1# Patui mbang nyaom ka 5, Quốc hội mbang 14, page ini (7/6), Quốc hội ginum biai ka Hukum CA bhap bini saong Hukum raong glang. Mesup, Quốc hội ngak bruk di hội trường. ong Tô Lâm - akaok mintri Công an, hu Thủ tướng brei adat puac harak pathau khan ka dự án Hukum Công an bhap bini (pasiam veik). Patui di nan, Chủ nhiệm Văn phòng Quốc hội Nguyễn Hạnh Phúc puac harak pathau khan ka danak dak ngak bruk di Quốc hội thun 2019. QH ginum biai di hội trường ka danak dak ini. Biar harei, Quốc hội ginum biai di tổ ka 2 dự án Hukum raong glang saong Hukum Công an bhap bini (pasiam veik).

2 # Tapa tui iek bruk javap jalei di dom akaok mintri pato megru Phùng Xuân Nhạ di  mbang nyaom  Quốc hội mesup harei (6/6) ka bruk paglong ilamu đạo đức dom gru pato, cử tri Phan Văn Đạo daok di jalan Hùng Vương, ban Pleiku, tỉnh Gia Lai ndom lac akaok mintri hu ba tabiak dom jalan ngak min dahlau di abih brei lang talaik dom tavak tavaiy dalam bruk bayar jien bilan ka gru pato, tuk jien bilan  ginup duik ye trun hu dom  tiêu cực ngak jhak tal đạo đức di gru pato. 

3# Page mesup harei 6/6, kapul Cảnh sát Pacang caga tội phạm gah môi trường, Công an TP. Biên Hòa vaih tame pasang iek cơ sở di amuk Huỳnh Thị Kim Hoa (33 tuổi) daok di khu phố 9, phường Tân Hòa, TP. Biên Hòa, tỉnh Đồng Nai. Tapa nan, mboh 6 urang daok daok ngak tung pruac limo di labik nerak tachauk, lingiu di nan, daok hu yaok rituh kg tai jai tung pruac daok caga tram jru ngak brei patih mbong piah ngak pandap. Pô cơ sở oh hu harak gar hagait brei thau asal di pandap. Urang ini khan lac,, yaok harei nao blei tung pruac di dom labik sik ngak ralo athur ba mai ngak, bloh ba nao pablei di dom darak praong di dom tỉnh Đồng Nai, Bình Dương saong TP. Hồ Chí Minh. 

4 #Tui kuhria mboh di jabat chức năng tỉnh Bình Dương, labaih 80% mbang radeih phaok gauk di tỉnh hu pagam tal alak mbia. Dalam nan dom mbang radeih phaoh gauk kayua urang peih radeih  mô tô 2 kon menyum alak mbia bhian rah tabiak trak. Piah patrun dom mbang radeih phaoh gauk di tỉnh, Phòng Cảnh sát giao thông, Công an tỉnh Bình Dương pataom tame jak ba, pathau khan bhap bini ngak njauk tui quy định ka bruk pandar alak mbia tuk peih radeih di angaok jalan. 

5# Thun ini, mbang akaok meti labaih 40 ribau bhap bini daok di bhum pulao kaoh huyện Tân Phú Đông, tỉnh Tiền Giang hu ginup ia taba piah pandar. Hu yau nan mai meng hu danak dak dui katung jalan nding ba ia hu công suất 10 ribau mét khối ia sa harei melam di sang mac BOO Đồng Tâm meng baoh taneh tapa kraong cửa Tiểu tal bhum pulao kaoh ini. Piah pabak siam jang ia taba piah pandar saong piah pala drak ka bhap bini labik jhung pulao Tân Phú Đông, urak ini, palei daok padang ngak jalan nding raok ia tapa kraong Cửa Trung saong yaom jien labaih 1,2 tỷ đồng.

# Patui di ni dom khau tin dunya:

6 # Jabat pasang iek jit ruak di Thái Lan harei ni khan lac, labaih 500 urang njauk ruak pandiak tabiak drah di  bhum Đông Bắc negar ni.Abih tih  488 urang njauk ruak pandiak tabiak darah  daok di dom tỉnh lac Na-khon Rát-chạ-xị-ma (Nakhon Ratchasima), Xu-rin (Surin), Chai-ya-phum (Chaiyaphum) song Bu-ri Ram (Buri Ram) meng harei  1/1 tal harei 5/6. Dalam nan Na-khon Rát-chạ-xị-ma hu mong lac sa labik tamuh jit ruak khang di abih,  ngan song  233 urang hu  chẩn đoán njom ruak pandiak tabiak drah . Min, mbiah tal harei ni oh hu urang halei metai.

7# Dalam harak brei thau payua tal gah hàng không dân dụng dunya (ICAO) saong Cục hàng không liên bang Mỹ (FAA), gah hàng không Xinh-ga-po harei ini brei thau, taneh ia ini brei hạn chế không phận dalam tukvak rah tabiak nyom biai pakat glaong Mỹ- Triều tui kuhria lac harei 12/06 tal. Harak nan brei thau cambaih, không phận Xinh-pa-po brei hạn chế dalam dom harei 11,12 saong 13/6. Tui nan, taong abih dom kapal haoh tal mblang kapal haoh pakat dunya Chang-di (Changi) brei giảm tốc độ saong hu dom hạn chế gah pandar đường băng kayua bruk an ninh negar.  

          8 # Jabat thống kê  Ôxtrâylia (Australia) harei kabroi  (6/6) khan lac, tổng sản phẩm quốc nội (GDP) di negar ni bahrau mek hu tanut tagok glong di abih meng di thun 2016 tagok tanut  3,15. Yaom tagok ni brei mboh 27 thun tagok gam bo oh laik tame suy thoái di  Ôxtrâylia. Giám đốc Gilang pariak khik piah  Ôxtrâylia Xcót Mô-ri-xơn (Scott Morrison) brei thau, bruk tagok ni hu mong lac kayua hatai jia tagok khang tuk rajaei sinya tagok bruk ngak song jhul pakhang kinh tế. Urak ni dalam thun tapa, tui kuhria, yaok harei hu labaih  1 ribau bruk ngak bahrau  hu ba tabiak di Ôxtrâylia./.