1/Harei  6/7, di ban ine Béc-lin, Đức, Thủ tướng Nguyễn Xuân Phúc hu mbaok di mbang peih Diễn đàn Kinh tế Việt Nam-Đức. Di nyaom biai, dom urang ndom lac, Việt Nam lac gah kinh tế hu tong yaom glong ka bruk sami samar saong hu pren khang piah buh jien tame ngak mbnag. Rajaei Việt Nam dok pataom tame langyah dom tavak tavaiy, kan kandah ka  doanh nghiệp song ni lac jalan nao njauk bo rajaei brei patui ngak.

 2/ Jeng dalam harei 6/7, ong Phạm Minh Chính, Ủy viên mintri Chính trị, Bí thư Trung ương Đảng, akaok Ban tổ chức Trung ương gam saong kapul urang Quốc hội Quảng Ninh taom gaok cử tri huyện bhum ceik Hoành Bồ saong ban sit Quảng Yên, tỉnh Quảng Ninh, bloh daok hu nao rivang saong alin hadiah 200 paok pandap ka dom baoh sang sarak karja, urang hu buh pren yava ka cách mạng tuk pahadar harei 27/7. Di mbang taom gaok, dom cử tri hu panuac caong khin paglaong yaom daong, phụ cấp ka dom chức danh yau Bí thư gam lac akaok palei; peih ngak biên chế pato megru, y tế.

3/   Tal tuk vak ni, 63 tỉnh, ban hu khan brei thau  điểm  pakacah trung học phổ thông  pakat negar thun 2017 angaok  website di Sở pato megru song Cổng thông tin tuyển sinh di mintri pato megru, avar jang sa harei dut song quy định di mintri. Tapa điểm  pakacah di anek saih thun ni brei mboh, dom bài pakacah mek hu  điểm 10 tagok rilo jang dut song dom thun dahlau song tong abih dom môn pakacah jeng hu điểm 10. 

4/ Tui mintri ngak nông saong patagok palei pala, bilan padai Đông Xuân thun ini dalam taneh ia pala drak hu labaih 3.000.000 ha, patrun hasit duk saong thun bloh, năng suất tui kuhria mek hu labaih 62 tạ/ha, atrun 1,3%; sản lượng meda mek hu labaih 19 triệu tấn, trun 1,5% duk saong thun dahlau. 

5/ Dok dalam dom bruk di harei patom ilamu, Thể thao, Du lịch bhum tapen negar Việt Nam – Lào mbang ka II thun 2017, Danak dak harei patom ilamu Nghệ thuật bhap bini song parang iek khan aow meng kan  bangsa  tỉnh Sơn La hu mbaok di  15 kapul nghệ thuật bhap bini mai meng  15 tỉnh tapen negar  Việt Nam - Lào. Ngan song khan aow meng kan dom bangsa song bruk parang iek biak biak gheih, dom kapul pakacah hu brei mboh veik ilamu adat cambat di bhap bini dom bhum palei .

6/ Peih bruk jak ba “Urang VN brei pandar pandap VN”, meng harei 4 tal harei  19/7/2017, Sở Công Thương tỉnh Ninh Thuận pambuak saong pasak pachreih công saong xúc tiến pablei salih tỉnh peih nyaom darak ba pandap Việt mai palei pala, bhum ceik di dom huyện Ninh Hải, Bác Ái, Ninh Phước, Thuận Nam. Danak dak ba pandap Việt mai ka urang blei pandar lac jalan peih tabiak ka bruk pablei salih pandap ka dom doanh nghiệp, pabak hatai blei pandar di bhap bini; daong bhap bini bhum palei pala  thau hu dom pandap Việt siam, yaom mbiah.    

 7/ Di ban sit Phước Long, tỉnh Bình Phước,  Pasak pachreih  công song tacei jalan patagok công nghiệp tỉnh bahrau peih bruk yaih khan danak dak “ “Padang ngak mô hình parang iek  kỹ thuật xông trùng hạt điều meng jalan  pháp tui iek  không khí dalam bruk ngak asar paoak blait ”. Ong Lê Nhật Khoa – Phó Giám đốc công ty Trách nhiệm hữu hạn sản xuất thương mại Phúc An brei thau:  “Bruk xông trùng asar paoak blait meng jalan tui iek  không khí meda dong khik hu hacih saat pandap mbang dalambruk ngak asar paoaok blait pablei tabiak negar langiu, pachreih ba dom kapul nyaom, menuac urang buh tame ngak jamriak  máy móc thiệt bị bahrau , salih bahrau dalam gah công nghiệp ngak asar paoak blait”. 

Patui di ini dom khau tin dunya:

8/ Ngoại trưởng Mỹ Rếch Tin-lơ-sơn brei thau, Mỹ daok kuhria caga ginum meyai haong Nga dom kham merat piah tani tanat bruk di Xyri, dalam nan hu bruk padang dom bhum oh brei par.

9/- 4 negar A-rập lac  A-rập Xê-út, Các tiểu vương quốc A-rập thống nhất, Ba-ranh song Ai Cập tabiak panuac lac, bruk Ca-ta oh taduan tối hậu thư bo dom negar ni ba tabiak lac bruk  brei thau negar ni hu pagam tal dom nyaom khủng bố. Dom negar meda samar ba tabiak dom jalan ngak bahrau piah cagar veik Ca-ta./.  

10/ Nga, Thổ Nhĩ Kỳ hong Iran hu njauk gauk brei padang sa kapul ngak bruk hong gauk piah padang dom bhum patrun căng thẳng di Xyri. Dalam panuac ba tabiak hadei dom mbang ginum meyai barau abih ka hòa bình Xyri rah tabiak di Át-ta-na, ban ine di Cadắcxtan,  Nga, Thổ Nhĩ Kỳ hong Iran ndom lac iek praong quyền ngak pơ saong taneh ia di Xyri./.