#/ Patui danak dak taom gaok cử tri, harei 5/10, ong Đinh La Thăng, Uỷ viên mintri Chính Trị, Bí thư Thành uỷ ban raya Hồ Chí Minh song dom urang QH đơn vị bầu cử ka taom gaok cử tri Hốc Môn. Tapa nan cử tri hu panuac payua tal QH dom bruk yau, brei pambuan  dom thủ tục hành chính, khik ramik song hu jalan chế tài bruk palai pajoa dalam đầu tư công ,pasiam patagok jalan mbak puk palei, krong ribong jang yau jalan tathauk ia di dom jalan prong. Rajaei iek veik hukum, sarak taneh riya, abih di nyu nan lac taneh ngak nong, khik ramik song langyah hareik thải y tế, pandap mbang oh hacih song oh siam.

# Thủ tướng rajaei barau brei pabak 226 tỉ 918 triệu đồng ka 22 tỉnh meng kadung jien daong urang taong cap ikan ngak kapal taong cap ikan atah binek piah peih ngak sarak patagok kaya ikan dalam thun 2015. Thủ tướng rajaei tacei lac  bruk khik iek saong pandar yaom jien pabak ngak tui quy định urak ini.

#/ Danak dak pabak tapuk ka palei pala, harei 5/10, peih bruk jao 400 tapuk brei ka sang bac Tiểu học xã Hải Hòa, huyện Hải Lăng, tỉnh Quảng Trị. Dom janih tapuk jao brei mbang ni hu truyện cổ tích, truyện tranh, sajarak dak rai, khoa học, văn học, Adei Nguyễn Phi Hùng, anek saih tal 3C, sang bac Tiểu học Hải Hòa, huyện Hải Lăng, tỉnh Quảng Trị lac:

Adei biak takre puac tapuk, adei biak sambai tuk taduan hu tapuk di danak dak pabak tapuk palei pala kayua nyu biak lagaih ka adei. Adei sinya kham merat puac biak rilo song dar phol dom cei gru anai gru, dom cei dalam danak dak hu jao ka adei dom tapuk ni

#/ Tal urak ini, gilang pariak Vietin Bank - dhar Đà Nẵnghu daong ban Đà Nẵng labaih 45 tỷ đồng padang ngak, pasiam veik labaih 500 baoh sang ka urang kan kathaot, sang cộng đồng pacang cakak bala langik tasik. Langiu di nan, gilang ini daok alin gah y tế ban  Đà Nẵng 2 sruh radaih ô tô chuyên dụng, piah cấp cứu urang njauk bala.

# Anak bruk pandiak bhang bhian rah tabiak dalam bilan Đông Xuân ngak ka rilo mbLang taneh padai ia khat trak. UB bhap bini tỉnh Kon Tum hu ba tabiak đề án salih labaih 1000 ha taneh pala padai tapa dom janih phun pala karei. Tui nan, meng bilan đông xuân 2016-2017 anak tal, tỉnh Kon Tum salih labaih 1000 ha taneh pala padai tapa pala jiak 400 ha bei plom, 244 ha tangei, labaih 152 ha njam patam ratak song labaih 32 ha hareik rong glang.

/ Kapul daong urang kan kathaot Tây Nam Bộ saong Ub bhap bini ban cần Thơ barau alin 1000 paok jien bac ka sinh viên kan kathaot yam tapa kan kandah di bhum Tây Nam Bộ. Yaok paok jien bac yaom sa triệu đồng hu alin ka dom sinh viên kan kathaot yam tapa kan kandah dalam bac daa di dom sang bac: Đại học Cần Thơ,  Đại học  Y Dược Cần Thơ, Đại học Tây Đô saong sang bac  Đại học  Kỹ thuật, Công nghệ Cần Thơ.

#/ Dom pluh thun tapa, cơ sở sik ngak athur rong prong di boh sang ong Nguyễn Hữu Danh di palei  Trung, xã Dưỡng Điềm, huyện Châu Thành, tỉnh Tiền Giang ngak nerak tachauk môi trường trak, oh siam ka pren yava bhap bini. Bhap bini song karja puk palei hu rilo mbang kakei min cơ sở ni dok ngak suan, ngak dut hatai ka menuac urang di labik ni.

Patui di ini dom khau tin dunya:

#/ Urak ini urang nông CPC daok kandaong labaih jaik 200 ribau tấn padai cao sản oh ka pablei hu. Tui panuac langyah di ong Sốc Pu-thi Vút - akaok Liên đoàn padai brah Campuchia, hu bruk ini kayua sản lược padai brah di CPC thun ini tagok khang, dalam tuk nan dom taneh ia xuất khẩu brah praong yau TL hu xuất khẩu padai tồn kho, ngan kan kandah tal bruk pablei padai dalam taneh ia

#/ Brei panuac hadei di  ginum biai mbang ka sa Tiểu ban pablei salih song đầu tư Thái – Trung  di Băng Cốc adit dahlau, Thứ trưởng Thương mại Thái Lan  Su brei thau, TL song TQ njauk hatai gauk patui jalan pambuak bruk patagok 5 thun meng thun 2017 tal thun 2021 dalam 14 kadha song tagok talei pambuak bruk 5 kadha bahrau dalam nan hu patagok cơ sở hạ tầng công ngh, dom gah ngak công bahrau, công nghệ thông tin song pathau khan, khoa học công nghệ song năng lượng thay thế.

#/ Ribuk Ma-thiu, ribuk khang abih bhum Ca-ri-bê dalam jaik sa abhap tapa, tuh tame Ba-ha-mát saong takai tasik gah timur đông bang Phlo-ri-đa Mỹ.  Dahlau nan, ribuk nyu palai pajoa Ha –i-ti saong Cuba ngan saong ngin khang tal 230km sa tuk, gam tui hajan praong ngak dauk ralo puk palei, ban sit, taneh pala drak saong dom labik padeih padai, ngak takik di abih 17 urang metai./.