1/ Beir harei 29/8, Thủ tướng Nguyễn Xuân Phúc taduan ong Jon Gibbs, Phó Chủ tịch Tập đoàn ExxonMobil iek gah Châu Á - Thái Bình Dương song  Trung Đông. Pok meyaom ExxonMobil peih ngak dom danak dak pambuak bruk song  Tập đoàn Dầu khí Việt Nam (PVN), Thủ tướng ndom lac, rajaei Việt Nam daong pambuan palagaih ka ExxonMobil peih ngak hu siam dom dana kdak dự án pambuak bruk song Việt Nam.

2/ Phaok Thủ tướng Vương Đình Huệ barau hu panuac ka bruk dak padang jalan thông tin negar ka HTX. Phaok Thủ tướng pandar mintri jien padai ruah duah buk ba tabiak di mintri kế hoạch saong Đầu tư piah peih ngak tui quy định, piah patak pataom, kein lagaih saong thống nhất khik iek, khik kajap liên thông di harak gar tut angan HTX saong tut angan thuế hu pataom angaok cổng thông tin negar ka tut angan doanh nghiệp ; pathau khan thủ tướng rajaei dom bruk tapa thẩm quyền. 

3/ Kapul ngak bruk mban tacei jalan dom danak dak pakat negar kayua  Thứ trưởng mintri pato megru Phạm Mạnh Hùng pan akaok kapul hu var ngak bruk song ban Cần Thơ ka danak dak negar ka palei pala bahrau dom bilan akaok thun  2017 song jalan ngak di anak tal. Tong yaom glong dom bruk ngak bo ban Cần Thơ mek hu, kapul hu kakei ban tacei jalan dom danakdak negar ban brei jhul pakhang patagok bruk  sản xuất gam song gah ngak nong, tagok jien mek tame song chất lượng ilamu di bhap bini palei pala… 

4/ Tui pathau khan di Bảo hiểm xã hội Việt Nam, kuhria tui yaom jien mek tame saong quy luật thông thường dom thun cân đối hu kadung jien BHYT, yaom chi dalam 6 bilan bhian hu số chi sit jang 6 bilan puac thun, meblah jaik 47% abih tih kadung jien di thun. Yaom tăng chi đột biến di thun ini  ngak ka 59 puk palei hu số chi labaih 50% yaom hu jao. Meyah duk saong kadung jien hu pandar dalam meteh thun ini, yaom jien bội chi tagok tal labaih 6.300 tỉ đồng.  

5/ Kapul pasang iek  liên ngành 389 tỉnh Đak Lak bahrau brei thau bruk dut iek mẫu khak hữu cơ vi sinh  di Công ty Cổ phần phân hữu cơ Humic- Quảng Ngãi hadei di bruk bein amriak kalu di sang ong Ma Văn Phú di xã Bình Thuận, ban sit Buôn Hồ jaruh hala, thu hala kayua buh khak ni. Pasak  dịch vụ phân tích ngak iek ban raya Hồ Chí Minh tapa dut iek brei mboh lac: Chất hữu cơ lac 28,5%, glong jang dut song panuac khan vak angaok bao bì; đạm 3,47%, hu beir jang dut song panuac khan angaok bao bì. Taeng bruk thu hala am riak kalu, tal tuk vak ni oh thau kayua makna halei.

6/ Harei kabroi 29/8, Trung đoàn 710, Binh đoàn 15, mintri Quốc phòng peih bruk alin brei 2 tấn meteh brah cang bilan yuak kuak ka 250 baoh sang bhap bini di dua xã Ia Piơr, Ia Mơr, huyện taphia negar Chư Prông- Gia Lai, yaok baoh sang 10kg. jeng dalam harei, Bệnh xá Quân dân y pambuak saong Trung đoàn 710 peih bruk iek ruak saong brei jru saoh ka jaik 500 bhap bini di dua xã ini. Pamaong tal harei Quốc khánh 2/9, dom  đơn vị di Binh đoàn 15, mintri quốc phòng hu ralo danak dak an sinh xã hội hu makna di taphia negar dua tỉnh Gia Lai saong Kon Tum. Dalam nan, yaok rituh tấn brah hu ba tal tangin urang kan kathaot saong yaok ribau mbang mikva hu iek ruak brei jru saoh.

7/ Beir harei 29/8, tỉnh Bến Tre peih mbaok “Adit ilamu - Du lịch tỉnh Bến Tre mbang ka II. Kadha praong di adit ni lac Nyaom darak pasa  Du lịch – mbang huak song pablei salih tỉnh. Nyaom darak pasa hu jiak 300 gian hàng parang iek, yaih khan pandap du lịch; parang iek, ngak dom janih pandap mbang meng kan di bhum krong ribong  gah Tây Nam Bộ song dom janih pandap mbang meng kan  hu ngak meng li u Bến Tre; peih dom janih main kadha bhap bini, danak dak parang iek  nghệ thuật

Patui di ini dom khau tin dunya:

8/ Dalam mbang họp báo yaok thun hu peih tabiak di Bắc Kinh barau ini, anak bruk caong ba tabiak panuac ka bruk  dunya phản đối bruk TT cuh tên lửa, tên lửa đạn đạo tầm trung nan nyu suan  khang sarak di Hội đồng bảo an Liên hợp quốc.

9/ Ribuk Ha-vây tuh tame gah merong negar  Mỹ ngak ka ban Hau-xtơn prong abih di bang Tếch-dát dauk dalam ia. Ni hu mong lac ribuk khang di abih dalam 12 thun ni mai, tuh tame negar Mỹ, meng hadei di dom mbang ribuk  Ka-tri-na song Uyn-ma tuh tame bang Phlo-ri-đa thun 2005.  

10/ Karja A-rập Xê-út brei thau, taong abih nguồn lực halan hatian piah taduan rok tuai damuai mai Méc-ca dalam mbang ngak haji thun ini meng harei 31/8. Dom labik y tế, pasak dịch vụ khẩn cấp hu patagok  lực lượng piah khik kajap an toàn dalam bilan nao ngak haji thun ini./.