1/ # Harei kabroi 3/8, muk Trương Thị Mai, Ủy viên mintri Chính trị, akaok Ban dân vận Trung ương nao rivang song ngak bruk song dom đơn vị di tỉnh Đăk Lăk. Tui nan, di huyện Buôn Đôn, muk Trương Thị Mai hu nao rivang song brei 100 pok pandap ka uranaih hu rai duik kan kandah meng kadung jien dong uranaih song brei  100 pok pandap ka boh sang urang bangsa takik dalam sarak karja, yaok pok  yaom sa triệu đồng.

2/ Gam gam dalam dom harei tapa, di dom darak di HN, yaom di dom janih njam tagok glaong jang dua klau mbang duk saong dahlau. Makna lac di rilo bhum pala njam langiu ban HN yau Vân Nội, Song Phương, Tây Tựu...kayua hajan khang dui atah ngak ka njam takik ralo njauk dauk ia, bruk.

3/ Tui panuac khan di Văn phòng thường trực mban tacei jalan Trung ương ka bruk pacang caga bala, dom harei tapa dom tỉnh bhum ceik gah brak hu hajan mbiah, hajan praong, hu labik hajan biak khang. Kuhria tal cala pandiak harei kabroi, hajan ia sua ngak ka 4 urang metai, 15 urang lihik, song 8 urang njauk rambuac. Urak ni dom  tỉnh Yên Bái, Sơn La, Điện Biên, Lai Châu hu brei urang jarka trun tapak tal labik hu bala piah samar tacei jalan pasiam veik.

4/ Di ban Đà Nẵng, mintri Lao động - Thương binh saong Xã hội Việt Nam pambuak saong mintri Lao động saong Phúc lợi Xã hội Lào peih ndom biai ngan saong kadha “VN – Lào patagok talei pambuak bruk lao động XH”. Thứ trưởng mintri Lao động - Thương Binh saong Xã hội Việt Nam Doãn Mậu Diệp brei thau: “Meyah dahlau daih, kol drei bahrau pambuak bruk dalam gah pato megru ye tal urak ini kol drei hu peih praong talei pambuak bruk dalam taong abih dom gah lao động, bruk ngak, pato bruk ngak, BHXH”.

5/ # Urak ni, bruk pandar công nghệ glong dalam pala thanh long hu peih ngak di tỉnh Bình Thuận. Tui nan oh pala thanh long tui jalan meng kan lac pala yaok geng, bo pala tui talei sro tagok mejam, gam patak patom taneh, kein liba kinh tế glong jang dut song meng kan.

6/ Meng akaok thun tal ini, Đồng Tháp hu labaih 1.700 urang njauk ruak pandiak tabiak drah, dalam nan hu 115 urang ruak trak ngak ka 2 urang metai. Ini lac sa dalam dom tinh hu dom urang njauk ruak dang akaok bhum taneran kraong Cửu Long.   

7/ # Peih ngak danak dak bruk ngak negar patrun kanthaot khang kajap tuk vak  2016-2020, dom ban, dom gah di  huyện Hớn Quản, tỉnh Bình Phước hu peih ngak rilo jalan piah khik ramik   pandar njauk, ginup sarak ka dom nyaom urang. Urak ni, huyện hu pambuak bruk dong  padang ngak 12 boh sang anit ranam, 4 boh sang jum pataom, 1 boh sang bác ái saong yaom jien abih tih labaih 830 triệu đồng.

Patui di ini dom khau tin dunya:

8/ Sa  ribuk tuh trun meng adit dahlau ngak brei hajan khang di bhum ia sar Thái Lan, dui tui ia sua ngak ka sa ar jaleih saong takik abih 23 urang metai.

9/ # Tổng thống Mỹ Đô-nan Trăm hu tabiak sa  dự luật nhập cư bahrau hu angan ieu lac hukum salih bahrau adat nhập cư Mỹ kayua bruk ngak khang kajap (ieu katut lac RAISE), piah cakak patrun urang nhập cư  njauk adat tame Mỹ.

10/ Harei 2/8, karja tỉnh Kê-bếch, Ca-na-đa brei mek mblang vận động Ô-lim-píc dane angan di ban Môn-trê-an piah ngak labik daok tạm thời ka dom urang nhập cư mai meng Mỹ./.