1# Thủ tướng rajaei bahrau mbaoh tangin brei adat peih ngak đề án “ Dong ka anek saih, sinh viên padang mbang ngui tal thun 2025”. Đề án piah jhul patagok hatai caong padang mbang ngui  di anek saih, sinh viên, dong pabak ilamu, kỹ năng ka bruk padang mbang ngui ka anek saih sinh viên dalam tuk vak bac daa di sang bac.

2# Tui Tổng cục Thủy sản, bhum tasik taneh ia drei hu jaik 1.200 janih kaya ikan dalam ia; dalam nan hu 945 janih ikan, 135 janih giáp xác, daok veik di nyaom karei. Sản lượng taong cap kaya ikan dalam ia urak ini tapa tanut brei adat taong cap labaih 30%, dalam nan rilo lac gah nyaom kaya ikan dalam ia tầng đáy. 

3 # Meng akaok thun 2017 tal ni Nghệ An ieu pataom dom phun jien peih ngak dom danak dak bruk ngak negar padang ngak palei pala bahrau hu labaih  2.574 tỷ đồng. Jalan ngak di  Nghệ An lac, tal abih thun 2017 hu gac takik di abih 20 xã mek hu tanut palei pala bahrau, hu gac sa đơn vị pakat huyện mek hu tanut palei pala bahrau; hu 10 palei mek hu tanut palei pala bahrau ; Dom xã dok veik kham merat mek hu takik di abih 1 tanut.

4# Tui amuk Nguyễn Thị Quyết Tâm, akaok HĐ bhapbini ban raya Hồ Chí Minh, sa dalam dom bruk dak padang ban raya Hồ Chí Minh hu chất lượng daok siam lac khik caga bruk ba ia hacih ka urang bhapbini dom huyen bhum ven. Piah ngak siam bruk nan, ban raya daok peih ngak rilo bruk, dalam nan ptaom tame bruk kham merat ba ia hacih tal yaok sang bhapnini meng bruk ba công nghệ barau tame xử lý ia ka siam piah urang bhapnini meda menyum ia hacih di vòi, di nguồn.

5 # Tỉnh Trà Vinh dok peih ngak danak dak dong ia pandar tui sarak 755/QĐ – TTg di Thủ tướng rajaei  ka 10.540 boh sang (rilo meng lac boh sang Khmer kan kathaot) song phun jien 14 tỉ đồng. Tui nan, dom boh sang kan kathaot di bhum palei pala, bhum mik va bangsa takik oh hu pandar  ia hacih saat hu dong caik đồng hồ pambuak  song  jalan ba ia

6# Pasak ilimo padhih ban sit Hội An, tỉnh Quảng Nam brei thau, harei  11/11 tal ini meda rah tabiak bruk taduan mek mô hình Châu Ấn thuyền kayua karja saong bhapnini tỉnh Nagasaki (Nhật Bản) alin brei ban sit Hội An.

7 # Harei patom ilamu du lịch Dinh Thầy Thím thun  2017 bahrau rah tabiak di xã Tân Tiến, ban sit La Gi, tỉnh Bình Thuận. Ni lac harei patom ilamu meng kan rah tabiak yaok thun tuk tế thu Thầy Thím (harei 14/9 saka ia bilan). Rah tabiak dalam 3 harei, harei patom ilamu du lịch hu rilo bruk yau lễ nghinh thần, raok sắc phong, pakacah nduac tapa mbuan cuah, pakacah vá lưới, non ikan tasik, lắc thuyền thúng pachreih  hu rilo menuac dalam palei song tuai damuai atah jaik mai hu mbaok. Ni jeng lac tuk piah ban La Gi yaih khan ilamu di palei tasik La Gi, tiềm năng song kein lagaih  du lịch di Bình Thuận .

   
        Khaw tin dunya

8# Meng harei 30/10 - 3/11/2017, di Cu Ba rah tabiak Nyaom darak dunya La Habana mbang yaka 35 (FIHAV 2017), Việt Nam hu 20 doanh nghiệp pataom tame saong yaih khan rilo janih pandap ye kaya nong, pandap mbang chế biến, pandap meng ia tasau, dom pandap jhik pet, pandap mein thể thao, pandap xây dựng, pandap hacih saat, pandap thủ công mỹ nghệ, hóa mỹ phẩm, pandap pandar yaok harei.

9# Dom nhân viên oh njuk pakao hu alin pabak brei 6 harei padeih adat, nan lac bruk bo sa công ty di Nhật Bản dok pandar piah pachreih dom nhân viên di drei klak bruk bhian randap oh kein hagait ka pren yava.

10# Dalam 194 taneh ia sanya palahik ruak viêm gan, tok hu 9 taneh ia daok kham merat pamaong tal  bruk ini. Ini lac số liệu ba tabiak di nyaom biai Viêm gan dunya mbang yaka 2 peih tabiak di Brazil harei 1/11./.