1 ** Patui danak dak mbang nyaom ka 5, harei ini 5-6, Quốc hội daok tangi sua urang pan akaok mintriTài nguyên saong Môi trường Trần Hồng Hà saong urang dang akaok mintriLao động Thương binh - Xã hội Đào Ngọc Dung.  Dahlau di nan, biar harei kabroi, Quốc hội hu tangi sua urang pan kaok mintri Tài nguyên - Môi trường ka bruk pambuak tal khik iek taneh riya di dom ban praong, dom labik hu ralo khiếu nại, tố cáo. Biar harei, Quốc hội tangi sua urang pan akaok Mintri Lao động, Thương binh - Xã hội ka bruk urang ngak di negar drei urak ini, bruk iek glang saong khik caga uraniah, jalan pasiam bruk taong paoh saong xâm hại uraniah

 2 ** Harei kabroi  (4/6),    biai song  gah báo chí lingiu mbang nyaom ka  5, Quốc hội mbang 14, Thủ tướng Nguyễn Xuân Phúc brei thau, dalam dom harei jiak di ni taduan hu rilo harak thư, tin nhắn, ieu phone di dom chuyên gia, urang prong thun, bhap bini saong jeng hu thau meng menuac urang pagam tal bruk di  dự án hukum Đơn vị hành chính - kinh tế đặc biệt Vân Đồn, Bắc Vân Phong, Phú Quốc. Thủ tướng brei thau, urak ni , dự thảo hukum dok dalam tuk vakpasiam veik piah pok tagok Quốc hội pasang iek, brei tapa dalam puac nyaom biai ni. "Thẩm quyền puac abih lac Quốc hội”.

3**   Harei 4-6, ông Nguyễn Minh Triết, dahlau daih  pan akaok negar hu mai rivang urang jakar, urang lin bhum Vành đai Bình Đức, dalam xã Song Thuận, huyện Châu Thành, tỉnh Tiền Giang.  Di mbang taom gaok, ông Nguyễn Minh Triết hu tangi sua raidiuk, tadhau ayuh pren yava dom urang jakar, urang dahlau daih ngak bol lin bhum Vành đai Bình Đức.  Tapa nan, ong Nguyễn Minh Triết, urang dahlau daih pan akaok taneh ia hu mbaok di tuk peih bruk jao baoh sang anit ranam ka amuk Nguyễn Thị Phương, sang sarak karja daok di palei Mỹ Phú, xã Song Thuận. Baoh sang hu pang ngak kayua ong Nguyễn Minh Triết jak ba.

4 ** Văn phòng Điều phối palei pala bahrau tỉnh Đắk Lắk bahrau peih nyaom biai brei panuac ka bộ tiêu chí xã mek hu tanut  chuẩn palei pala bahrau patglong tuk vak 2018 - 2020.   Di mbang nyaom dom urang hu ba tabiak rilo panuac  rik tame dom asar kadha  bộ tiêu chí paglong, dalam nan pataom tame dom asar kadha pagam tal hạ tầng giao thông, thiết chế ilamu song bruk tagok  kinh tế palei pala. Rilo urang mboh lac, dom asar kadha tacei tabiak dalam  bộ tiêu chí paglong lac biak glong song kan ngak hu tui bruk di anak meta.

5**  Thanh tra huyện Chư Sê, tỉnh Gia Lai bahrau mboh UBND xã Al Bá caik rah tabiak bruk ngak suan gah jien padai yaok rituh triệu đồng, nan ye payua hồ sơ bruk nan tapa gah công an điều tra. Tui panuac di Thanh tra huyện Chư Sê, dalam 2 thun 2016-2017. Abih tih yaom jien sai phạm di Đảng ủy, UBND xã Al Bá saong ong Nguyễn Công Dũng, Chủ tịch UBND xã Al Bá tagok tal labaih 300 triệu đồng. Thanh tra huyện Chư Sê hu payua harak hồ sơ bruk nan tapa Công an huyện Chư Sê piah duah thau, ngak brei cambaih laih.

6**  Piah pacang caga bruk rah tabiak di áp thấp nhiệt đới, dom palei pala hu peih bruk yaok  kapan gaiy, khan ka dom po kapan samar plaih nyaih  áp thấp nhiệt đới. Dom tỉnh, ban Thừa Thiên - Huế, Đà Nẵng, Quảng Ngãi oh brei tabiak tasik. Taeng di tỉnh Quảng Ngãi, urak ni hu 216 kapan ikan song  labaih  2.500 urang ngak dok tong chap di tasik   Hoàng Sa song rường Sa thau hu jalan piah nyaih di áp thấp nhiệt đới song duah labik pataok siam mekre. Urak ni hu labaih 2000 tuai du lịch dok gar veik di huyện palao Lý Sơn.

      Patui di ni dom khau tin dunya:

7**   Harei kabroi (4/6), Toà án tỉnh Chi-ba (Chiba), Nhật Bản, ba tabiak xét xử bruk uraniah kumei Lê Thị Nhật Linh njauk urang pametai di bilan 3 thun bloh. Kuhria meng harei njauk chap kreik tal harei ini, nghi phạm Ya-sư-ma-xa Si-bư-ya (Yasumasa Shibuya) jeng oh peih cambuai ndom biai hagait nan ye bruk tố tụng njauk trì hoãn. Phiên toà pachreih hu bruk sangka biak praong di menuac sia 2 taneh ia. Hu thau, nghi phạm Shi-bư-ya daok oh taduan dom cáo buộc saong lac dom bằng chứng hu ba tabiak lac kayua urang padang tagok. Tui kuhria, phiên toà tabiak panuac tuyên án  di harei 18/6 tal./.

 8 ** Thủ tướng Campuchia Hun Sen harei kabroi  (4/6), brei thau sa danka dak hu yaom yaok  triệu đôla Mỹ piah dong ka urang kamei metain kan kathaot, tui kuhria hu peih ngak meng kreih thun anak. Tui  Thủ tướng Hun Sen, tui kuhria sa urang amaik kan taduan hu  40 đôla Mỹ dalam tuk iek glang dok metain, 50 đôla Mỹ dalam tuk menek song 100 đôla Mỹ dalam tuk iek glang hadei di tuk ndih tapui bloh . Danak dak dong ba ni hu peih ngak meng kreik thun  2019, tui kuhria buh tabiak  4,95 triệu đô la dalam thun camereip, 7,75 triệu đôla Mỹ dalam thun ka 2 song tagok tal  10 triệu đôla Mỹ dalam thun ka 3.

 9**  Inđônêsia ngak hu bruk ba tabiak lac patrun bruk kan kathaot daok ala 10% dalam thun ini, biar jang tanut 10,12% di bilan 9 thun bloh. Brei panuac dalam mbang tangi sua di quốc hội harei kabroi (04-06) di Gia-các-ta, akaok mintri Kế hoạch Phát triển Bam-bang Brô-giô-nê-gô-rô (Bambang Brodjonegoro) brei thau, kuhria tal bilan 9 thun bloh, hu 26,58 triệu menuac jeng daok diukra ala tanut kan kathaot, dalam nan hu jaik 10 triệu menuac jaik tal labik biak kan kathaot. Akaok mintri Brô-giô-nê-gô-rô brei thau, meng bruk pambuak gauk di dom ban ngành, Inđônêsia meda kham merat patrun bruk kan kathaot eik lipa daok 8,5 tal 9% di thun 2019./.