1 # Di bal sit Liên Nghĩa, huyện Đức Trọng, tỉnh Lâm Đồng, Thủ tướng Nguyễn Xuân Phúc bahrau nao rivang mô hình pala njam hacih sa-at di Công ty TNHH Sản xuất - Thương mại Phong Thúy. Ini lac bruk ngak dahlau di tuk Thủ tướng dang tabiak peih ngak Nyaom biai jhul patagok doanh nghiệp buh jien tame ngak mbang gah ngak nong, palei pala dalam van page ini 30/7, di bal Đà Lạt. Dalam nyaom biai, Thủ tướng meda dang tabiak tacei pato peih talaih dom kan kandah, tavak tave piah jhul pakhang bruk đầu tư tame bruk ngak nong, dalam nan tui kuhria meda hu brei tapa sa Nghị quyết di Raja-ei ka bruk jhul patagok doanh nghiệp đầu tư tame gah ngak nong.

2 #  Gam gam mehit bruk bui sambai hu mai song Đội tuyển pakat negar  Việt Nam hu mbaok Pakacah Olympic Vật lý song Hóa HỌC dunya thun 2018 mek hu 3 huy chương meh, 4 huy chương pariak song  2 huy chương ban. Mintri pato megru brei thau, jak jeng di đội tuyển pakat negar Việt Nam di Olympic Vật lí song  Hóa học dunya thun ni tapa bruk lac taong abih thí sinh hu mbaok tame pakacah  mek hu  huy chương daok brei mboh jalan nao njauk di gah pato megru dalam bruk duah thau palih ruah song pasram megru ka anek saih joi. Jak jeng ni jeng brei mboh bruk kham merat di dom anek saih, cei gru, anai gru patao pasram anek saih joi dalam tuk vak tapa   .

 3 # Page ini (30/7), sa  bala biak trak angaok jalan Roya 1A (canah labik nao tapa bal sit Vĩnh Điện, Thị xã Điện Bàn, tỉnh Quảng Nam) ngak ka 13 urang metai saong 4 urang njauk rambuis trak. Tui panuac khan tuk akaok mereip, tukvak nan, sruh radaih biển số 75B-000.52 nduac tui gah Quảng Trị tame Bình Định, tuk nao tal labik angaok nan ye ginuh tame sruh radaih container biển số 51D-411.21, katung tui rơ-mooc, nduac cagar veik. Ini lac sruh radaih sang chú rể daok di xã Hải Sơn, huyện Hải Lăng, tỉnh Quảng Trị tame Bình Định rước dâu. 

4 # Tui gah chức năng tỉnh Đồng Nai, dom sang rong  chim yến di tỉnh ni dok tagok Samar. Tapen kein laba kinh tế ye hu dom tavak tavaiy gah  quy định, chế tài pasang iek  ngak ka bruk raong yến tui hatai hu rilo, ba tal rilo kan kandah. Ong Trần Văn Quang, Chi cục trưởng Chi cục rong glang – Thú y tỉnh Đồng Nai brei thau

Băng 27s: Dahlau deih Mintri hu ba tabiak thông tư 35 quy định tạm thời ka bruk khik ramik rong chim yến, hu quy định rong ye brei tut angan tame song karja palei. Ka 2 lac tabiak sap ieu meng 6 tuk mesup tal 22 tuk melam ngan song  cường độ oh tapa  70 deciben. Urak ni, nghị định 66 urang klaak bruk nan ngak ka bruk khik ramik gaok kan kandah. Meyah  klaak  quy định tuk vak tabiak  sap ieu ye urang tabiak sap luac harei melam, oh joa lange hu bo oh hu sarak quy định halei piah pasiam bruk ni

5 # Kayua aia sua mai Avan nan ye ralo mblang taneh ngak padai di dom xã bhum biar di huyện Vĩnh Hưng, tỉnh Long An daok anak bruk aia dauk. Urak ini, hu dom labik mbaok aia langiu ar pacang ndik glaong samu haong akaok padai. Piah daong ka phun padai, mikva daok kham merat pasiam veik, beik glaong ar pacang, caik jamraik njuk aia tabiak. Ini lac jalan ngak anak meda, kayua lac hadei di tuk njuk mek aia sa tukvak, aia meda ndik glaong yau klak. Bilan hè thu 2018, Vĩnh Hưng pala drak jaik 28.600ha padai. Tal tukvak ini, Vĩnh Hưng tok bahrau yuak hu jaik  1.200ha, daok veik nan daok dalam vaktu sraoh saong tasak.

Patui di ni dom khau tin dunya

 6   # Đảng Bhap bini Campuchia (CPP) di  Thủ tướng Hút-xen mek hu rilo phiếu dalam mbang palih ruah urang ka quốc hội rah tabiak harei  29/7. bruk   bầu cử mbang ni  hu 20 đảng hu mbaok tame. Tui lịch trình, meyah oh hu khiếu kiện halei njauk peih peih bruk palih ruah veik. Ủy ban Bầu cử negar  Campuchia hu brei thau kết quả sơ bộ dalam harei  11/8 song kết quả chính thức dalam harei  15/8.

7 # Harei ini 30/7, Ma-lai-xi-a hu khan brei thau ka harak pathau khan puac abih saong ginup abih ka bruk lahik di sruh kapal haok MH370 di hãng hàng không Ma-lai-xi-a (Ma-lai-xi-a Airlines). Tui akaok Mentri Pajeng ba Ma-lai-xi-a An-thô-ni Lô-cơ Anthony Loke), dom harak pathau khan ini meda hu payua nao tal gauk gar di dom urang njauk bala dalam mbang họp báo kandauk rah tabiak di Mentri Pajeng ba dalam page ini. Biar harei meda rah tabiak van họp báo công khai.

          8 # Takik di abih  24 uranng njauk rambuac  tuk sa ribuk khang nao tapa gah pai Nhật Bản di harei 29/7. Dom urang gaok bala njauk rambuac rilo meng lac kayua dom mbang gaok bala pagam tal raiyah prong hangin khang. Kayua mbanb ribuk salih  nao tapa gah pai, dom labik mbuan si rah tabiak bala Jeng dok dalam  báo động glong tuk jabat langik tasik hu panuac lac  mbuan hu ia sua song glut jaleih taneh, ribuuk song hangin khang. Hadei di tuk nao tapa gah pai Nhật Bản, ribuk nyu trun pren khang song tuh tame palao Kiu-su (Kyushu), di gah merong  Nhật Bản./.