#/ Di HN, Thủ tướng Nguyễn Xuân Phúc song Phó Thủ tướng Trịnh Đình Dũng hu ngak bruk song urang pan akaok mintri Công Thương, urang pang akaok dom mintri urang pang akaok dom Tập đoàn  Điện lực Việt Nam, Dầu khí Quốc gia Việt Nam ka jalan parabha điện, khik ginup điện pabak bruk patagok taneh ia anak meta song suai lavik.

#/ Hadei di 3 harei rah tabiak dom bruk ilamu, TT, DL chreih chrai, melam  3/10, di sân khấu sang ilamu tỉnh Lào Cai, harei ilamu, TT saong DL dom bangsa bhum Tây Bắc peih praong mbang ka XIII thun 2016 hu tamat. Ong Đỗ Hạ Long, Phaok Giám đốc Sở ilamu – Thể Thao saong Du lịch tỉnh Lai Châu brei thau: “Harei pataom mbang ini hu kadha barau lac dom kapul jeng hu kuhria caga biak siam, ba dom nghệ nhân lavik thun hu ilamu mai piah taom gaok, ndom meyai nao mai, klah rabha ilamu bhum palei saong gauk, tapa nan daong ngak brei siam mekre Harei pataom”.   

#/ UB bhap bini tỉnh Đồng Nai hu panuac ieu dom sở, dom gah, dom puk palei tagok bruk pathau khan, dong ka urang bangsa takik paglong akaok sahaneng ka bruk tảo hôn, tok gauk dalam rilaow drah jang yau dom kanjah jhak di bruk ini. Abih di nyu nan lac, kayua adat cambat di urang bangsa takik bhian daok di hamu puh, nan ye pakat karja brei pablah bruk pathau khan dalam dom mbang taom gaok, sinh hoạt ilamu, rija roya, peih dom mbang pasram megru paglong ilamu ka bruk tok gauk dalam rilaow drah, tảo hôn ka dom taha palei, akaok palei, urang hu angan je dalam bhum urang bangsa takik piah dom urang ni jeng talei pambuak khau tin, pathau khan ka mik va.

#/ Ong Nguyễn Thành Huy, akaok Chi cục Thú y tỉnh Cà Mau brei thau, hadei di tuk tapon menuk ada di ong Lê Văn Út daok di palei Rạch Nhum, xã Khánh Bình Đông, huyện Trần Văn Thời duk iek mboh dương tính saong virus cúm H5N1, gah Thú y palei hu ba nao am cuh klak taong abih menuk ada njauk ruak, saong daok pruh jru pametai anek ruak. Urak ini jit cúm daok pacang cakak hu

#/ Harei 3/10, Pasak Hành chính công tỉnh Đồng Tháp brei thau ka QĐ padang ngak song ba tame pandar, taduan mek song langyah hồ sơ di dom kapul nyaom menuac urang. Pasak hu peih bruk tui iek, duah thau tuk vak patui ngak piah samar pasiam veik dom tavak tavay tamuh tabiak dalam tuk ngak harak gar di kapul nyaom, menuac urang.

#/ Dom harei tapa, di tỉnh Bạc Liêu hu hajan khang, ngak kan kandah tal bruk pala drak jeng yau rai diuk di bhap bini. Dalam tuk nan, tame tabung glaong yuak padai hè thu, ralo mblang padai jaoh jaleih, dauk ia, ngak khut oh sit tal năng suất, chất lượng. Urak ini, yaom padai that di tỉnh Bạc Liêu hu urang mai blei meng 4.300- 4.400 đồng/kg, trun jaik 200 đồng sa kg duk saong akaok vụ. Yaom lac yaom patrun min bhap bini biak kan duah hu menuac piah pablei.

#/ Di tỉnh Tiền Giang, rilo sang bein pala kruac klik hajao duah hu jien rilo, kayua yaom janih phun mbang boh ni dok tagok khang. Tui kapul urang nong xã Long Khánh, ban sit Cai Lậy, dalam dom harei tapa yaom kruac  bung klik hajao loại I urang blei di bein lac 50.000 đồng/kg, tagok jiak 20.000 đồng/kg dut song tuk vak  kreik bilan 9. Urak ni di Tiền Giang thau lac kruac bung klik hajao lac sa dalam dom phun mbang boh đặc sản hu prein meriak gauk njauk patagok di tỉnh

Patui di ini dom khau tin dunya:

#/ Mintri Y tế Campuchia ndom lac, taneh ia ini oh ka hu urang halei njom virus Zika barau dalam 6 thun tapa. Tui urang brei panuac di mintri y tế Ly Sô-van, meng thun 2010tal ini, Campuchia oh ka hu urang halei njom virus Zika barau. Urak ini mintri y tế daok pasang iek catang.

#/ Thái Lan dok kuhri kuhria bruk dut iek brei saoh ka tong abih urang kamei dok metain piah pasang iek jit Zika, hadei di adit dahlau, negar ni  hu 2 anek kamar dị tật akaok sit pagam tal vi rút Zika. Ni jeng lac 2 anek kamar dị tật akaok sit camereip hu duah mboh di ĐNÁ./.

#/ Hội chữ thập đỏ saong trăng lưỡi liềm đỏ dunya brei thau, takik di abih 600 ribau menuac di Cộng hòa dân chủ bhap bini TT daok gaok kan kandah kayua ia sua trak. Ia sua ngak tayah 30 ribau baoh sang, 133 urang metai saong 395 urang lahik./.