1/ # Meng harei 15/6/2017, yaom brei meraiy takik di abih ka anek saih, sinh viên hu tagok, meng 1 triệu 250 ribau đồng/bilan/anek saih sinh viên tagok 1 triệu 500 ribau đồng/bilan/anek saih, sinh viên. Thủ tướng rajaei hu mbaoh tangin tame Harak Quyết định 751/QĐ-TTg brei ramik veik yaom brei mesraiy quy định di Khoản 1 paka 5 Quyết định 157/2007/QĐ-TTg harei  27/9/2007  di Thủ tướng rajaei  ka bruk mesraiy ngan song anek saih, sinh viên. Yau nan, dut song yaom klauk hu ba tabiak ngak tui meng harei 9/1/2016, yaom brei mesraiy takik di abihngan song  anek saih,  sinh viên tagok  250.000 đồng/ bilan/anek saih, sinh viên.

2#Yaom jien laba glaong ngak ka dom doanh nghiệp Việt Nam kan si pataom hukein laba piah đầu tư veik saong patagok kinh tế; njauk hu jalan tani tanat paok lãi suất brei mesriay…nan lac dom caong khin di dom urang jakar Quốc hội pasang iek mboh di darak pasal lãi suất brei mesraiy meng ini tal puac thun, di gah lingiu mbang nyaom ka 3 Quốc hội mbang XIV. 

3/ #Mintri Y tế bahrau ba tabiak Thông tư 02 quy định yaom glaong di abih khung giá dịch vụ iek ruak oh dok dalam bruk bayar jien di gah bảo hiểm y tế. Tui nan meng harei 1/6/2017, labaih 1.900 dịch vụ y tế hu pandar tui yaom bahrau.

4# Sang iek ruak Đa khoa tỉnh Ninh Ninh Thuận barau taduan mek thiết bị y tế kayua Gilang pariak Đầu tư saong patagok Việt Nam (BIDV) daong sang iek ruak Đa khoa tỉnh Ninh Thuận ngan saong yaom jien daong abih tih labaih 7,5 tỉ đồng. Tui nan, BIDV hu jao brei ka sang iek ruak Đa khoa tỉnh Ninh Thuận rilo  thiết bị duh ka bruk iek ruak ye máy hấp tiệt trùng nhiệt độ bair, máy lọc darah (HDF online), radaih cứu thương...piah rik daong paglaong chất lượng iek, chẩn đoán, điều trị, pasang iek urang ruak.

5/ #Tuk vak anak tal, tỉnh Quảng Ninh pataomtame padang ngak, patagok angan je du lịch, dịch vụ; dalam nan brei hu dịch vụ du lịch đẳng cấp, chuyên nghiệp. Tỉnh taduan hu rilo po đầu tư đẳng cấp hu mbaok tame ngak mbang dalam bruk dịch vụ, du lịch; jang yau yaih khan chất lượng dom dịch vụ tabiak dunya; patagok chất lượng dịch vụ, peih ngak khang piah dịch vụ vịnh Hạ Long song  dịch vụ hu pagam tal Khu hành chính kinh tế đặc biệt Vân Đồn - Pasak dịch vụ padeih padei cao cấp hu casino. 

6# Tukvak urak ini lac puac bilan peik amraik di dom huyen dalam tỉnh Bình Định. Meng yaom pablei di beir hu tuk trun sumu 1/10 thun dahlau, bruk  yau Yuan lac “được mùa mất giá” daok mai veik  saong yaom khat lihik biak trak. Mikva urang nong pala amraik ndom lac “ bilan amraik phik”. Urang nong Đặng Thanh Tịnh, xã Mỹ Quang, huyện Phù Mỹ thun ini pala hu 2 sào amraik. Abih tih jien buh tabiak labaih 6 triệu đồng, urak ini paik oh ka hu 10 triệu đồng, công urang ngak meteh thun di ông Tịnh kuhria tabiak oh ka hu 4 triệu đồng.

7/ # Ong Lê Văn Khoa  - Phó Chủ tịch Ủy ban bhap bini ban raya Hồ Chí Minh hu tacei dom  đơn vị samar panduan ba  7 boh sang mbuan glut jaleih saong  Ủy ban bhap bini huyện Nhà Bè jak ba 4 boh sang dok veik  mai dok labik siam mekre, suai di abih tal harei 2/6. Ong hu panuac ieu  Sở Giao thông Vận tải pambuak bruk song Viện Khoa học - Thủy lợi gah merong  song dom gah pambuak tal samar tui iek tong abih  , langyah samar labik glut jaleih khik ka njauk ilamu, kỹ thuật song siam mekre salamat.

Patui di ni dom khaw tin dunya

8# Mbang ravang Hoa Kỳ di Thủ tướng rajaei Nguyễn Xuân Phúc hu rik daong paglaong talei pambuak bruk rilo gah di dua taneh ia. Rilo chuyên gia Mỹ hu taong yaom glaong mbang ravang dalam bruk dak padang jalan ka dom bruk ngak di thun ini saong dom thun tal . 
          9 # Nhật Bản hu panuac lac bruk Mỹ tabiak truh  Hiệp định Pari ka pacang caga  biến đổi khí hậu lac  “bruk biak damen” song ndom lac bruk mesruh pacang  biến đổi khí hậu lac bruk kham merat di tong abih bhap bini dunya. Mintri  Ngoại giao Nhật Bản tabiak panuac lac, bruk ba akaok nao dahlauuk nao dahlau di dom negar patagok lac hu yaom biak praong song kayua yau nan ye dom negar patagok brei peih ngak catang Hiệp định khí hậu Pari.

10# Cục Du lịch negar Trung Quốc (CNTA) brei thau hu jaik 3 triệu mbang tuai Trung Quốc nao mein taneh ia lingiu dalam 3 harei padhieh tuk Lễ hội Thuyền rồng, atau daok ieu lac Tết Đoan Ngọ, tagok 7,2% duk saong dom bilan ini thun 2016. Dom libik nao rilo di tuai Trung Quốc di harei ini lac Nga, Thái Lan, Italy, Việt Nam saong Pháp.