1/ # Ninh Phước lac labik hu taneh ngak ong prong abih di  tỉnh Ninh Thuận, jiaik 9.000 hecta. Tuk vak tapa, huyện Ninh Phước hu tacei dom puk palei palih ruah dom janih hu pren khang, padang labik pala praong, palagaih ka bruk ba tame pandar ilamu công nghệ piah patagok gah ngak nông tui jalan khang kajap.

2/ Đắk Lắk lac bhum pala cà phê praong di taneh ia min bruk pandar công nghệ glaong tame ngak cà phê daok ralo hạn chế nan ye kein laba kinh tế oh ka glaong.

3/ # Uỷ ban bhap bini   huyện Đăk Hà, tỉnh Kon Tum brei thau, huyện buh tabiak meng kadung jien karja labaih 280 triệu đồng dong ka 5 boh sang di ban sit Đăk Hà và xã Đăk Mar hu rong ikan lồng di danao thủy điện Pleikrông  metai di harei 11 tal 13/7. Yaom dong ni yaom lac oh glong dut song khat lihik di urang (labaih2,3 tỷ đồng) min hu dong ka urang yam tapa kan kandah, pasiam veik bruk ngak.

4/ Tukvak tapa dom pakat kapul urang kamei tỉnh Vĩnh Long hu peih ngak ralo jalan daong urang hội kamei kan kathaot hu mesraiy phun jien meng dom danak dak ủy thác piah patagok kinh tế; dak padang dom mô hình daong urang kamei patagok kinh tế piah tapa kan kandah yam tagok, paglaong rai diuk.

5/ # Meng akaok thun tal ni Kiên Giang hu  361 urang ruak pandiak tabiak darah, rilo jang 1,7% dut song tuk vak ni thun  2016 (355 mbang). Dom puk palei hu urang ruak rilo di abih lac ban  Rạch Giá, huyện Châu Thành, Hòn Đất, Giồng Riềng, An Biên.

6/ Giám đốc Sở Lao động, thương binh saong xã hội Đồng Nai brei thau, dalam 6 bilan puac thun 2017, ngành hu pataom tame peih ngak dom bruk pambuak tal urang ngak. Dalam nan, ngành hu pataom mbaok tame pasang iek, duah thau cung – cầu lao động; patakik bruk đình công, tranh chấp lao động tập thể, patakik bala lao động, langyah BH oh hu bruk ngak, daong dom urang dalam gah khik iek blei harak BHYT.

7/ # Tuk vak tapa, bruk “Kapul urang dahlau deih ngak bol lin dong gauk patagok kinh tế boh sang” hu dom pakat kapul urang dahlau deih ngak bol lin ban Đồng Xoài, tỉnh Bình Phước peih ngak khang. Lingiu dom pok jien mesraiy dong bruk ngak ka hội viên, hội cơ sở jeng hu peih bruk jak ba urang hội padang “Quỹ đồng đội” piah hu phun jien xoay vòng dong urang hội patagok  kinh tế boh sang. Urak ni abih tih yaom jien di quỹ đồng đội di ban sit hu  4,6 tỷ đồng. Meng kadung jien ni dong ka labaih 450 urang hu mesraiy phun jien.

Patui di ini dom khau tin dunya:

8/ Hội đồng Bảo an Liên hợp quốc hu brei tapa Sarak ka pacang cakak dom kapul khủng bố tiếp cận vũ khí, abih di nyu nan lac vũ khí sit saong hanjul, oh lui caik ka kol khủng bố pataom piah saong pandar sung hukum, ngak jeng bruk đe dọa tal sron mbon hong an ninh dunya, ngak ka ralo urang metai.

9/ # Thủ tướng Ô-xtrây-li-a Man-côm Tơn-bun (Malcolm Turnbull)  brei thau, gah tình báo negar ni hu patrun panuac  cảnh báo đe dọa ka an ninh hàng không, hadei di tuk gah an ninh taong tayah hu sa bruk caong   khủng bố di angaok kapan haoh pambuak tal kol IS

10/ Sa thun hadei harei cử tri taneh ia Anh buh phiếu palih ruah tabiak truh Liên minh châu Âu (EU), daok ieu lac Brexit, bruk lạc quan ka harei hadei di EU daok patagok saong hatai jia ngan saong liên minh inidaok di tanut glaong di abih kuhria meng thun 2010./.