1/ # Harei kabroi 2/8, di Trụ sở Trung ương Đảng, Tổng Bí thư Nguyễn Phú Trọng taduan raok kapul ã bol bala bhap bini Lào dok rivang song ngak bruk di Việt Nam. Tổng Bí thư ndom lac Đảng, karja Việt Nam tuk halei jeng palagaih di abih piah ka 2 mintri Quốc phòng tagok talei pambuak bruk khik ramik khang kajap  tani tanat chính trị, trật tự an toàn xã hội di yaok negar. 

          2/ Ngan saong kadha “jhul pakhang patagok nguồn nhân lực saong bruk ngak khang kajap ka urang ngak di cư”, nyaom meyai akaok mintri ka pambuak bruk lao động mbang ka 2 di dom taneh ia Cam-pu-chia, Lào, My-an-ma, Thái Lan saong Việt Nam barau peih tabiak di ban Đà Nẵng. Brei panuac di nyaom meyai, phaok Thủ tướng Vũ Đức Đam ndom lac, piah patagok gah siam di di cư lao động saong patakik bruk oh siam, dom taneh ia gam pambuak bruk khang kajap jang gac.

3/ # Kayua hajan khang dui atah di tỉnh Điện Biên meng harei 1/8, dom jalan prong  tame  huyện Nậm Pồ njauk glut jaleih khang ngak ka labik ni oh nao mai hu.

4/ Trạm Tấu lac huyện biak kan kandah di tỉnh Yên Bái, hu labaih 67% lac baoh sang kan kathaot. Puk palei ini daok kham merat ba baoh sang kan kathaot trun daok 60%.

5/ # Dom thun jiak di ni, mboh hu kein laba meng anek hadang thẻ takai patih, rilo puk palei di tỉnh Ninh Thuận hu buh jien tabiak patagok taneh rong. Urak ni, urang rong hadang thẻ takai patih dok palao rong hadang vụ 3 hu 15 tal  20 harei, praong siam.  

6/ Piah patagok bruk pacang cakak pandiak tabiak drah, oh brei jit tamuh khang, dalam tukvak tal gah y tế Cần Thơ pandar pasak y tế dự phòng ban Cần Thơ saong dom quận, huyện brei samar padang bruk pacang cakak jit pandiak tabiak drah dalam puk palei. Cambaih laih nan lac pruh jru pametai jamuok pambuak saong bruk pametai lăng quăng di dom labik mbuan hu jit.

7 / # Yaom lac harei 8/8 mintri pato megru bahrau chốt angan dom anek saih tut angan tame bac di dom sang bac đại học, min mesup harei 2/8, biak rilo anek saih song amaik ame di anek saih pataom di rilo sang bac đại học di ban raya Hồ Chí Minh piah nộp harak chứng nhận kết quả thi. Mboh lac anek saih saong amaik ame di anek saih biak sambai hatai kayua thun ni, bruk palih ruah biak hajuan.  

Patui di ini dom khau tin dunya:

8/ Jabat Khí tượng Nhật Bản brei thau, mesup kabroi 2/8, hu dua mbang megei baoh taneh di bhum ia sar di NB, ngak tatuan dom labik jaik tâm chấn.

9/ Di ban ine Viêng Chăn-Lào, hu rah tabiak mbang nyaom ka 6 Ủy ban Đối ngoại Quốc hội 3 negar  Campuchia - Lào - Việt Nam ka bruk “Tagok tui iek  di  Quốc hội ngan song dom sáng kiến pambuak bruk di labik klau kieng pataogk”. Pok panuac di mbang nyaom ong Nguyễn Văn Giàu, Chủ nhiệm Ủy ban Đối ngoại Quốc hội Việt Nam ndom lac: Ủy ban Đối ngoại di  Quốc hội Việt Nam, Lào, Campuchia hu pambuak bruk haong gauk piah patagok labik dang di cơ quan lập pháp 3 negar dalam bruk rik dong song 3 rajaei  jhul pakhang bruk patagok song pambuak bruk.

10/ Kadung jien “Daong ka uranaih” (Save the Children) harei kabroi 2/8 brei thau lac, labaih 1 triệu uranaih lavang lavah di Yê-men mbuan njauk ruak aih caraoh./.