1# Harei ni (5/6), Quốc hội hu caik sa harei ngak bruk di hội trường piah ginum biai ka bruk peih ngak sarak hukum hacih saat pandap mbang tuk vak 2011-2016.

2/ Thủ tướng Nguyễn Xuân Phúc saong diuk di ong gam saong kapul urang pakat glaong Việt Nam  daok rivang Nhật Bản saong hu mbaok tame nyaom meyai Tương lai Châu Á mbang ka 23 di Tokyo meng harei 4 tal harei 8/6 tui panuac daa di Thủ tướng Nhật Bản Sin-dô A-bê. Tui danak dak, Thủ tướng  Nguyễn Xuân Phúc hu brei panuac di mbang peih nyaom meyai Tương lai Châu Á saong dom biai nao mai hong dom urang dalam nyom biai. Thủ tướng jeng hu mbaok chủ trì sa nyaom meyai xúc tiến đầu tư praong di ban ine Tokyo, hu mbaok maong iek bruk mbaoh tangin dom văn kiện pambuak bruk di dom mintri, ngành saong doanh nghiệp dua taneh ia. 

 3/ # Harei 4/6, di palao  Phú Quý, tỉnh Bình Thuận, danak dak Sinh viên song palao tasik hu angan “khang chủ quyền, pandag mbang ngui meng tasik” kayua Trung ương Hội Sinh viên Việt Nam peih ngak hu tamat veik hadei di 3 harei  rah tabiak- meng harei 2 tal  4/6. 500 sinh viên dalam negar hu mbaok dalam rilo bruk ngak, praong di abih lac parang iek 15  hatai sahneng patagok kinh tế song mô hình khoa học pamong tal palao tasik, pachreih hu bruk sangka di sinh viên song dam dara huyện palao kaoh.  Jeng dalam danak dak, Trung ương Hội Sinh viên Việt Nam dok peih bruk padang ngak geing dok chủ quyền angaok palao Phú Quý, hu makna chính trị prong dalam brei mboh chủ quyền palao tasik Việt Nam.

4/ Hadei 5 harei pakacah chreih chrai, melam  4/6, harei pataom pakacah thể thao dom bangsa takik pakat negar mbang ka X, bhum II, thun 2017 hu tamat bloh di ban sit Buôn Ma Thuột (Đắk Lắk). Tamat harei pakacah, kapul tỉnh Đắk Lắk mek hu giải sa toàn đoàn ngan saong 18 Huy chương ameh, 6 Huy chương pariak, 8 Huy chương bal. Harei pakacah oh lac tuk piah khik ramik, patagok dom yaom glaong ilamu di dom janih thể thao di bhap bini bangsa takik bo daok lac tuk piah patagaok bruk taom gaok ndom meyai nao mai, bac megru gauk, brei mboh bruk jum pataom di dom bangsa adei saai mai meng dom kapul thể thao hu mbaok tame pakacah.  

5/ # Pasak Y tế dự phòng tỉnh Tiền Giang brei thau, meng bilan 3 tal akaok bilan  6 ni, dalam tỉnh hu 450 urang ruak tangin takai cambuai, tagok labaih 74% dut song tuk vak ni thun dahlau. Abih di nyu nan lac ruak ni tagok glong meng bilan tal urak ni, rah tabiak di tong abih  puk palei dalam tỉnh. 

6/ Dalam tỉnh Bến Tre urak ini hu labaih 27 ribau ha phun mbang baoh mek hu sản lượng yaok thun labaih 300 ribau tấn. Dalam nan hu 5 janih phun mbang baoh dang khang yau: kruac bung kanduh hijao, chôm chôm, durieng, darang saong makhut. Tukvak tapa, tỉnh ini hu padang 10 HTX, 128 tổ pambuak bruk sản xuất baoh kayau thương phẩm. Dalam nan, hu 20 tổ pambuak bruk sản xuất hu brei chứng nhận GAP ngan saong labaih 270 ha.

7/ # Kuhria tal harei 31/5 thun ni, hu labaih 453 urang ruak pandiak tabiak darah, tagok 111 urang dut song tuk vak ni thun dahlau (342 mbang), oh ka hu urang halei metai. Dom puk palei hu urang ruak pandiak tabiak darah tagok glong lac Ninh Kiều, Thới Lai, Bình Thủy, Phong Điền, Cái Răng song Ô Môn. Tui kuhria dalam tuk vak anak tal rusk pandiak tabiak darah dok rah tabiak song dok tamuh jeng jit .

Patui di ini dom khau tin dunya:

8/ Ai Cập saong Ả-rập Xê-út brei patagok talei pambuak taong abih bruk di dua taneh ia, abih di nyu nan lac dalam bruk mesruh pacang chủ nghĩa cực đoan saong khủng bố, pacang cakak dom jalan ba jien padai ka kol khủng bố.

9/ Urang vak di rayo sap ndom VN dok di Campuchia brei thau, tapa pasang iek oh ka ginup abih mbang palih ruah  Hội đồng xã phường mbang ka 4 di Campuchia rah tabiak harei kabroi (4/6) brei mboh lac, đảng Nhân dân cầm quyền (CPP) mek hu rilo ghế di abih dalam 12 đảng hu mbaok tame tranh cử.Ni hu mong lac jalan peih tabiak ka bruk pachreih tui di cử tri brei ka dom đảng dahlah di mbang palih ruah Quốc hội mbang ka 6 rah tabiak dalam bilan 7 anak tal.  

10/ Thủ tướng Anh Thê-rê-sa Mây brei thau, bruk bầu cử diAnh jeng rah tabiak di harei 8/6 yaom lac hu bruk tấn công barau rah tabiak di Luân đôn ngak 7 urang metai saong 48 urang karei njauk rambuah./.