1/ # Patui danak dak ngak bruk, mesup harei ni 3/11 Quốc hội ginum biai di hội trường ka dự án hukum pasiam veik, pabak dom paka di hukum Jabat lambaok negar Cộng hòa Xã hội Chủ nghĩa Việt Nam di negar langiu song panG harak pathau khan, pasang iek ka bruk buh jien padang ngak dom canah jalan cao tốc  di jalan Bắc – Nam gah timun tuk vak 2017-2020.

2# Bair harei ini (3/11), Quốc hội caik 1 var piah ginum biai dự án hukum khik ramik sraiy công (ramik pasiam). Sa bruk praong hu sangka dalam dự thảo hukum lac bruk parabha dalam khik ramik karja ka sraiy công. Quy định yau habal piah pagam trách nhiệm ieu pataom, đầu tư jien meng khả năng bayan sraiy, plaih bruk chồng chéo dalam khik ramik sraiy công, abih di nyu nan lac dom paok sraiy taneh ia lingiu daok cadu, dalam nan hu mesraiy ODA. 

3# Pahadar 100  thun Cách mạng bilan 10 Nga (7/11/1917 - 7/11/2017), harei 2/11, di gilang tapuk Hà Nội rah tabiak bruk tabiak mbaok baoh mbaok tapuk  “negar Nga - jalan pamong tal harei hadei” di Nhà báo Hồ Quang Lợi, Phó Chủ tịch Thường trực Hội Nhà báo Việt Nam. Oh lac boh tapuk pataom dom tư liệu piah vak veik sajarah dak rai “negar Nga – jalan pamong tal harei hadei” lac dom kadha vak njauk di tuk rah tabiak dom kadha praong.

4# Ủy ban negar duah daong urang njauk bala brei thau, tal 16 tuk bair harei  2/11, bộ đội Biên phòng dom tỉnh, ban tapen tasik meng Quảng Bình tal Kiên Giang hu pambuak bruk saong karja puk palei, sang po kapal, thuyền trưởng khan brei thau saong tacei pato ka labaih 79 rabau kapal thau bruk rah tabiak, jalan nao  di  ribuk 12 piah paliah, tabiak truh atau oh nao tame libik jhak.

5/ # 3 urang metai kayua hajan ia sua dalam 2 harei tapa di dom tỉnh Nam Trung Bộ, dalam nan Quảng Nam 2  urang , Phú Yên 1 urang. Patui pasang iek bruk pacang caga hajan ia sua, ong Hoàng Văn Thắng, Thứ Trưởng mintri ngak nong song patagok palei pala, Phó Ban Thường trực Ban tacei jalan Trung ương ka bruk pacang caga bala meng langik tasik hu pandar dom puk palei samar hu jalan pacang caga áp thấp nhiệt đới meda  khang tagok jeng ribuk. 

 6# Chi cục Kiểm lâm tỉnh Bình Định barau khan tagok UB bhapnini tỉnh, Sở ngak nong saong patagok palei pala ka bruk pasang iek glai di tiểu khu 367, dalam xã Canh Thuận, huyện Vân Canh, dalam nan duah mboh labaih 40 ha glai gaok jah tak.

7/  # Urak ni, durieng di Tiền Giang pablei hu yaom labaih 70.000 đồng/kg song daok biak kurang durian piah pablei, sang bein hu liba glong. Bruk njauk caik hatai lac di dom bein dok di huyện Cai Lậy hu rah tabiak bruk paik boh durieng avar jang thời vụ meng 10-15 harei.  Bhian di nyu, phun durieng meng tuk tabiak bingu ginup 3 bilan hadei Meng paik boh. Min kayua kurang durian piah pablei, kayua kein liba, rilo thương lái pandar po bein paik avar piah jao ka dom doanh nghiệp blei nao pablei di negar lingiu.

Khaw tin dunya

8#  Tổng thống Mỹ Đô-nan Trăm (Donald Trump) harei 2/11 hu tacei  ông Giê-rôm Pâu-eo (Jerome Powell ), sa urang di Hội đồng Thống đốc gilang pariak khik piah Liên bang Mỹ (FED), ngak Chủ tịch FED salih ka amuk  Gia-nét Y-ê-len (Janet Yellen).

9/ # Dom harei tapa, truyền thông Thái Lan gam gam brei thau ka Nyaom biai pakat glong Diễn đàn Hợp tác Kinh tế châu Á-Thái Bình Dương (APEC) 2017 dalam nan paglong bruk di negar Việt Nam. Đà Nẵng hu mong lac pambah lamnge dane angan abih  di Việt Nam,  anak tal labik ni meda lac labik pambuak Đông Nam Á song binah dok veik di dunya.

10# Gah y tế dunya barau brei thau, jit ruak hạch patuh tabiak di Ma-đa-ga-xca kuhria meng bilan 8 meng blaoh ngak ka 127 urang metai. Jeng tui jabat ini, hu sa rabau 111 urang hu chẩn đoán lâm sàng gaok jit hạch thể phổi (pulmonary plague) lac janih ruak jit hạch trak abih – min bhian takik gaok abih dalam tự nhiên saong 261 urang gaok jit hạch thể hạch (bubonic plague).