1#Mesup harei 2/4, di jabat Trung ương Đảng, Tổng Bí thư Nguyễn Phú Trọng taduan raok ong Vương Nghị, Ủy viên Quốc vụ, akaok mintri Ngoại giao Trung Quốc, daok rivang Việt Nam saong hu mbaok tame nyaom biai pakat glaong pambuak bruk Tiểu vùng Mekong peih praong (GMS) mbang ka 6. Tổng Bí thư Nguyễn Phú Trọng ndom lac, Đảng saong karja Việt Nam tuk halei jeng iek praong talei pambuak buk siam mekre haong Trung Quốc; saong tukvak anak tal, dua gah njauk jhul patagok talei rohim, pambuak bruk daong gauk, pachreih tui gauk, ba gauk patagok.

2 # Thủ tướng Nguyễn Xuân Phúc  bahrau mbaoh tangin brei padang kapul ngak bruk gah pasang iek bruk ngak di karja kayua akaok mintri  Nội vụ Lê Vĩnh Tân dang akaok kapul. Kapul ini hu brei bruk tham mưu, dong ka Thủ tướng pasang iek bruk ngak njauk tui dom quy định di adat hukum di jabat, di kapul nyaom saongdom urang jakar, công chức, viên chức dalam bruk công vụ di dom mintri, dom gah, dom tỉnh ban; pok panuac tagok Thủ tướng tacei pato,  langyah dom ngak suan dalam bruk công vụ di dom mintri, dom gah, dom tỉnh ban.

3# Biar harei (2/4), di UBND tỉnh Kiên Giang, ông Đặng Công Huẩn, Phó tổng thanh tra Chính phủ brei thau bruk pasang iek bruk ngak tui adat hukum gah taneh riya, khoáng sản, môi trường  di tỉnh Kiên Giang.   Ông Huẩn brei thau dom bruk, dom kadha njauk pasang iek peih praong lingiu bruk ba tabiak hu brei adat ngak ye urang dang akaok kapul pasang iek brei hu harak likau adat di urang dang akaok Thanh tra Rajaei. Lingiu di nan, kapul pasang iek meda duah thau dahlau saong hadei di mbang pasang iek

4 # Piah paglong akaok sahaneng ka urang tong ikan dalam bruk pan njauk adat hukum gah tasik pulao, patakik bruk tong chap ikan suan hukum di angaok bhum tasik negar langiu, harei  2/4 Bộ Tư lệnh cảnh sát tasik  3 peih bruk pathau khan adat hukum ka urang tong chap ikan dok pataok di dom pabah lamnge di ban sit  Vũng Tàu. Asar kadha  pathau khan hu  patom tame dom bruk pambuak tal tasik palao. Tapa pathau khang mik va thau hu bhum tasik halei dalam chủ quyền Việt Nam hu adat tong chap, bhum halei di  chủ quyền dom ayhut oh hu tong chap 

5# Harei pataom tapuk Gia Lai 2018 hu peih tabiak di ban sit Pleiku, hu mbaok yaok rituh urang puac tapuk. 24 gian trưng parang tabiak yaok ribau baoh tapuk, hu rilo asal kadha karei di gauk. Dom gah patabiak tapuk hu mbaok tame harei pataom tapuk jeng hu alin jien bac, tapuk, siphau, pandap bac da-a ka yaok pluh anek saih kan kathaot kham merat yam tapa kan kandah, bac da-a naih joi, yaom abih tih 170 triệu đồng. Harei pataom tapuk Gia lai 2018 rah tabiak meng in tal abih harei 8/4.

Patui di ni dom khau tin dunya:

6 # Cảnh sát Thái Lan bahrau taong tayah sa talei buôn lậu ma túy hu yaom  520 triệu bạt (baht), samu song 17 triệu đôla Mỹ, di tỉnh Sỏng-lả (Songkhla) gah merong negar ni. Cảnh sát brei thau hu peih bruk pasang iek song chap mek biak rilo ma túy đá, abih tih trak tal 651kg. Langiu di nan, cảnh sát dok cap mek 2 sruh radeih bán tải song  3  điện thoại di động. Tuk vak jiak di ni, Thái Lan gam gam chap mek hu dom nyaom  pablei salih  ma túy prong. Puac thun bloh, Thái lan am cuh klak biak rilo ma túy, tagok tal  17 tấn yaom labaih  500 triệu đôla Mỹ.

7# Tui panuac khan di Mintri pato megru Trung Quốc, taneh ia ini jeng taneh ia pachreih hu rilo anek saih negar lingiu di abih di châu Á dalam thun 2017. Tui nan, thun bloh taneh ia ini pachreih hu jaik 490 ribau anek saih mai meng 204 taneh ia saong bhum lãnh thổ, dalam nan hu 430 ribau urang buh jien kadung tabiak bac da-a. Dom taneh ia hu rilo anek saih bac di Trung Quốc nan lac Hàn Quốc, Thái Lan, Pakixtan, Mông Cổ, Mỹ... 70 % dom anek saih nan pataom rilo di dom ban praong di Trung Quốc... 

8 # Beir harei  2/4, Jabat Bầu cử negar  Ai Cập tabiak panuac brei thau bruk palih ruah  tổng thống thun 2018. Tui nan, urang daok ngak Tổng thống lac ong Abdel Fatah El-Sisi mek hu ja yah ngan saong  97,08 % phiếu bầu. Mbang palih ruah hu biak rilo cử tri caik hatai sangka. Bruk pilih ruah hu rah tabiak tui njauk adat hukum song dom  quy định ka bruk bầu cử. Bruk palih ruah hu pasang iek catang meng dom thẩm phán, Jabat pathau khan  Ai Cập, dunya,  18,808 thẩm phán song labaih 124.000 urang jakar pasang iek./.

Jasi/VOV HCM