1# Biar harei 5/4, Thủ tướng Nguyễn Xuân Phúc saong kapul pakat glaong rajaei Việt Nam mai veik tal Hà Nội, tamat siam mekre mbang hu mbaok tame nyaom biai pakat glaong Ủy hội sông Mekong pakat dunya (MRC) mbang ka 3 tui panuac da-a di Thủ tướng Campuchia Samdech Techo Hun Sen.  Mbang hu mbaok tame nyom biai mbang ini di Thủ tướng Nguyễn Xuân Phúc hu brei mboh bruk sangka saong bruk sanya khang di Việt Nam ngan saong dom kadha pambuak gauk dalam dom bruk di Ủy hội tui jalan di Hiệp định Mê-công 1995, rik daong patagok labik dang di Ủy hội jeng yau bruk jum pataom, pambuak bruk di dom taneh ia thành viên kayua kein laba haong gauk. Tapa nan, Thủ tướng hu taom gaok lambaok urang Campuchia asal Việt daok di Siem Reap, tadhau ayuh mikva tuk tame Tết meng kan di Campuchia.

2 # Tui pathau khan bahrau ba tabiak di gilang pariak (WB) dalam 6 thun , hu 1,8 triệu urang bangsa takik di  Việt Nam patruh kathaot, trun meng  8,4 triệu thun  2010 trun dok  6,6 triệu urang dalam thun  2016. Hu ba tabiak di beir  harei 5-4, pathau khan "Jalan nao bahrau: patrun kathaot song khang kajap  di Việt Nam" di gilang pariak dunya (WB) brei thau dalam  9,1 triệu urang kathaot di  Việt Nam thun 2016, nyaom bangsa takik labaih  72%, samu song  6,6 triệu urang

    3#Dom harei tapa, pabo di urang raong di tỉnh Ninh Thuận nyu metai rilo. Pabo metai dak harei dak rilo ngak ka urang raong biak duh hatai. Ong Trương Khắc Trí - Chi cục trưởng Chăn nuôi và thú y Ninh Thuận brei thau, daok brei urang jakar trun pasang iek, duah thau bruk pabo metai.. Chi cục hu panuac kakei dom sang raong njauk khik caga pandap mbang. Lingiu di nan, takik cakrok tapon veik, njauk pablei meneing pabo tal tuk pablei ralo, ba tapn pabo nao tal labik hu ia, hu pandap mbang. Ninh Thuận urak ini hu labaih 160.000 drei pabo, rilo meng mboh di Ninh Phước, Ninh Sơn, Bác Ái.

4 # Tỉnh Phú Yên bahrau parabha labaih 120 tỷ đồng meng gilang pariak Trung ương piah dong ka dom puk palei peih ngak danak dak pakat negar patrun kathaot khang kajap  thun 2018, dalam nan phun jien buh ka bruk ngak mbang patagok lac labaih 91,5 tỷ đồng. Phun jien nan hu buh tabiak tui danak dak 30a song danak dak  135 di rajaei piah dong padang ngak  cơ sở hạ tầng song patagok bruk sản xuất, đa dạng hóa sinh kế, peih prong  mô hình patrun kathaot di 2 huyện bhum ceik lac  Đồng Xuân song  Sông Hinh, 11 xã biak kan kandah , 29 palei biak kan kandah  song  11 xã kathaot dok di tapen tasik

    5# Meng thau ba dom ilamu kỹ thuật tame ngak, thau caga biến đổi khí hậu tapa bruk tabiak tukvak trun pajaih lagaihka yaok bhum palei piah plaih bhang pandiak, a mbak… nan ye urang ngak nong Tiền Giang hu sa bilan Đông Xuân jayah praong di abih kuhria meng dahlau mai, gam pala njauk, gam pablei hu yaom. Jien laba di mikva hu jaik 25 triệu đồng/ha, rilo jang 6,7 triệu đồng/ha duk saong bilan Đông Xuân 2016 – 2017.

Patui di ni dom khau tin dunya:

6 # Dom  urang  khảo cổ Ai Cập bahrau duah mboh inem mek di sa  kalan  ngak tui kiến trúc Hy Lạp - La Mã cổ đại di palao  Siwa, labik  sa mạc Tây di negar ni. Bộ Di tích cổ  Ai Cập brei thau kalan nan hu duah mboh tuk dom urang  khảo cổ peih bruk duah di labik  khảo cổ Al -Salam atah di palao  Siwa 50 km mai gah pai. Nyaom dom urang ilamu  khoa học  hu duah mboh mặt tiền, sa binah ging bimon kalan, song jalan ba tame tal mblang bein song rilo patau hu kapan 1m di daneing gah langiu  kalan .

7# Tổng cục Du lịch Thái Lan daok hu jalan peih ngak dom lễ hội meng kan tuk tết Xổng-kran di dom tỉnh pakat 2, piah dui pachreih tuai damuai mai tal dom labik ini. Piah pachreih bhap bini dalam taneh ia padeih lễ piah nao me-in rilo jang, rajaei Thái Lan hu panuac ieu ka bruk  "Njauk padeih padei", saong brei giảm thuế ka tuai damuai mai rivang 55 tỉnh pakat 2. Dom hãng pabak bruk par, khách sạn, xe khách, pandap mbang menyum jeng brei thau bruk trun yaom ka tuai dalam tuk tết Xổng-kran thun ini (meng 12 tal 16 bilan 4).

8 # Hàn Quốc song Triều Tiên bahrau ginum biai pakat chuyên viên piah ginum biai ka bruk an ninh song dom bruk  hu  tính ngoại giao pagam tal mbang taom gaok pakat glong  liên Triều rah tabiak di puac bilan ni . Mbang ginum biai hu rah tabiak harei kabroi  ( 5/4) di  làng đình chiến Bàn Môn Điếm, labik jalan tapen negar 2 taneh ia ./.