#/ Hội đồng pasang iek khik caga chất lượng đầu vào ( dok ieu lac điểm sàn) di mintri pato megar hu peih mbang nyom brei thau điểm sàn Đại học, Cao đẳng 2016.Tui nan, Hội đồng ba tabiak tanut khik  caga chất lượng đầu vào palih ruah ĐH chính quy thun 2016  lac 15 điểm ka tong abih dom tổ hợp. piah palagaih ka thí sinh ngak krein song bruk tut angan tame palih ruah tapak, meng beir harei 28/7 tal 17 tuk harei 31/7, Mintri pato megru brei adat ka dom thí sinh ngak iek bruk tut angan tapak di blah http://thisinh.thithptquocgia.edu.vn.

# Urak ini, dalam xã Vạn Ninh, huyện Quảng Ninh, tỉnh Quảng Bình hu jit tả pabui saong phó thương hàn angaok pabui. Tui nan, hu jaik 100 drei pabui metai kayua jit ruak dalam dom harei tapa saong urak ini jeng daok 26 drei pabui daok njauk ruak. Dalam tuk pabui metai ralo, bhap bini oh khan ka karja palei saong urang jakar y tế thau piah pataom mek, langyah bo klak di mblang hamu gah anak palei ngak ô nhiễm môi trường saong mbuan tamuh jit ruak. Urak ini, chi cục Thú y Quảng Bình hu tacei pato gah thú y cơ sở saong UB bhap bini xã Vạn Ninh peih bruk pataom mek ba nao am cuh klak dom drei pabui metai; pruh hóa chất, cu tapung piah pametai  palahik anek ruak.

#/ Urak ni di Đắk Lắk song Tây Nguyên, yaom am riak kalu asar dang di tanut glong jang rilo mbang dut song dom janih kaya nong karei dalam tỉnh lac 164.000 đồng/ sa kg song tani tanat, nan ye urang oh caik hatai tal panuac kakei di dom gah chức năng, peih prong taneh pala am riak kalu dalam bilan hajan thun ni. Tui tong yaom di sở ngak nong song patagok palei pala Đak Lak, urak ni, taneh phun am riak kalu di ĐaK Lak dok tagok yaok harei, song taneh tagok jang 4 mbang dut song quy hoạch tal thun 2015

# Tỉnh Phú Yên daok peih ngak dự án pala 1.454 ha glai kinh tế di dom xã bhum glaong Phú Mỡ, Xuân Lãnh saong Xuân Quang 1 di huyện bhum ceik Đồng Xuân. Abih tih yaom jien đầu tư labaih 65 tỷ đồng, tui kuhria hu ngak salah bloh di thun 2020 piah dak padang, patagok khang kajap saong paglaong độ che phủ glai, patakik bala meng tangik tasik, pacang biến đổi khí hậu. Taphia di nan, dự án daok pamaong tal bruk pandar, khai thác hu kein lagaih, njauk mục đích taneh lâm nghiệp, rik daong jhul patagok kinh tế, ba bruk ngak, patagok jien mek tame, tani tanat saong paglaong rai diuk mbang ngui daok dang ka bhap bini bhum ceik.

#/ Urak ni yaom blei ikan pra di bhum taneran krong CL dok patrun, tui kuhria 19.000 đồng/kg, beir jang labaih 2.271 đồng/kg dut song tuk vak ni thun dahlau song patrun 150 đồng sa kg dut song adit dahlau. Tui panuac khan di dom puk palei brei thau, yaom ikan pra oh meda tagok dalam dom adit tal. Tui panuac khan di dom DN, darak pasa xuất khẩu ikan pra hu pasiam veik meng bilan 10 tagok, tuk dom blei tame kuhria caga pandap piah khik piah ka bilan đông song pabah ka dịp lễ Noel song Tết Dương lịch.Dok urak ni, dom DN song urang rong dok sản xuất song pablei salih cầm chùng

# Tui gah chuyên môn tỉnh Tiền Giang, di akaok bilan hajan thun ini, dalam tỉnh hu labaih 600 ha dalam abih tih jaik 5000 ha bein thanh long njauk ruak, ngak patrun năng suất, chất lượng baoh thanh long, ralo meng lac dom ruak: đốm nâu, thán thư, bruk dhar… Njauk caik hatai nan lac 2 janih ruak: đốm nâu saong bruk dhar oh ka hu jru pruh, tok di pacang cakak min. Piah khik caga bein phun thanh long, patakik jit ruak, gah chuyên môn hu patagok bruk pathau khan, tacei pato ka urang pala bein pandar dom jalan kỹ thuật pacang cakak jit ruak saong iek glang phun.

#/ Kapul urang dahlau deih ngak bol lin tỉnh Bình Phước bahrau jao 30 boh sang ka 30 hội viên kan kathaot, dalam nan hu 25 boh sang padang bahrau ngan song tong abih phun jien labaih 1 tỷ 200 triệu đồng. Taphia di nan, Kapul dok jak ba hu labaih 4 tỷ 126 triệu đồng ka kadung jien “ Dong gauk yam tapa kan kandah” tagok tong abih kadung jien labaih 54 tỷ 600 triệu đồng. Meng kadung jien ni, palagaih ka dom hội viên kan kathaot mesraiy jiak 6 tỷ đồng, piah tagok bruk ngak mbang, tani tanat rai duik. Ndom tal bruk dong gauk patruh kathaot . Ong Lê Đức Hùng – Phó Chủ tịch Kapul urang dahlau deih ngak bol lin tỉnh lac.

Jalan ngak di khol hulin ka sa lac pachreih ba dalam nội lực adei saai urang dahlau deih ngak bol lin. Meng bruk ngak yaok thun peih ngak bruk urang dahlau deih ngak bol lin ngak mbang pablei salih naih joi, meng nan padang dom kalup ngak mbang pablei salih naih joi di dom huyện thị. Meng bruk padang kalup ngak mbang pablei salih naih joi ni lac pren khang pachreih ba ka urang dahlau deih ngak bol lin

Patui di ni dom khau tin dunya:

# Tapa duah thau barau di abih, bhap bini Nga pachreih tui Tổng thống Vla-đi-mia Pu-tin dalam bilan 7 meng bloh tagok tal 82%. Oh lac hu bhap bini pachreih tui biak glaong, ong Pu tin daok hu 53% urang hu tangi sua palih ruah lac urang ngak praong njauk caik hatai  jia tui, yam tapa urang dang ka 2 lac akaok mintri QP Sôi gu 24%.

#/ Tập đoàn ngak kapan haoh dang akaok dunya Boeing di Mỹ khat abih 234 triệu USD dalam quý 2 meng bloh, hadei di tuk buh jien tabiak yaok tỷ USD ka 2 danak dak ngak kapan haoh phản lực pablei salih  bahrau di abih song ngak kapan haoh tiếp dầu quân sự. Ni jeng lac quý camereip Boeing njauk khat lihik dalam jiak 7 thun tapa, hadei di mbang thâm thủng 1 tỷ 600 triệu USD dalam quý 3 thun 2009.

 # / Akaok mintri iek gahh dom bruk Trung Đông saong Bắc Phi di Anh, ong Ên-uốt harei 28/7 hu panuac lên án bruk padang 323 đơn vị sang daok di I-xra-en di timur Giê-ru-xa-lem. Brei panuac di mbang họp báo, ong Ên-uốt ndom lac, dom bruk ngak di  I-xra-en brei mboh bruk peih praong khu định cư sung hukum saong palai pajoa drap ar di urang Pa-le-xtin.  Ong Ên-uốt ieu I-xra-en padeih taong abih dom bruk padang ngak khu định cư sung hukum./.