1# Ngan song kadha “ngak jeng pren khang bahrau, ba gauk pabak ka harei hadei” harei 6/11, adit pakat glong APEC 2017 hu peih  tabiak di ban Đà Nẵng. Ni lac bruk pakat dunya biak prong, pachreih hu bruk sangka di dunya, lac tuk piah ka dom urang pang akaok dom nền kinh tế Châu Á-Thái Bình Dương ginum biai , ba tabiak dom sarak chính trị-kinh tế prong, jang yau dom jalan ngak ba dunya yam tapa kan kandah,ba cuang kandah jeng siam lagaih song pren khang jhul pakhang patagok dunya .

2# Harei ini 6/11, mbang nyaom ka 4 Quốc hội mbang 14 yam tame adit ngak bruk ka 3. Tui Kuhria, Quốc hội caik dua harei akaok adit ginum biai di hội trường ka dom pathau khan ka bruk di Chánh án Tòa án bhapnini tối cao, akaok Viện kiểm sát bhapnini tối cao thun 2017; bruk pacang caga tội phạm saong ngak suan adat hukum; bruk thi hành án; bruk pacang caga tham nhũng thun 2017 saong ginum biai ka bruk ngak tui bruk negar ka bình đẳng giới.

          3# Ủy ban negar dong duah  urang gaok bala brei thau, tal beir harei 5/11, hu ieu pataom 24 kapan di  Hải Quân, Cảnh sát tasik, bộ đội biên phòng, Pasak dong duah urang gaok bala Hàng hải song dom kapan pajeng pandap, kapan ikan samar dong duah 12 kapan pajeng pandap kram song gar di bhum TASIK Bình Định, Khánh Hòa. Tong abih menuac gaok bala angaok tasik dalam ribuk 12 hu 103 urang.

4 # Uỷ ban Trung ương MT negar Việt Nam parabha 3 tỷ đồng daong dom tỉnh gaok khat lihik kayua ribuk ka 12. Dalam nan hu dom tỉnh Khánh Hòa, Phú Yên, Bình Định, Đắk Lắk, Quảng Ngãi.

5# Harei 5/11, Trung ương Hội Chữ thập đỏ Việt Nam hu dong chip mbang camereip pandap panda hu yaom jiak 1,1 tỷ đồng ka dom labik gaok bala trak kayua  ribuk ka 12. Dalam nan hu  750 triệu đồng jien mbaok song  600 bình halang ia inox, 100 bộ dụng cụ pasiam veik sang danaok, 2 thùng jru asar khử khuẩn Aquatabs ka dom boh sang njauk   khat lihik trak di dom  tỉnh: Khánh Hoà, Bình Định, Phú Yên song Đắc Lắc.

 6#  Harei pok meyaom anek saih, sinh vien bangsa takik hadah trah thun  2017 barau peih ngak di Hà Nội. Harei ini, mban peih ngak hu alin harak meyaom di uy ban bangsa ka 161 anek saih, sinh viên bangsa takik hadah trah. Dalam ini hu 95 anek saih mek hu giải pakat negar dom môn ilimo, 62 anek saih mek hu điểm glaong hu xét tuyển tame dom sang bac đại học thun bac 2016-2017, 4 sinh viên mek hu huy chương di dom mbang pakacah thể thao pakat dunya. 

7# Dom harei tapa, bhap bini di tapen krong  Krông Bông song danao Ea Tông, di huyện Krông Bông, tỉnh Đắk Lắk chap hu biak rilo ikan tầm lac sa janih pandap mbang siam, kayua danao rong ikan  tầm di gah  thượng nguồn pacah, nduac tabiak gah langiu. Bhap bini di xã Yang Hanh, Yang Mao, Cư Drăm, Cư Pui… chap hu biak rilo ikan tầm meng dom krong danao, mblang hamu  song  yaok drei ikan trak  meng  1 tal  2kg; hu dom dam dara chpa hu dom mbao tải ikan, trak labaih 100kg.

Khaw tin dunya

8#  27 urang hu brei thau lac metai saong rilo urang gaok rambuais di mbang cuh phao di sa nhà thờ di bang Tếch-dát, Mỹ, harei  05/11. Angan urang cuh phao ini lac Đê-vin Pa-tờ-rích Ke-li (Devin Patrick Kelley), 26 thun saong gaok cảnh sát cuh metai. Libik rah tabiak mbang cuh phao lac sa nhà thờ di Su-dơ-len Sờ-pờ-rinh (Sutherland Springs) di hạt Uyn-xơn (Wilson).

9 # Harei5/11,  di Niu-ơ-giần (Nieuwegien), Hà Lan, hu rah tabiak bruk yaih khan pandap mbang huak Việt Nam mbang ka 3,  hu mbaok di labaih  500 tuai dalam nan hu rilo ayut sahabat hà lan saong dunya anit aram ilamu saong pandap mbang  Việt Nam. Bruk nan hu angan “Góc Việt nhỏ” (Vietnam Little Corner) mbang ni kayua lambaok bhap bini urang Việt Nam dok di ban U-trét (Utrecht), pambuak bruk song lambaok Kapul sinh viên Việt Nam di  Hà Lan peih ngak.

10# Melam 5/11, Diễn đàn dam dara dunya barau peih pakak di ban Sam En Sếch (Ai Cập). Diễn đàn rah tabiak meng harei 4-10/11, pachreih yaok rabau urang jakar saong dom urang ranaih umo lambaok ka dam dara di 113 taneh ia mai pataom mbaok.