#/ Harei 4/10 di jabat rajaei, Thủ tướng Nguyễn Xuân Phúc hu taduan raok Đại sứ Nhật Bản Hiroshi Fukada mai likau la tuk tamat tuk vak ngak bruk di VN. Di var taduan raok, Thủ tướng Nguyễn Xuân Phúc taong yaom glong dom rik dong di ong Đại sứ Nhật Bản dalam bruk patagok talei pambuak bruk di Vn – Nhật Bản

#/ Tui Viện Pasteur Nha Trang, meng akaok thun tal ini, 11 tỉnh, ban bhum kreih negar hu labaih 2.300 urang njauk ruak tangin takai cambuai, trun 30% duk saong dom bilan ini thun dahlau. Min, dom adit jaik di ini, dom urang njauk ruak tangin takai cambuai mboh daok patagok. 

#/ Di Bình Thuận, meng kreik bilan 8/2016 tal ni, urang pala thanh long  di tỉnh bui sambai kayua dom cơ sở blei hu yaom biak glong. Xuất khẩu janih I, sa boh meteh kilo tagok hu yaom 55.000 đồng/kg; janih dạt vườn meng 10.000 tal 12.000 đồng sa kg, tagok 5 mbang dut song kreik vụ , samu atau glong jang dom vụ nghịch thun dahlau. Tong abih urang nong paik thanh long tuk vak ni jeng hu  liba glong, oh dok khat yau dom mbang dahlau. Darak pasa prong xuất khẩu thanh long urak ni jeng dok lac Trung Quốc.

#/ Trà Vinh lac sa dalam dom tỉnh hu anek saih bangsa takik ralo abih khu vực. Piah pabak bruk bac nội trú ka anek saih bangsa, tỉnh hu 7 dalam 9 huyện, ban padang hu sang bac phổ thông bangsa gam bac gam daok pakat THCS saong sa sang bac tỉnh pakat THPT, taduan labaih 1.700 anek saih tui bac. Min dom sang bac ini barau pabak hu labaih 8% dalam abih tih anek saih bangsa di tỉnh, biar jang duk saong tanut ba tabiak lac 12%.

#/ Kayua urang pala tabau khat lihik rilo thun gam song khat lihik kayua pandiak bhang, njom mbak meng bloh nan ye, thun ni mblang taneh pala tabau di bhum taneran krong CL nyu trun, dui tui sản lượng tabau trun. Ni lac makna kurang tabau nguyên liệu dalam dom harei anak tal tuk tong abih dom sang mac saradang di bhum taneran krong CL tame vụ ngak saradang.

#/ Tiền Giang daok di gah hạ lưu kraong Tiền, dom thun jaik di ini, ia sua mai dak harei dak biar ngak ka urang nông bhum ia sua takik cap mek hu kaya iakn saong dom janih di bilan ia sua. Ia sua biar, mblang hamu kurang phù sa, urang nông njauk patagok jien blei khak drak saong jien njuk mek ia pruh padai, njam patam ngak ka bruk pala drak saong rai diuk dak harei dak kan kandah.

#/ Kayua urang pala tabau khat lihik rilo thun gam song khat lihik kayua pandiak bhang, njom mbak meng bloh nan ye, thun ni mblang taneh pala tabau di bhum taneran krong CL nyu trun, dui tui sản lượng tabau trun. Ni lac makna kurang tabau nguyên liệu dalam dom harei anak tal tuk tong abih dom sang mac saradang di bhum taneran krong CL tame vụ ngak saradang.

#/ 10 thun tapa, gah Cảnh sát pacang pandam apui khuah ban raya HCM hu ba lực lượng, pandap panda peih bruk pacang caga ka jiak 3000 mbang patuh khuah song dong urang gaok bala, dong hu labaih 1000 mbang karei, dong ka yaok rituh urang song khik hu drap ar yaom yaok pluh ribau tỷ đồng. Gah pacang pandam apui khuah di labik jeng langyah hu labaih 9000 mbang khuah, patuh meng di tuk rah tabiak, dong patrun khat lihik kayua apui khuah.

Patui di ini dom khau tin dunya:

#/ Thủ tướng Thái Lan Pra-út Chan-ô-cha brei thau, rajaei Thái Lan daok kham merat pacang cakak bruk mbuan hu ia sua bhian rah tabiak di TL thun 2011 ngak ka yaok rituh urang metai. Tui ong Pra-út Chan-ô-cha, rajaei TL daok ngak taong abih hagait meda ngak hu piah khik iek bruk dauk ia.

#/ Ngoại trưởng Đức Franh Xtênmâyơ brei thau, negar ni dok kuhria bruk pabak viện trợ dalam tukvak anak tal ka Ápganixtan, min Apganixtan brei peih bruk salih bahrau KT song taduan urang di cư hồi hương meng Đức

#/ Harei 4/10, ribuk khang Mát-thi tuh tame gah meraong di Ha-i-ti gam tui hajan praong, ngin khang ngak khat lahik trak ka menuac sia saong drap ar. Hu takik abih 3 urang metai, 2 urang lahik saong yaok rituh baoh sang jaleih./.