# Page ini (31/7), Thủy điện Bản Vẽ, sa sang mac Thủy điện hu maong lac praong abih daok tathuak ia tui bruk ba tabiak, piah trun takik ia xua ka hạ du dalam mbang hajan praong jaik tal. Dalam tuk nan di huyện Tương Dương, libik hu sang mac Thủy điện Bản Vẽ, jeng daok 34 sang bhapbini di xã Lượng Minh daok dalam libik nguy hiểm njauk ba nao libik barau daok chip. Ông Nguyễn Văn Hải, akaok uy mban bhapbini huyện Tương Dương, brei thau meda ba bhapbini nao ka pahu piah khik siam thar vak ka urang bhapbini. Ông Nguyễn Văn Hải, lac:

(Urak ini hu 9 sang urang hu nao daok veik lac urak ini daok hu bruk ba nao veik. Bo uy mban bhapbini huyện jeng pandar bhapbini nao plaih. Urak ini jien bồi thường hu bayan ka bhapbini hu meteh paje.)

  2 # Tỉnh Bình Phước bahrau brei dong 6 bilan jien bilan, bayar sa mbang ka yaok urang jakar,  viên chức padeih bruk hadei di tuk tinh giản biên chế. Tui nan, urang jakar công chức, viên chức tui bruk ramik veik tổ chức bộ máy, nhân sự hu  pakat hu  thẩm quyền brei bruk ngak karei, min oh khin  ngak song hu harak lakau padeih bruk, hu pakat hu  thẩm quyền langyah, ye langiu di bruk mbang tui dom sarak  tinh giản biên chế, padeih bruk tui  quy định di adat hukun dok hu dong sa mbang meng SAMU 6 bilan jien bilan urak ni. Bình Phước  batabiak jalan ngak yaok thun tinh giản 2,5% biên chế hành chính, trun  35% urang hợp đồng; tal thun  2020 trun abih  biên chế dôi dư song  hợp đồng

3# 5 thun tapa, kadung jien daong urang nong dom pakat tỉnh Ninh Thuận brei jaik 39 tỷ đồng, peih ngak 172 dự án, brei ka 1.755 sang mesraiy jien ngak mbang pablei salih gah ngak nong. Urak ini hu rilo mô hình ngak mbang kinh tế glaong ye: raong  limaow palimek; ngak sara, raong ikan kan (trê) thương phẩm, ikan bóp; pala saong pasang iek beir nho tui tiêu chuẩn VietGAP; pala tangei lai …Thun 2017, tỉnh hu labaih 23.000 sang urang naong ngak mbang pablei salih naih joi.

4 # Urang tame sang iek ruak kayua ruak pandiak tabiak darah  di ban raya HCM dalam 7 bilan tapa trun  36% dut song tuk vak ni thun 2017. Min bahrau di ni hu sa urang metai kayua jit ruak ni. Ni lac mbang camereip urang metai kayua ruak pandiak tabiak darah dalam thun 2018. Tui  bác sỹ Nguyễn Trí Dũng, Akaok pasak  Y tế Dự phòng ban raya HCM, yaom lac urang ruak pandiak tabiak darah tuk vak ni takik jang dut song thun 2017 min urang njauk ruak ni dok tagok khang dalam bilan hajan, tabung glong di jit ruak laik tame bilan 10 atau  bilan .

5# Tukvak jaik ini, dom bruk taong paoh uranaih rah tabiak hamiet di rilo puk palei dalam taneh ia. Rilo labik taong paoh uranaih hu ba tabiak brei mboh bruk ini njauk báo động. Barau ini, harei 28/7, Công an huyện Bình Chánh (ban raya Hồ Chí Minh) barau mek chip Trần Thị Hồng Phúc (26 thun, bảo mẫu cơ sở mầm non Ánh Sao Vàng) ka tội taong paoh uranaih. Tui chuyên gia tâm lý, Phó Giáo sư, Tiến sỹ Trần Thành Nam, hu bruk ini lac kayua bruk dut iek bruk ngak di sang bac mầm non daok rilo quy định cadu gam saong akaok sahaneng ka adat hukum di dom nai gru mầm non daok bair.

Patui di ni dom khau tin dunya:

6 # Mesup harei ni (31/8), di Singapore,  dom urang ngak praong pakat glong di  ASEAN hu ginum biai piah caga ka nyaom biai akaok mintri  ngoại giao ASEAN yaok thun  mbang ka  51 (AMM 51) song dom nyaom biai pagam tal, hu peih tabiak di harei 2 bilan  8 tal . Ni lac bruk ngak peih akaok meti mbaok ka Mbang nyaom urang ngak praong pakat glong ASEAN, ASEAN+3, pakat glong  Đông Á (EAS) song Diễn đàn Khu vực ASEAN (ARF); lac mbang ginum biai  piah ramik caga ka danak dak ngka bruk, asar kadha di nyaom bia, pasang iek veik dom dom văn kiện hu brei tapa di dom mbang nyaom mbang ni

7#Kuhrai tal bair harei 30/7, hu takik abih 11 urang metai saong labaih 119 rabau urang njauk klak sang danaok hadei tuk dom mbang hajan praong ngak dauk lahik rilo sang, palei di Mi-an-ma (Myanmar). Urang jakar Mi-an-ma brei thau, hajan praong dui atah meng adit tapa ngak tayah tayaic rilo mbaik tatua saong ngak dauk ia di rilo libik. Gah khik iek bala daok kham merat pajeng ba pandap daong brei nao ka urang bhapbini gaok bala. Dalam tuk nan gah chức trách kakei urang bhapbini daok jaik kraong saong libik bair drah samal nao tal dom pasak piah paplaih.

  8 #Dom harei tapa, rilo negar di châu Âu  gaok pandiak khang song nhiệt độ tagok glong kỷ lục. Di  Đan Mạch, dom harei pandiak dalam bilan 7 nyu yam tapa dom tanut  kỷ lục. Kuhria tal harei  28/7, Đan Mạch  rah tapa  326 tuk hu pandiak, dalam tuk bruk ni dalam bilan 7  thun  2006 lac 321 tuk. Dalam 2 harei dok veik di bilan, meda  hu 12 tuk pandiak tra Yau nan ye, abih bilan 7 thun ni, Đan Mạch hu  abih tih 338 tuk hu pandiak , tui nan yaok harei  hu jiak  11 tuk  hu pandiak ia harei./.