1/ # Danak dak pasiam veik gah ngak nong ban Quảng Ngãi tui jalan paglaong  giá trị gia tăng song patagok khang kajap tuk vak  2015 - 2020 gam song danka dak bruk ngak negar padang ngak palei pala bahrau hu ba mai siam lagaih prong. Yaok ribau urang nong dalam tỉnh duah hu jien glong meng salih janih phun pala, pala njam hacih saat. 

2/ Uỷ ban bhap bini tỉnh Trà Vinh barau mbaoh tangin brei adat ngak  Đề án peih ngak sarak đặc thù daong patagok kinh tế - xã hội bhum bangsa takik tukvak 2017 – 2020 di tỉnh ngan saong yaom jien abih tih labaih 458,00 tỷ đồng, dalam nan, kadung jien trung ương daong jaik 63 tỷ đồng, phun jien mesraiy gilang pariak sarak karja jaik 390 tỷ đồng, yaom jien daok veik kayua kadung jien karja tỉnh đối ứng.

3/ # Meng dom thun 1950, dom nghệ nhân ngak lồng đèn di Bác Cổ song Báo Đáp (Nam Định) ba gauk tame gah merong daok, padang tabiak palei ngak lồng đèn Phú Bình di phường 5, quận 11, ban raya Hồ Chí Minh. Urak ni palei ngak hu jiak 10 boh sang ngak  lồng đèn meng kan, yaok thun pablei tabiak darak pasa dom lồng đèn di tuk Trung Thu. Ni lac  labik duy nhất dok khik hu dom ilamu bangsa  tapa boh lồng đèn meng baar camin rilo sambo màu. 

4/ Palei ngak ikan thu, mực di ban sit Sông Đốc, huyện Trần Văn Thời, tỉnh Cà Mau hu meng lavik rai. Tal urak ini, palei ngak dak harei dak chreih chrai kayua pablei hu biak rilo, ba jien tame tani tanat ka mikva saong jeng ba ralo bruk ngak ka dom urang ngak daok ralo puk palei mai tal ini.

5/ # Dom harei bilan 9, anek saih bahrau tame bac jeng lac tuk jit ruak tangin takai cambuai rah tabiak song tui kuhira meda tagok jeng tabung jit dalam dom bilan 9, 10, 11. Yau nan ye, pacang caga jit ruak song pathau khan ka menuac urang paglaong akaok sahaneng khik caga uranaih lac dom bruk ngak njauk brei ngak chip di dom pakat, dom gah di negar drei urak ni.

6/ Di xã Tân Đông, Uỷ ban bhap bini huyện Tân Châu, tỉnh Tây Ninh peih bruk alin hadaih 6 baoh sang anit ranam ka dom sang sarak karja dalam huyện. Yaom jien padang ngak yaok baoh sang lac 70 triệu đồng, kayua ban Hà Nội, Tập đoàn Bảo Việt, Tổng Công ty SCIC saong Công an tỉnh Tây Ninh daong.

7/ # 9 bilan tapa, Rayo papar sap papar binguk huyện Bù Đăng, tỉnh Bình Phước ngak hu 64 danka dak papar sap  S’tiêng song papar sap angaok dom loa rayo di huyện 140 mbang dalam 1.920 minite. Tapa danka dak papar sap S’tiêng hu dong paglaong akaok sahaneng, jhul bruk kinh tế - xã hội patagok, khik ramik song patagok sap ndom panuac puac di mik va S’tiêng di huyện Bù Đăng.

Patui di ini dom khau tin dunya:

8/ Hu takik abih 14 urang metai saong 8 urang njauk rambuah tuk sa kapul vũ trang cuh phao tame sa pasak cai nghiện di gah brak Mexico.

9/ # Tổng thống Mỹ Donald Trump hu panuac brei thau lac dom bruk ngak quân sự  di Mỹ ngak khat lihik trak ka Triều Tiên, min brei thau ni oh lac jalan ngak dahlau di Washington.

10/ Mintri y tế Campuchia barau brei thau jit ruak giun xoắn ngak 8 urang metai dalam tukvak sa adit di tỉnh Cam Pông Thôm./.