1/ Harei ni 29/9, di Hà Nội, Ủy ban ka dom bruk xã hội di Quốc hội peih nyaom biai mbang ka 7. Di nyaom biai ni, dom urang  di Ủy ban  peih bruk pasang iek dom pathau khan di rajaei ka bruk khik ramik, pandar kadung jien  bảo hiểm y tế thun 2016; bruk ngak hu song khik ramik, pandar kadung jien pacang caga kanjah jhak di hala pakao  thun 2016-2017…

2/ TƯ Hội Chữ thập đỏ Việt Nam barau pambuak saong Hội Chữ thập đỏ Mỹ peih nyaom meyai ba tabiak Dự án “Patagok pren pacang cakak bala di bhum kreih negar VN” mbang 2 (meng bilan 7/2017 tal bilan 9/2018) kayua jabat patagok dunya Hoa Kỳ daong . Tui kuhria, hu labaih 37 ribau urang hu mbang tui tapak saong labaih 200 ribau urang mbang tui gián tiếp meng bruk ngak di dự án di puk palei.

3 / 178 xã oh dok lac xã oh siam ka bruk  an ninh trật tự. Ni lac khau tin hu ba tabiak di nyaom biai pataom iek veik 6 thun peih ngak sarak pok brei song parabha Công an chính quy di xã oh siam ka bruk  an ninh, trật tự (2010-2016) kayua mintri Công an peih ngak dalam mesup harei 28/9 di Hà Nội. 

4/ Harei 28/9, di xã Hòa Thạnh, huyện Châu Thành, tỉnh Tây Ninh, ong Nguyễn Văn Nên, Bí thư Trung ương Đảng, Chánh Văn phòng Trung ương hu var taom gaok jaik 200 cử tri dahlau di nyaom meyai ka 4, Quốc hội mbang14. Cử tri caong khin mintri y tế tui iek kajap oh lui jru ja ba tame sang iek ruak atau pablei di darak pasar.

          5/  Sở Du lịch tỉnh Thừa Thiên- Huế bahrau taduan 15 thùng hareik thông minh, siam ka alam  môi trường kayua công ty Trách nhiệm hữu hạn Kinh doanh lốp radeih Bridgestone Việt Nam dong brei.  Thùng hareik  thông minh di Huế made neh rabha hareik, decal phản quang song meda pandar năng lượng ia harei piah pabak điện sạc pin điện thoại.

6/ Tui Chi cục kiểm lâm tỉnh Đắc Nông, 9 bilan tapa, dalam tỉnh hu  jaik 420 mbang ngak sung hukum khik caga saong patagok glai, ralo jang thun bloh jaik 100 mbang, lac tỉnh hu bruk lahik glai samar abih di bhum Nam trung bộ saong Tây Nguyên.

7/  Giải marathon dunya ban raya Hồ Chí Minh Techcombank thun 2017 hu rah tabiak harei  26/11 anak tal, tui kuhria hu labaih  6 ribau urang hu mbaok tame. Bruk ni piah rik dong padang jalan diukrai siam mekre, padang labik taom gaok ndom nyai nao mai,  ilamu thể thao ka tuai damuai dalam negar song di dunya tuk mai tal ban raya Hồ Chí Minh.

Patui di ini dom khau tin dunya:

8/ Harei 28/9, jabat an toàn hạt nhân Prang hu pandar công ty điện lực Prang kreik pabah mbang 4 lò phản ứng hạt nhân di tổ hợp hạt nhân dân sự Tri-cát-xtanh dalam tukvak samar di abih anak bruk mbuan dauk ia saong rò rỉ nhiên liệu hạt nhân meda rah tabiak.

9/  Mintri pablei salih Trung Quốc hu panuac pandar dom công ty atau công ty liên doanh di  Triều Tiên daok di negar ni kreik pambah mbang dalam  120 harei. Dom liên doanh di Trung Quốc haong  Triều Tiên di negar langiu jeng brei kreik pambah mbang.

10/ Biar harei 28/9, yaok rituh uranaih VN di ban ine Pra-ha (Cộng hòa Séc) saong dom bhum jaik taphia hu mboaok tame melam pataom ia bulan bak baoh, uan rok tết trung thu 2017. Ini lac tuk piah dom adei taom gaok, me-in dom kadha me-in saong duah thau ka halau gha, ilamu bangsa./.