hiểm.

# Malaysia dok sahneng kuhria ba tabiak dom jalan ngak khang yau di Indonesia dalam bruk xử lý tong chap klaik kaya ikan, piah khik caga tasik ka urang tong ikan negar song patrun yaom kaya ikan dalam nega. Harei 28/7., Akaok mintri ngak nong song công nghiệp chế biến Malaysia Ahmad Shabery Cheek ndom lac dom jalan ngak khang di Indonesia hu rik dong ngak patrun bruk tong chap song patrun yaom kaya ikan.

# Kein laba quý II/2016 di Facebook daok patagok khang tuk urang pandar mạng XH praong abih dunya tagok tal 1,7 tỷ urang. Cambaih laih nan lac, kein laba di hãng dalam quý tamat di harei 30/6 meng bloh lac 2,05 tỷ USD, ralo jang 186% duk saong thun dahlau. Abih tih jien mek tame dalam quý tagok 59%  tal tanut 6,4 tỷ USD, glaong jang ralo duk saong tanut 4,4 tỷ USD duk saong thun 2015./