1# Mesup harei ini 4/4, di Nhà Quốc hội, Ủy ban Thường vụ Quốc hội peih  nyaom biai urang quốc hội ngak bruk chuyên trách ginum biai dom asal kadha pok tagok Quốc hội mbnag nyaom 5, Quốc hội mbang 14. Tui danak dak, var page mesup, dom urang QH ginum biai ka dự án Luật Đơn vị hành chính-kinh tế đặc biệt.

2 # Melam karoi ( 3/4), di Hà Nội, Thủ tướng Nguyễn Xuân Phúc hu mbaok di danak dak taom gaok “Khol drei pasiam veik dom kanjah jhak di bom mìn hadei di mesuh metak ”. Di danak dak taom gaok Thủ tướng Nguyễn Xuân Phúc song dom urang hu  nhắn tin dong pasiam veik dom kanjah jhak di bom mìn hadei di  mesuh metak song cú pháp BM gửi 1403, yaok tin nhắn yaom  20.000 đồng tame Kadung jien dong pasiam veik khutkhat di bom mìn. Ni lac danak dak nhắn tin kayua mban tacei jalan 701 pambuak bruk song  Cổng thông tin điện tử pahla pakat negar (Cổng 1400) peih ngak meng 09h00 harei 31/3/2018 tal  17h00 harei  30/4/2018. 
         3# taduan panuac da-a di Thủ tướng negar Campuchia, ong Hun Sen, harei ini (4/4), Thủ tướng rajaei Nguyễn Xuân Phúc ba akaok sa kapul pakat glaong Việt Nam hu mbaok tame nyaom biai pakat glaong Ủy hội kraong Mekong pakat dunya mbang ka 3 meng harei 4 – 5/4, di Siêm Riệp, Campuchia. Nyaom biai hu yaom biak praong dalam bruk khik caga halau ia, jalan ngak mbang, diukrai, patrun patakik dom kanjah jhak saong daong palagaih ka bruk patagok kinh tế - pablei salih di dom negar thành viên.

4 # Meng peih ngak mô hình mblang hamu prong, vụ Đông Xuân 2017-2018 mik va palei  Chăm Phước Nam –huyện Thuận Nam – tỉnh Ninh Thuận hu trun pajaih labaih 114 ha padai, urak ni mik va biak bui sambai kayua meng di vụ akaok njuak bilan, pala njauk saong pablei hu njuak yaom. Tui yaom padai meng  6.200 - 6.500 đồng/kg, , urang nong bila meng 13 – 15 triệu đồng/ha. Hu mbaok di mblang hamu prong hu dong urang nong xã Phước Nam thau pandar ilamu kỹ thuật tame bruk sản xuất  yau “3 trun 3 tagok”,“1 njauk 5 trun”, song “4 njauk ”  dalam bruk pandar jru khik caga phun pala ,…

     5# Hadei di tuk rah tabiak bruk khuah chung cư di Thái Lan, Đại sứ quán Việt Nam hu taom gaok dom gah chức năng pak nan piah duah thau ka urang Việt Nam njauk bala nan. Dalam 3 urang metai, ye 2 urang oh lac urang Việt Nam, daok 1 urang urak ini oh ka thau cambaih.. Dalam dom urang njauk rambus, hu 13 urang Việt Nam, urak ini daok dalam sang iek ruak, min pren yava siam, oh njauk hagait. Đại sứ Việt Nam di Thái Lan Nguyễn Hải Bằng saong dom urang jakar Đại sứ quán hu nao rivang saong daong dom urang njuak rambus

Patui di ni lac dom khau tin dunya:

6 # Tổng thống Hàn Quốc Mun Chê In (Moon Jae-in) bahrau lambaok rajaei negar ni pok panuac likau maaf  ka bruk  thảm sát bak drak di palao  Chê-chu (Jeju) thun 1948. Ni lac mbang camereip  sa urang Tổng thống Hàn Quốc hu mbaok di lễ pahadar bruk ni dalam luac  12 thun tapa. Harei 3/4/1948, Rajaei  Hàn Quốc hu ba bol bala tal  palao Chê-chu (Jeju) song rah tabiak mbang thảm sát hu mong lac sa dalam 4 mbang thảm sát prong abih di dunya. 130 palei njauk pui an , 12 ribau urang  hu  chính thức vak angan dalam sang tưởng niệm. Min bhap bini palao Chê-chu brei thau urang metai tagok tal  30 ribau urang.

7# Rajaei Japon bahrau brei thau bruk peih ngak adat tagok ngak patao ka Hoàng thái tử Na-rư-hi-tô (Naruhito). Tui nan, rajaei Japon brei padang sa Ủy ban peih ngak adat kayua Thủ tướng Xin-dô A-bê dang akaok saong tabiak bruk tagok rai hu peih ngak di harei 22/10 thun hadei

8 # Rajaei  Thái Lan brei mboh bruk njauk hatai di drei ka bruk peih ngak  dự án jalan pasei cao tốc pagam  3 mblang kapan haoh di negar ni lac Đon Mương (Don Muang), Su-va-na-bum (Suvanabhumi) song  U-ta-pao (Utapao). Rajaei hu ginum biai ka  dự án nan piah jhul pakhang tui jalan pambuak bruk công tư. Rajaei hu buh tabiak labaih  120 triệu Bạt piah bayar ka bruk padang ngak dalam 10 thun.